mbetje spitalore

200 familje mallkojnë tymin e kaldajës së maternitetit në Tiranë: Digjen mbetje spitalore, na rrezikohet jeta

Nga Erjon Skendaj

Mbi 200 familje që jetojnë në katër pallate shumëkatëshe fare pranë rrethimit të maternitetit “Mbretëresha Geraldinë” në Tiranë, ankohen se nuk po marrin dot frymë, dhe as nuk mund të hapin dritaret për shkak të tymit të madh që çliron oxhaku i kaldajës së spitalit. Të tjerë banorë ngrenë pretendimin spitali ka vite që djeg mbetjet spitalore pak metra larg edhe një kopshti ekzistues prej 30 vitesh në atë zonë.