shkretetire

A e dini se edhe në Evropë ka një shkretëtirë?

Në pamje të parë duket sikur jemi shpërngulur në Afrikë, ku dominon Saharaja dhe dunat e rërës. Por në fakt jemi në Evropë, konkretisht në Francë, në basenin e famshëm Arcachon. Kjo është Duna e Pilat, më e larta në Evropë dhe ndodhet pikërisht në buzë të Oqeanit Atlantik. Bëhet fjalë për një pamje të jashtëzakonshme të dunës me rërë, si për bukurinë ashtu edhe për fenomenet e çuditshme që krijon. E krijuar nga erozioni, duna e Pilat ndër mijëra vjeçarë ka arritur lartësinë mes 100 dhe 115 metrash sipas viteve, është 2/7 km e gjatë dhe 500 metër e gjerë.

Spektakli i lulëzimit të shkretëtirës afrikane

Çdo vit, për pak javë, tapete lulesh shumëngjyrëshe shndërrojnë hapësira të mëdha toke përgjatë brigjeve perëndimore të Afrikës së Jugut, në një shpërthim të hareshëm ngjyrash. Këto superlulëzime ndodhin në shkretëtira dhe panorama të ndryshme në të gjithë botën, por janë pak ato që mund të krahasohen me sezonin e luleve në Afrikën e Jugut. Zakonisht, ky sezon zgjat për disa javë, mes fundit të korrikut dhe fundit të shtatorit, lulet janë të përvitshme dhe thahen me erërat e para të nxehta të vitit, pavarësisht se farat e tyre qëndrojnë në gjumë nëpër të nxehtin përvëlues të verës, në pritje të shirave të vitit të ardhshëm.

Të bësh ferma në mes të shkretëtirës

Shkretëtira Wadi Rum, në Jordaninë jugore, afër kufirit me Arabinë Saudite, është një peisazh aq i pazakontë saqë shpesh quhet “Lugina e Hënës”. E tëra me rërë të kuqe, kjo luginë është e rrethuar nga malet prej graniti dhe guri ranor. Në rreth 720 kilometra të kësaj zone ka gryka të ngushta, harqe natyrore, shkëmbinjë të lartë të rrëpirë, shkarje masive e shpella. Për shkak se është shumë e thatë, edhe bimësia në të është shumë e rrallë. Megjithatë, vitet e fundit kjo zonë po shndërrohen në sipërfaqe të punuar bujqësore.