temperatura

2015 është viti më i ngrohtë i regjistruar, sipas NOAA dhe NASA

Sipas NOAA-s dhe Nasa-s, viti i kaluar ishte viti më i ngrohtë në Tokë që nga koha kur ka filluar regjistrimi i të dhënave në vitin 1880. Ka qenë e qartë për një kohë të gjatë se viti 2015 ka qenë më i nxehtë se viti 2014, por 10 nga 12 muajt e vitit të fundit kanë qenë muajt më të ngrohtë, dhe këto regjistrime na kthejnë 136 vite pas. Ky lajm nuk ishte domosdoshmërisht një surprizë, por befasuese ishte diferenca e temperaturave mesatare në të gjithë planetin 1.62˚F (0.90˚C) mbi mesataren e shekullit të 20-të, më shumë se 20% më e lartë se mesatarja.

Alarmi, muaji shkurt më i nxehti në 100 vitet e fundit

Temperaturat globale në muajin shkurt thyen rekordin historik që prej një shekulli, duke shënuar muajin më të ngrohtë që kurse janë mbajtur shënim temperaturat. Sipas të dhënave të NASA-së, temperaturat globale në tokë dhe në oqean ishin rreth 1.35 gradë C më të ngrohta se mesatarja historike. Rezultatet janë tregues të vërtetë të rritjes së pandërprerë dhe afatgjatë të temperaturave globale për shkak të lëshimit të gazrave në atmosferë. Ndërkohë, vera pritet të jetë më e nxehtë në hemisferën veriore. Fenomeni “El Nino”, mendohet se ka kontribuar për rritjen aktuale të temperaturave globale.

Kontinenti europian goditet nga vala e të nxehtit afrikan

Europa po përjeton këto ditë një mot ekstrem, me valët e të nxehtit afrikan dhe përmbytje. I nxehti ekstrem ka shkaktuar zjarre në vendet e jugut të kontinentit si Kroacia, Italia, Mali i Zi, Portugalia apo jugu i Francës, ndërkohë që thatësira ka sjellë probleme të furnizimit me ujë në shumë zona. Turistët në plazhet e Kroacisë qëndrojnë poshtë çadrave dhe herë pas here, kridhen në det për t’u freskuar. Me temperaturat që shkojnë deri në 40 gradë celsius në hije, shumë syresh e shmangin detin nga paraditja deri në pasdite vonë.

Mes përmbytjeve dhe thatësirës

Tashmë të gjithë e njohin fenomenin “El Nino” që ka pushtuar çdo anë të globit duke dhënë efektin e tij më të madh veçanërisht këtë dimër. Deri më tani masat më të forta të “El Nino” i ka përjetuar hemisfera perëndimore. Në Shtetet e Bashkuara të Amerikës, pritet që edhe javët e ardhshme të kenë të njëjtën dendësi shirash në pjesën jugore, e ndërsa veriu i vendit do të mbetet i thatë. Los Anxhelos është përmbytur, e teksa stuhitë tani janë zhvendosur drejt Kalifornisë. Shërbimet meteorologjike u kanë bërë thirrje njerëzve që të mos dalin nga shtëpitë e tyre pasi ka rrezik. Po ashtu edhe Europa është mbërthyer nga një mot i rrezikshëm, por jo aq sa Shtetet e Bashkuara të Amerikës.

Në Iran termometri ka regjistruar 54 gradë Celsius

Organizata Botërore Meteorologjike ka publikuar një raport për temperaturat ekstreme të cilat janë regjistruar në disa vende të botës. Raporti përfshin periudhën prej fundit të qershorit dhe deri në fillim të muajit korrik. Një nga temperaturat më të larta është regjistruar më 29 qershor në Iran, ku termometri ka shënuar plot 53.7 gradë Celsius, e cila ka qenë edhe temperatura më e lartë e regjistruar ndonjëherë në këtë shtet. Kjo temperaturë e lartë është regjistruar gjatë valës së të nxehtit, e cila ka përfshirë Iranin, Irakun dhe Kuvajtin.

S’ka më dimër për Vitin e Ri

Krishtlindja dhe Viti i Ri nuk mund të kuptohen pa borën dhe të ftohtin që shënon fundin e vitit dhe mesin e dimrit. Por, të tilla imazhe u përkasin tashmë vetëm publiciteteve televizive, pasi në realitet, moti nuk ka më asnjë lidhje me një stinë të ftohtë dhe të acartë. Gjatë ditëve të fundit të dhjetorit, i gjithë vendi është pushtuar nga temperatura të larta, aspak normale për këtë periudhë të vitit. Termometri ka shënuar 18 gradë Celcius dhe pritet që deri në fundjavë të kemi një rritje me dy deri në 3 gradë Celcius.

Tirana sot 33 gradë celsius, rritje të temperaturave në ditët në vijim

Pas shirave të ditëve të fundit dhe luhatjes së temperaturave, ditë të nxehta pritet të pushtojnë Tiranën dhe qytetet e tjera të Shqipërisë. Sot në orën 14:00 në qytetin e Tiranës pritet të regjistrohet edhe temperatura më e lartë e ditës që do jetë 33 gradë celsius. I nxehti do të vijojë edhe në ditët e tjera të javës duke arritur deri në 35 gradë. Ndërkohë që në Durrës gjatë gjithë javës deri me datë 23 qershor nuk pritet të ketë temperatura më të larta se 28 gradë celsius. Bregdeti jugor do të jetë në linjë me temperaturën e kryeqytetit duke pasur rritje deri në 33 gradë. Është e qartë që tashmë vera ka ardhur dhe i nxehti është në terrenin e tij.

Vjen i nxehti afrikan, deri të mërkurën mbi 40 gradë

Fundjava ka risjellë temperatura të larta në të gjithë territorin e vendit tonë .Sipas meteorologëve, vendi ynë është prekur sërish nga masa ajrore të nxehta, që vijnë nga Afrika, çka ka bërë që temperaturat të pësojnë një rritje të ndjeshme. Të hënën pritet të ketë një tjetër rritje, ku temperaturat do të shënojnë deri në 40 gradë celcius, në zonat e ulëta dhe jug të vendit dhe kështu do të vijojë deri ditën e mërkurë. Nisur nga këto temperatura, mjekët u bëjnë thirje qytetarëve, sidomos të moshuarit, ata me sëmundje kronike, por edhe fëmijët e vegjël të bëjnë kujdes, të evitojnë daljet pas orës 11 paradite dhe të konsumojnë sa më shumë ujë.