Më të fundit

  • Nis aksioni 'Të pastrojmë Beratin'. Fillohet nga shtrati i lumit Osum

    Ministria e Turizmit dhe Mjedisit, Institucioni i Prefektit të Qarkut, bashkitë Berat dhe Ura Vajgurore kanë iniciuar nisjen e një aksioni për pastrimin e shtratit të Lumit Osum. Ministri Blendi Klosi në nisje të këtij aksioni tri ditor u shpreh se ky është vetëm fillimi i një pune që nuk duhet të ndalet deri në pastrimin e plotë të shtratit të lumit nga mbetjet. Ai e konsideroi si jetike për qytetin zgjidhjen e këtij problemi që shkakton përmbytje sa herë që ka reshje shiu me intensitet të lartë.

    Lexo me shume
  • Shkupi në majën e listës botërore për ndotjen e ajrit

    Qyteti i Shkupit ka prekur majën e listës botërore për nga ndotja e ajrit, duke lënë pas vetes qytetet Kalkuta të Indisë, Daka të Bangladeshit e shumë metropole tjera botërore të njohura për nga ndotja. Matjet në Shkup tregojnë 376 mikrogram grimca kancerogjene për metër kub, shifër kjo e cila është e mjaftueshme që kryeqyteti i vendit të rangohet në vendin e parë në nivel botëror. “Të dhënat zyrtare të ministrisë së Ambienti Jetësor flasin për nivele alarmante të ndotjes së ajrit. Më e rëndë gjendja paraqitet në komunat e Shkupit dhe në qytetin e Kumanovës.

    Lexo me shume
  • Qymyri po helmon Ballkanin. Shkak për 60 mijë vdekje të parakohshme

    Më shumë se 60 mijë vdekje të parakohshme në Europë mund të parandalohen gjatë dekadës së ardhshme, nëse merren masa urgjente ndaj ndotjes së ajrit nga centralet më të pista të qymyrgurit në Europë. Në artikullin e tyre të përbashkët, Dragana Mileusniç, koordinatorja e politikës energjetike për Europën Juglindore te “CAN Europe”, koalicioni më i madh i klimës në Europë, dhe Ioana Ciuta, e grupit “CEE Bankëatch”, thonë se përdorimi i qymyrit në Ballkan për qëllime energjetike po kushton jetë njerëzish.

    Lexo me shume

26 Mars - Ora e Tokës

Ora e Tokës është një ngjarje ndërkombëtare, ku të gjitha familjet, komunitetet dhe biznesi në mbarë botën ftohen të fikin dritat e tyre (dhe pajisje të tjera elektrike) për një orë. E përkujtuar cdo të shtunë të fundit të marsit, veprimtaria synon të rrisë ndërgjegjësimin për të ndërmarrë masa mbi ndryshimet klimatike dhe ngrohjen globale, nëpërmjet një veprimi të thjeshtë – fikjen e dritave – i cili sjell një ndryshim në ngrohjen globale. Ora e Tokës është përkujtuar për herë të parë në vitin 2007 në Sidnei të Australisë. ku 2.2 milion individë dhe më shumë se 2,000 biznese fikën dritat për një orë. Vetëm një vit më vonë Ora e Tokës u shndërrua në një lëvizje globale me më shumë se 50 milion njerëz në 35 vende pjesëmarrëse.