shtab emergjencash

5 vatra zjarri në 24 orët e fundit

Gjatë 24 orëve të fundit janë konstatuar 5 vatra zjarri në pyje e kullota. Specialistët e Emergjencave Civile janë duke mbajtur situatën në monitorim të vazhdueshëm në të gjithë vendin.
Qarku Tiranë

Në fshatin Zhuri, Njësia Administrative Ndroq, bashkia Tiranë, ka rënë zjarr në një sipërfaqe me shkurre dhe ullishte. Shërbimi vendor i MZSH Tiranë së bashku me banorët e zonës kanë shkuar në vendngjarje dhe pas një pune intensive kanë mundur të shuajnë zjarrin. Si pasojë e zjarrit u dogj një sipërfaqe rreth 3 ha me shkurre dhe ferra.

A duhen ripyllëzuar sipërfaqet e djegura?

Vera 2017, do të mbahet mend gjatë jo për të mirat që solli, por për temperaturat e larta për më shumë se një muaj, për mungesën e reshjeve si dhe për më shumë se 950 zjarre të lemeritshme në pyje të lartë apo të ulët. Këto zjarre janë një thirrje- kushtrim për qytetarët e kësaj toke: -Mendoni e veproni sa nuk është vonë, se këtu do të jemi të detyruar të jetojmë! Në këtë kontekst, i tronditur nga ky realitet mendoj që të mos hesht, por të flas, të kontribuoj sado pak.

Avionë nga Korfuzi dhe Puglia kundër zjarreve në pyjet shqiptare

Qeveria shqiptare i ka kërkuar ndihmë vendeve fqinje që ta ndihmojnë në shuarjen nga ajri të zjarreve në masivet pyjore të maleve të saj. Ministri i jashtëm Ditmir Bushati u telefonoi ministrave homologë në Greqi Kotzias dhe në Itai Alfano për të ndihmuar Shqipërinë me helikopterët e tyre në operacionet e kundër zjarreve. Burime nga ministria e jashtme bënë të ditur se ata kanë shprehur gadishmërinë për këtë bashkëpunim dhe priten mjete fluturuese të mbërrijnë në zonat më të nxehta.

Bilanci i zjarreve, Prençi: Janë djegur 50 ha pyje, kullota e shkurre

Rreth 50 hektarë pyje, kullota dhe shkurre janë djegur nga zjarret deri tani. Shifra u bë me dije nga Drejtori i Përgjithshëm i Emergjencave Civile, Shemsi Prençi, sipas të cilit dëme të konsderueshme ka edhe në dru frutorë. I ftuar në Ora News ai tregoi dhe zonat me risk më të lartë ndaj zjarreve.
Prençi: Në pyje dhe kullota sasia ka shkuar në rreth 50 hektarë pyje, kullota dhe shkurre.

EC: Shirat mund të shkaktojnë përmbytje. Ja qytetet e rrezikuara

Emergjencat Civile paralajmërojnë se reshjet e shiut të cilat priten të nisin mëngjesin e ditës së nesërme mund të shkaktojnë përmbytje. Përmes një njoftimi për mediat, EC theksojnë se janë marrë masat emergjente për situata të pritshme të parashikuara nga IGJEUM dhe institucionet ndërkombëtare të monitorimit të përmbytjeve për Evropën të cilat parashikojnë reshje shiu me intensitet të lartë. Në njoftimin e Emergjencave Civile thuhet:

Elbasan, zjarri në Kodër Krastë bëhet alarmant

Zjarri i përmasave të mëdha që ka përfshirë Kodër Krastën, në Elbasan, ka djegur një sipërfaqe të konsiderueshme me pisha. Zjarri është përhapur me shpejtësi në të gjithë pyllin, pavarësisht ndërhyrjes së menjëhershme të zjarrfikësve, forcave të policisë dhe punonjësve të Bashkisë së Elbasanit. Temperaturat e larta e kanë bërë të vështirë izolimin e flakëve dhe situata vazhdon të jetë emergjente. Ish-depot e dikurshme të ushtrisë në Kodër Krastë janë një tjetër shkak për t’u alarmuar, nga frika e ekzistencës së municioneve të mbetura luftarake.

Emergjenca - Zjarret në Bulqizë, Drejtori i Shërbimit Pyjor takim urgjent për situatën

Situata e zjarreve në Bulqizë ishte fokus i takimit urgjent të punës së thirrur nga drejtori i Shërbimit Pyjor, Lutfi Myftari. Ai thotë se janë ngritur grupet e punës në çdo njësi për të parandaluar përshkallëzimin e emergjencave, ndërsa kanë nisur hetimet për çdo zjarrvënie të qëllimshme. Drejtori i Shërbimit Pyjor në Bulqizë, Lutfi Myftari, ka mbledhur stafin për të analizuar situatën e krijuar nga zjarret në masivet pyjore të Bulqizës. Në një intervistë për Ora News, Myftari tha se janë ngritur grupet e punës në çdo njësi dhe se ka një koordinim të institucioneve kryesore në Bulqizë për të monitoruar situatën.

Emergjencat Civile: 12 vatra zjarri gjatë 24 orëve të fundit

Gjatë 24 orëve të fundit në të gjithë vendin janë shënuar 12 vatra zjarri ne Gjirokastër, Shkodër, Vlorë, Elbasan, Tiranë, Korçë, Fier dhe Dibër ku një vatër zjarri është ende aktive dhe po punohet për shuarjen e saj. Në operacione për shuarjen e zjarreve janë angazhuar 115 zjarrfikës me 13 automjete, 50 forca ushtarake, 79 vullnetarë si dhe helikopterë. Specialistët e Emergjencave Civile janë duke mbajtur situatën në monitorim të vazhdueshëm në të gjithë vendin pasi rreziku i zjarreve për shkak të temperaturave të larta është ende evident.

Emergjencat Civile: Gjatë 24 orëve të fundit, 11 vatra zjarri. Ja si paraqitet aktualisht situata në disa qarqe

Gjatë 24 orëve të fundit në të gjithë vendin janë shënuar 11 vatra zjarri në disa qarqe të vendit. Kështu thuhet në njoftimin e fundit të Drejtorisë së Emergjencave Civile, ku theksohet se në operacione për shuarjen e zjarreve janë angazhuar mbi 156 zjarrfikës me 18 automjete, 10 forca vullnetare, 78 forca të Ushtrisë, si dhe helikopterë. “Specialistët e Emergjencave Civile, janë duke mbajtur situatën në monitorim të vazhdueshëm në të gjithë vendin.

Fier, zjarr në Margellic zjarrfikëset në vendngjarje

Një zjarr ka nisur ditën e djeshme në fshatin Margellic në një zonë malore, me bimësi të dendur. Mësohet se shërbimet e zjarrfikësve janë në vendngjarje dhe po punojnë për të vendosur nën kontroll zjarrin. Sipas asaj që bëjnë të ditur burime nga zjarrfikësit, zjarri është duke djegur një zonë e cila është e mbjellë me ullinj. Zjarri dyshohet të jetë i qëllimshëm, ndërkohë që është duke u punuar për zbardhjen e plotë të ngjarjes.

I vuri zjarrin ullishteve në Patos, pranga për një personi

Arrestohet në flagrancë një person i dyshuar si shkaktar i zjarrit të qëllimshëm. Mësohet se gjatë ditës së sotme rreth orës 11:00, në kufirin ndarës midis Patos Fshat dhe fshatit Rerëz, ka rënë zjarr dhe janë djegur shkurre dhe ullishte. Për fikjen e flakëve u organizuan shërbimet dhe shkuan në vendngjarje patrullat e policisë së Komisariatit Fier, Stacionit të Policisë Patos, zjarrëfikëset, grupe të FNSH-së, policia bashkiake si edhe forcat e ushtrisë. Zjarri mori përmasa të mëdha dhe si pasojë u dogj një sipërfaqe prej 25-30 hektarë bimësi si shkurre dhe ullishte, përafërsisht 20 mijë rrenjë ullinj.

Jugu shpëton nga përmbytjet, në veri dëbora bllokon Thethin

Në Jug të Shqipërisë reshjet kanë pushuar dhe situata është qetësuar, ndërsa tashmë vëmendja është përqendruar në Veri, pasi dëbora ka bllokuar disa zona të thella. Në Darzezë të Fierit gjendja paraqitet e qetë. 7 pompa të hidrovorit kanë bërë të mundur thithjen e ujit në kanalin kullues. Ndërsa ura metalike është drejt përfundimit pas punës që ka vijuar gjatë gjithë natës nga Forcat e Armatosura. Në këtë zonë u evakuuan para dy ditësh vetëm tre familje, ndërsa sot janë rikthyer pas tërheqjes së ujit.

Lezha mjaft e riskuar nga zjarret, Pepkolaj: Shërbimi zjarrfikës në gatishmëri

Lezha është një zonë mjaft e riskuar nga zjarret në këtë periudhe, kur temperaturat janë rritur ndjeshëm. Për t’i paraprirë çdo situate që mund të krijohet, Shërbimi Zjarrfikës në Bashkinë Lezhë është vënë në gatishmëri të plotë. Në Shëngjin do të ketë ekipe të veçanta, ndërsa po bashkëpunohet ngushtë më Shërbimin Pyjor dhe atë të Mjedisit. Ky fakt bëhet i ditur nga shefi i Policisë për mbrojtjen nga zjarri, Agustin Pepkolaj, i cili ju ka bërë thirrje qytetarëve që të jenë të kujdesshëm. Sipas tij, një pakujdesi e vogël mund të shkaktoj vatra zjarri dhe dëme të parikuperueshme. “

Lushnje, zjarr masiv në një pyll me pisha, shkrumbohen 10 ha

Një zjarr i rënë mesditen e kësaj të hëne në fshatin Kasharaj të Lushnjes, ka shkrumbuar rreth 10 hektarë pyll me pisha. Edhe pse shërbimi zjarrfikës ka mbërritur në vendngjarje, shuarja e vijon të mbetet një mision i vështirë për shkak të erës që favorizon përhapjen e tyre. Zjarri vazhdon të jetë intensiv, ndërsa 2 zjarrfikëse të Lushnjes dhe dy të tjera të ardhura nga Fieri dhe Kavaja, vijojnë betejën me "flakët". Ende nuk dihen shkaqet e këtij zjarri, ndërkohë që nuk përjashtohet zjarrvëniea e qëllimshme, pistë në të cilën po heton dhe policia.

Maqedoni: Parku Kombëtar “Pelisteri” shpëtohet nga zjarri

"Zjarri që shpërtheu ditën e djeshme, në Parkun Kombëtar të Pelisterit, është lokalizuar dhe është nën kontroll", njoftoi udhëheqësi i Njësisë territoriale kundër zjarrit në Manastir, Kostadin Popovski. “Zjarri është në vijën e gjatësisë prej rreth një kilometri. Gjatë ditës së djeshme, u dogj vetëm bar i thatë. Por është e rëndësishme të theksohet se asnjë dëm nuk është shkaktuar në Parkun Kombëtar “Pelister”. Në fushë janë ekipet profesionale të njësisë së zjarrfikësve në Manastir, Drejtoria e Shpëtimit në situata krize, punonjës nga Parku Kombëtar “Pelister” dhe vullnetarë”, tha Popovski, përcjell Telegrafi Maqedoni.

Moti i nxehtë, 9 vatra të reja zjarri; vetëm dëme materiale

Edhe pse në dy ditët e fundit është vënë re një ulje e lehtë e temperaturave, vendi vijon të përballet me rënien e zjarreve në zonë të ndryshme. Në 24 orëve të fundit janë regjistruar 9 vatra zjarri në banesa, një magazinë dhe pyje e kullota. Emergjencat Civile bejne me dije se për fat të mirë ka pasur vetëm dëme materiale dhe jo të lënduar në njerëz. “Emergjencat Civile kanë angazhuar 14 mjete zjarrfikëse në këto 9 raste zjarri dhe rreth 70 forca për të ndërhyrë dhe vënë nën kontroll flakët dhe minimizuar dëmet; ndër to 30 zjarrfikës, 30 pjesëtarë të forcave të armatosura dhe rreth 10 policë të FNSH”, thuhet në njoftim.

Neutralizohet zjarri në Tepelenë, digjen rreth 3 hektarë pyje

Flakët e zjarrit të nisura mbrëmë rreth orës 21:30 në kodrën e qytetit të Tepelenës janë vendosur nën kontroll pas mbërritjes së helikopterit nga Tirana në orët e para të mëngjesit të sotëm. Zjarri ka vijuar gjatë gjithë natës dhe aktualisht raportohet se janë djegur rreth 3 hektar me pyje. Era ka favorizuar përhapjen e flakëve gjatë natës. Kanë qenë rreth 30 banesa që ndodheshin të rrezikuara nga zjarri. Fatmirësisht era ka qenë në krah të kundërt të banesave dhe janë dashur mbi 3 orë të neutralizohen flakët dhe të shmanget rreziku ndaj banesave.

Pas përmbytjeve shtohet rreziku për erozion, ja cilat janë zonat e rrezikuara

Pas përmbytjeve, një ndër rreziqet e evidentuara është edhe rrëshqitja e dherave dhe shkëmbinjve, si rezultat i erozionit të shkaktuar nga shpyllëzimi dhe prezenca e lartë e ujërave nëntokësorë e sipërfaqësorë. Problematike paraqitet rrëshqitjet në Brataj të Vlorës dhe në Pogradec. Për parandalimin e dëmeve të mundshme, zonat e rrezikuara pranë vendbanimeve dhe akseve rrugore po inspektohen nga autoritetet në mbarë vendin dhe po merren masat përkatëse. I bëhet thirrje qytetarëve për kujdes të shtuar në zonat me risk të lartë erozioni.

Përgjegjësitë pas përmbytjeve, si lojë e ka kush e ka

Në çdo situatë emergjence mes institucioneve qendrore, pushtetit vendor, biznesit, qytetarëve, nis një lojë “e ka kush e ka”. Pas përmbytjeve, teza e secilës palë i adresohet një tjetri për përgjegjësinë, por kurrsesi vetes. “Monitor” përfshiu në këtë debat një sërë aktorësh që ishin “në syrin” e përmbytjes, duke nisur nga Emergjencat Civile tek operatorët e energjisë, bizneset e përmbytura apo bashkitë dhe ministritë. Pavarësisht mendimeve të ndryshme të gjithë bashkohen tek një ide, duhet të punohet më mirë dhe duhet të përfshihen të gjithë.

Përmbytjet, situata drejt normalizimit ja dhe sa ha tokë ende nën ujë

Komiteti i Koordinimit të Emergjencave Civile dhe Krizave pranë Kryeministrit, ka njoftuar sot se situata pas përmbytjeve në vend po shkon drejt normalizimit. Sipas të dhënave të orëve të fundit, sipërfaqja e përmbytur ka vijuar të reduktohet duke mbërritur në vlerën e 2,600 ha, nga të cilat 2,500 ha në zonën e Fierit dhe rreth 100 ha në zonën e Lushnjës. Hidrovoret e Darëzezës vazhdojnë punën me kapacitet të plotë, ndërkohë që është normalizuar gjendja në zonën e Vlorës dhe Levanit.

  • 1
  • 2