Fier

“Vjosë-Levan-Fier”, kanali legjendë i ujitjes që rrallë pastrohet

Nga Arben Velo

Kanali Vjosë-Levan- Fier merr jetë në fshatin Selishtë, vend që quhet ndryshe dhe vepra e marrjes. Pasi gjarpëron mes për mes fushave të Myzeqesë, përfundon në fshatin Dërmënas, ku dhe merr jetë një tjetër degëzim i tij, për tu derdhur më pas, në detin Adriatik. 31.25 km është gjatësia nga Selishta deri në Dërmënas, ndërsa nga ky fshat deri në buzë të detit, gjatësia është 18 km. Një degëzim tjetër është i quajturi kanali i Martinës, 19 km. Historiku i këtij kanali zë fill nga puna kolosale që është bërë rreth viteve 50 për hapjen e trasesë së tij.

AdZM e Qarkut Fier, zhvillon aktivitete mjedisore me nxënësit e shkollave

Admininistrata e Zonave të Mbrojtura në Qarkun e Fierit, vazhdon të inkurajojë komunitetin pranë Parkut Kombëtar Divjakë –Karavasta, në ndërgjegjësimin e ruajtjes së natyrës dhe sidomos të faunës dhe florës specifike që rritet në këtë zonë. Një nismë është dhe ajo e pyllëzimit të hapësirave me drurin e pishës, karakteristikë e kësaj zone bregdetare. Protagonistë të takimit të fundit të kësaj administrate, ishin nxënësit e shkollës 9-vjeçare të fshatit Kryekuq ,një fshat që shtrihet fare pranë vijës ujore të Kënetës së Karavastasë.

Bashkia e Fierit: Gjobë bizneseve që ndotin lumin Gjanica

Lumi Gjanica në Fier ishte kthyer në makth për banorët, pasi shumë herë ka përmbytur shtëpitë e tyre. Por pas ndërhyrjeve të Bashkisë së Fierit, lumi ishte sistemuar për një kohë të gjatë. Por papërgjegjshmëria e disa bizneseve po i rikthen identitetin lumit të tmerrit. Në shtratin e lumit përsëri kanë rifilluar të hidhen mbetje urbane dhe hidrokarbure që vijnë nga zonat naftëmbajtëse. Banorët shprehen mjaft të indinjuar me situatën e paraqitur. Ndërsa në Bashkinë e Fierit shprehen se do të merren masa duke iu vendosur gjoba të gjitha bizneseve që hedhin mbetje në lumin Gjanica.

Bashkia Fier, infrastrukturë bashkëkohore për grumbullimin e mbetjeve

Mbrojtja e Mjedisit mbetet ndër prioritetet e Bashkisë së Fierit, e cila po zbaton një model të ri bashkëkohor për grumbullimin e mbetjeve në qytet, me kontenierë hermetikë që përdoren edhe në kryeqendrat evropiane. Imazhi i ri me rrugët e saporikonstruktuara të qytetit të Fierit është shoqëruar dhe me një tjetër investim po kaq të rëndësishëm për mjedisin dhe qytetarët. Modeli i koshave të mbetjeve, të përdorshme në kryeqendrat evropiane, ku kanë kaluar çdo testim të mundshëm për cilësinë e tyre, është modeli që Bashkia Fier ka përzgjedhur për t’i vendosur në rrugët e qytetit.

Derdhja e hidrokarbureve – Ndotet sërish lumi Gjanica në Fier

Ndotja në nivele alarmante e lumit Gjanica vijon të mbetet një problem serioz për qytetarët fierakë.  Bashkia e Fierit ka ndërmarrë së fundi një aksion për pastrimin dhe zgjerimin e shtratit të lumit, por kjo vetëm minimizon rrezikun e përmbytjeve, ndërkohë që nuk është bërë asnjë gjë për ndotjen e ujërave të lumit. Banorët thonë se ndotja e lumit vjen si pasojë e derdhjes së mbetjeve hidrokarbure nga rafineria e naftës në Ballsh dhe Fier. Ata kërkojnë që të merren masat pasi ka shumë ndotje dhe erë gazi dhe nafte. Nga derdhja e hidrokarbureve dhe kimikateve të ndryshme uji i lumit Gjanica është bërë i zi.

Fier - Panik në Marinzë, Banorët: Janë hapur gropa thithëse në oborret e shtëpive

Në oborret e banesave të fshatit Marinëz, zona naftënxjerrëse në Fier po hapen gropa, të cilat kanë shkaktuar panik tek banorët. Ata i tremben zmadhimit të gropave sidomos gjatë natës, çka mund të rrezikojë shembjen e shtëpive. Sipas tyre, gropat janë pasojë e shpimit të puseve për naftë. Banorët: Këto janë shenjat e para të dhembjes së tokë. Jeta është e pagarantuar. As me banesën. -Me frikë rrojmë… -Ne nuk i kemi pasur këto probleme vitet e shkuara. Banorët e Marinzës thonë se pas shpërthimit të fontanës së gazit një vit më parë, kanë mbetur pa ujë të pijshëm, pasi uji që u vjen në çesma është i ndotur.

Fier, banorët e fshatit Mbyet protestë sërish kundër ndërtimit të landfillit

Protesta e banorëve të fshatit, Mbyet të Fierit ku do të ndërtohet landfilli, sot është përqëndruar në vendin ku landfilli është projektuar të ngrihet. Gjithsesi banorët edhe ditën e sotme kanë kërkuar që ky landfill mos të ndërtohet, ndërkohë që vargu i automjeteve ka arritur në rreth 1 kilometër. Shkak për daljen e banorëve në protestë është bërë një vendim i Këshillit Bashkiak për ndërtimin e impiantit të përpunimit të mbetjeve të qytetit të Fierit. Si pasojë e bllokimit të rrugës, ka pasur përplasje mes drejtuesve të automjeteve dhe protestuesve.

Fier, hetim kompanive naftënxjerrëse për lëkundjet e tokës

Sektori për Hetimin e Krimit Ekonomik e Financiar në Drejtorinë Vendore të Policisë Fier, referoi materialet hetimore në Prokurorinë e Rrethit Gjyqësor Fier për veprën penale “shkatërrim i pronës”, në lidhje me lëkundjet e tokës në Zharrëz. Për pasojë, janë dëmtuar shumë banesa dhe dyshohet se lëkundjet kanë ardhur si pasojë e punimeve të kompanive naftënxjerrëse. Banorët e Zharrëzës dolën në protesta pas këtyre lëkundjeve dhe për këtë arsye ka nisur procedimi penal ndaj 14 prej tyre.

Fier, rruga e plazhit të Semanit e dëmtuar, problem dhe papastërtia

Plazhi i Semanit në Fier vazhdon të jetë në gjëndje të mjerueshme, por përveç pastërtisë së tij që është lënë në harresë, problem mbetet edhe rruga që të çon në këtë plazh. Megjithëse kjo rrugë ka një panoramë shumë të mirë ajo shumëzohet me zero pasi dëmtimi i rrugës nuk të lë mundësi për të shijuar atë. Para tre ditësh u mor një nismë për të pastruar plazhet e të gjithë bregdetit shqiptar, ndërkohë që Bashkia e Fierit nuk iu bashkua kësaj nisme. Banorët e zonës ankohen se në këtë rrugë ka më shumë se 20 vjet që nuk është investuar.

Fier, Vjosa rrezikon fshatin Kashisht

Disa dhjetëra shtëpi përgjatë shtratit të lumit Vjosë, në fshatin Kashisht të Fierit rrezikojnë shembjen. Gërryerjet e lumit arritën themelet e shtëpive, duke i rrezikuar seriozisht banesat. Banorët thonë se në situatat e vërshimit të lumit, lagjja është dyfish e rrezikuar nga përmbytja dhe nga gërryerjet. Sipas tyre, shtrati i lumit u devijua nga shfrytëzimi pa kriter për përfitimin e materialeve inerte. “Vajti disa vjet që këtu është shfrytëzuar pa kriter dhe nga kjo, pasi ka qenë në një gjerësi prej 150 metra, tani është bërë 500 metra.

Fier: Lumi Gjanica pastrohet, t’i paraprihet përmbytjeve

Nisja e reshjeve ka detyruar bashkinë e Fierit të rifillojë me urgjencë punën për pastrimin e lumit Gjanicë në pjesën pranë ish Azotikut deri tek nyja ku bashkohet me lumin Seman. Shkak është bërë mbushja e shtratit të lumit në disa pika, inertet, por edhe nga dëmtimi e argjinaturës. Bordi i kullimit pohon se me këtë ndërhyrje i paraprihet ndonjë situatë të mundshme përmbytjesh.

Entela Kola: Po pastrohen nyjet ku ka pasur mbushje dhe shkarje gjatë kësaj kohe.

Fieri sërish pa landfill, Prefekti: Nuk ndërtohet në Mbrostar

Prefekti i Fierit, Xhevit Bushaj, pohon se nuk do të firmosë vendimin e Këshillit bashkiak për landfillin e Mbrostarit. Pas takimit me banorët protestues, prefekti Bushaj pohoi se do ta kthejë vendimin për ndërtimin e impiantit të përpunimit të mbetjeve në Mbrostar, pasi parësore sheh interesat e komunitetit. Pas protestave dy javore të banorëve të Mbrostarit, prefekti i Fierit Xhevit Bushaj konfirmon se do ta kthejë vendimin për ndërtimin e landfillit, pasi parësore sheh interesat e komunitetit.

Horizont EU aktivitete për parandalimin e zjarreve në zonat e mbrojtura

Horizont EU ka një marrëdhenie të ndërsjelltë e të vazhdueshme me bashkitë Lushnjë e Divjakë, veçanërisht me Agjencinë Rajonale të Zonave të Mbrojtura, Parku Kombëtar Divjakë – Karavasta si partner i rëndësishëm sa i përket çështjeve mjedisore. Fillimi i verës si dhe rritja e temperaturave ishte tema e diskutimit të radhës. Shqetësimi që ngritën përfaqësuesit e kësaj agjencie drejtuar nga Ardian Koçi, janë zjarret të cilat mbeten një rrezik i vazhdueshëm dhe mjetet për ta luftuar janë vetëm ato rrethanore, pra gati zero.

Impianti i mbetjeve, banorët e fshatit Mbyet në protestë: Mos i sillni plehrat në zonën tonë, do vetëflijohemi!

Rikthehen protestat në fshatin Mbyet të Fierit, banorët e të cilit janë kundër ndërtimit të impiantit të mbetjeve në këtë zonë. Mësohet se protestuesit janë grumbulluar në hyrje të fshatit, ndërsa me deklarata të forta kanë vendosur t’i bëjnë ‘rezistencë’ vendimit. Ata theksojnë njëzëri se do të vetëflijohen, nëse impianti i mbetjeve vendoset në fshatin e tyre. “Do bëjmë gjithçka për shfuqizimin e këtij vendimi. Do vetëflijohemi, plehrat të mos vijnë në zonën tonë”, theksuan protestuesit.

Kanalet kulluese, fermerët e Fierit: Nuk pastrohen, na përmbyten tokat

Fermerët e zonës së Bishanit në Fier ngrenë shqetësimin e mospastrimit të kanaleve kulluese e vaditëse prej të paktën 15 vitesh. Ata thonë se ndonëse janë përpjekur të ndërhyjnë vet me mjete rrethanore, duhet një ndërhyrje më e thellë, me mjete profesionale. Sipas fermerëve, prodhimet e tyre bujqësore përmbyten pothuajse në çdo periudhë reshjesh. Fermerët e zonës së Bishanit në Fier kërkojnë pastrimin e kanaleve kulluese. Ata thonë se Bordi i Kullimit edhe pse ka ditë që nuk ka reshje, ende nuk ka nisur nga puna për pastrimin e kanaleve kulluese, vaditës apo magjistralëve që shërbejnë për mbledhjen e ujrave nga tokat.

Kapet breshka e rrallë në bregdetin e Darzezës në Fier

Kapet në ujërat e bregdetit të Darzezës ne Fier një breshkë marine e përmasave të mëdha. Kjo breshkë është e rrallë në ujërat e detit Adriatik dhe Jon. Breshka ishte e gjate rreth 70 cm dhe peshonte rreth 70-80 kg. Breshka detare është kapur fillimisht nga një i ri në thellësi pak metra larg bregut dhe me pas është nxjerr në bregdetin ranor, duke u ndjekur me kureshtje nga dhjetëra pushues. Për pushuesit, prania e këtij vizitori te rrallë në këto brigje është vërtet një veçanti për vetë faktin se nuk është parë breshke me përmasa kaq të mëdha. Më pas, breshka detare është rikthyer ne ujë dhe është larguar.

Kërkesat e para për impiante energjie diellore në Fier

Në Shqipëri janë rritur aplikimet për ndërtimin e centraleve të prodhimit të energjisë nga panelet diellore. Kërkesa konkrete janë depozituar në Ministrinë e Energjisë për një central në zonën e Topojës në Fier. Bëhet fjalë për investime private me një fuqi të instaluar deri në 2 megavat, pothuajse sa një hidrocentral i vogël. “Janë bërë dy aplikime deri tani dhe po vazhdon një i tretë. Janë deri në 2 megavat, brenda pritshmërisë që kemi ne, të cilat i kemi në përpunim e sipër”, thotë Gjergj Simaku, drejtor i Energjisë së Rinovueshme, MEI.

Kundër landfillit, banorët e Verrisë bllokojnë autostradën Fier-Lushnje

Banorët e Verrisë sërish në protestë për mosndërtimin e landfillit në fshatin e tyre. Por ndryshe nga herët e kaluara ku ata kanë protestuar para Bashkisë së Fierit dhe në vendin ku do të ndërtohet landfilli, banorët sot kanë bllokuar autostradën nacionale Fier-Lushnjë, në te dyja anët e saj. Kanë qenë mbi 50 banorë të cilët kanë bllokuar autostradën, ata janë ulur në mes të rrugës duke shkaktuar radhë kilometrike të automjeteve të cilat po kalonin në autostradë. Edhe pse drejtuesit e mjeteve u kanë kërkuar që ta zhbllokojnë rrugën ata nuk i kanë marrë parasysh thirrjet e tyre.

Landfilli në Fier, tërhiqet firma, kërkon ndryshim të vendit

Impianti i përpunimit të mbetjeve në Fier nuk do të ndërtohet në fshatrat Mbyet, Plyk dhe Portez. Firma që fitoi projektin kërkoi që impianti i përpunimit të mbetjeve të ndërtohet në një zonë tjetër, pasi terreni në këto tre fshatra është i papërshtatshëm. Në mbledhjen e këshillit bashkiak të Fierit, firma që fitoi projektin kërkoi që impianti i përpunimit të mbetjeve të ndërtohet në një zonë tjetër. Gjatë mbledhjes nuk munguan as përplasjet mes këshilltarëve të djathtë dhe atyre të majtë.

Ministria e Mjedisit, mirëpret fillimin e punës të Impiantit të Fierit

Ministria e Mjedisit mirëpret fillimin sa më shpejt të punës të projektit madhor për Bashkinë Fier dhe qytetarët e saj për ndërtimin e impiantit të trajtimit të mbetjeve dhe prodhim energjie. “Projekti për dhënien me Koncesion/PPP të ndërtimit të administrimit të impiantit të trajtimit të mbetjeve urbane të Qarkut Fier dhe prodhim energjie, është në përputhje me strategjinë dhe politikat e menaxhimit të Ministrisë së Mjedisit, duke u konsideruar me interes publik”, sqaron zyrtarisht ministria e Mjedisit.

  • 1
  • 2