ministria e mjedisit

Dita Ndërkombëtare e Biodiversitetit e këtij viti

Viti 2016, në Ditën Ndërkombëtare të Biodiversitetit, ka temë kryesore globale Integrimin e Biodiversitetit dhe i kushtohet mbështetjes së njerëzve dhe jetesës së komuniteteve. Biodiversiteti është themeli për jetën dhe për shërbimet kryesore të ofruara nga ekosistemet, duke mbështetur zhvillimin e qëndrueshëm në gjithë fushat e aktivitetit ekonomik. Ai është një pikë takimi i rëndësishëm dhe çështje ndërsektoriale edhe në Axhendën e Zhvillmit të Qëndrueshëm për 2030-tën. Mbrojtja e biodiversitetit dhe ndalimi i humbjeve të mëtejshme të tij, është një investim themelor për të ardhmen tonë të përbashkët.

Rigjenerimi i fondit pyjor, Berat

Sipërfaqja pyjore në rajonin e Beratit llogaritet rreth 16.000 ha dhe si në shumë zona të tjera të Shqipërisë ka njohur një degradim të pandërprerë gjatë 25 viteve të fundit. Por me hyrjen në fuqi të Moratoriumit 10-vjeçar të Pyjeve dhe zbatimin e programit të Sezonit vjetor të Pyllëzimit, tashmë qytetit po i rikthehet kurora e tij e gjelbër. Filloi ky program i rigjenerimit te fondit pyjore me 5 mijë pisha të egra nw një sipërfaqe prej dy hektarësh, në Malin Partizan përballë lagjes muzeale të Goricës.

'Mbetjet', Mjedisi përgënjeshtron Mziun: Nuk ka aplikim për leje

Ndërkohë që qytetarët e Kamzës presin prej 3 ditësh një zgjidhje të problemit të mbetjeve në lumin e Tërkuzës, burime nga Ministria e Mjedisit konfirmojnë se nuk ka asnjë aplikim për leje mjedisore, pavarësisht pretendimit të kryetarit të bashkisë së Kamzës, Xhelal Mziu. Sipas ministrisë edhe aprovimi për venddepozitimin jepet në bazë të një studimi dhe jo vetëm përmes një kërkese. Nga ana tjetër, Kryebashkiaku i Kamzës është shprehur se bashkia dhe këshilli bashkiak kanë miratuar krijimin e një pike tjetër të mbledhjes së mbetjeve në Valias, por Agjencia Rajonale e Mjedisit Tiranë i refuzon lejen e mjedisit Bashkisë Kamëz, duke sjellë për pasojë këtë situatë.

"Hapat e Gjelbër", revista më e re e edukimit natyror

Revista “Hapat e Gjelbër” nisi si ide rreth dy vjet më parë në konkursin e ideve të Ekonomisë së Gjelbër të organizuar nga Qendra Rajonale e Mjedisit, REC Shqipëri. Sot publikimi i saj është bërë i mundur përmes Projektit të Financuar nga Bashkimi Europian, nga Projekti NaturAL (IPA Natura 2000 & Protected Areas) “Forcimi i Kapaciteteve Kombëtare për Ruajtjen e Natyrës-Përgatitja për Rrjetin Natura 2000” si dhe me mbështetjen e partnerëve: Agjencia Kombëtare e Zonave të Mbrojtura, Ministria e Mjedisit dhe IUCN.

“Bukuroshja e fjetur” Ulëza, feston Promovimin Turistik të vitit dhe Ditën e Shën Markut

Me rastin e festimit të Ditës së Shën-Markut në Njesinë Administrative Ulëz dhe të promovimit të vlerave mjedisore dhe turistike të Parkut Natyror Rajonal “Liqeni i Ulzës” dhe zhvillimit të turizmit nëpërmjet menaxhimit të qëndrueshëm të burimeve natyrore dhe përfshirjes së komunitetit, Bashkia Mat, në bashkëpunim me Ministrinë e Mjedisit, Agjencia Kombetare te Zonave te Mbrojtura (AKZM), Qendrën Rajonale të Mjedisit (REC) Shqipëri, Projektim “Natyra 2000” dhe Fondacionin CNVP (Bashkojmë Vlerat e Natyrës me Njerezit) si dhe partnerët vendorë të zonës si organizata Miqësia Ulëz pjesë të Rrjetit për Mbrojtjen e Natyrës, organizuan ditën e djeshme aktivitete mjedisore, kulturore dhe artistike, në territorin e Njesisë Administrative Ulëz, duke kujtuar kështu dhe Ditën e Shën Markut që përkon me datën 25 prill.

“Moratorium” apo legalizim i katastrofës mbi pyjet dhe pylltarinë shqiptare

“Në vend të një letre për Parlamentin shqiptar”

Marrëdhëniet e shoqërisë shqiptare me natyrën në përgjithësi e me pyjet në veçanti janë përkeqësuar më shumë se kurrë ndonjë herë në dekadën e fundit. Shkatërimi i institucioneve, konfuzioni ligjor i krijuar nga ndryshimet e shpeshta dhe klienteliste, mungesa e investimeve nga shteti dhe keqpërdorimi i pamatshëm i investimeve të huaja, ka sjellë që 63 % e sipërfaqes së territorit të vendit, të jetë sot jashtë kontrollit të shtetit.

“Parisi” kushton 40 milion euro në Shqipëri! Strategji për uljen e sasisë së karbonit në 4 sektorë të ekonomisë

Ministria e Mjedisit është pajisur me një strategji dhe plan të cilët do të udhëheqin vendin drejt një ekonomie me nxjerrje më të ulëta të karbonit dhe do të adaptojë disa sektorë drejt objektivave miqësore ndaj klimës. Ekpertë nga Ministria e Mjedisit dhe Ministria e Energjisë diskutuan dokumentet e reja sot gjatë aktivitietit të prezantimit. “Strategjia e re përmbledh dhe racionalizon planet dhe strategjitë ekzistuese, duke dhënë një vlerësim gjithëpërfshirës të veprimeve të përshtatshme për klimën të planifikuara në Shqipëri, dhe që shfrytëzon sinergjitë dhe mbush hendeqet”, tha Lucia Perugini, studiuese e lartë tek CMCC, Itali dhe eksperte me projektin IBECA të financuar nga BE

“Qytetari shkencëtar” ndalon në qytetin e Kukësit

Ministria e Mjedisit në bashkëpunim me projektin e UNDP-it, “Krijimi i Sistemit të Informacionit për menaxhimin dhe Monitorimin Mjedisor në Linjë me Raportimin Global” (EIMMS) zhvilloi një orë të hapur për biodiversitetin, me shkollën nëntëvjeçare “Riza Spahiu” të qytetit të Kukësit. Në këtë orë të hapur mësimore u fol mbi biodiversitetin në Shqipëri, pasurinë e florës dhe faunës në vendin tonë, duke u ndalur specifikisht në florën dhe faunën e zonës së Kukësit. Gjithashtu një vend i veçantë iu kushtua dhe kategorizimit të zonave të mbrojtura dhe nivelit të mbrojtjes që tregohet për këto zona sipas kategorizimit.

(Mos)paç fatin e Pashukut

Nga Arben Rrozhani

Pashuku, i ngritur në këmbët e pasme, përpiqet të kafshojë një top plastik me vrima që është mbushur me ëmbëlsira. Mbi dy metra i gjatë, 5-vjeçari, gjendet në oborrin e “shtëpisë” së re në periferi të Prishtinës, gati 300 metra tokë të rrethuar me tela dhe elektricitet, pa harruar këtu “apartamentin” dhe “guvën” e jashtme që është krijuar me pjesë të tubave prej betoni. Mëse një muaj më parë, Pashuku, ariu 5-vjeçar i Shqipërisë, do të zinte kokat e gazetave të huaja, për mizorinë në të cilën gjenden arinjtë e murrmë në vendin më të varfër të Ballkanit.

4 ministra të qeverisë shqiptare bashkë për zhvillim të qendueshëm të zonave të mbrojtura

Ministria e Mjedisit dhe Agjencia Kombëtare e Zonave të Mbrojtura zhvilluan sot Forumin Koordinues “Rrjeti i Zonave të Mbrojtura: Modeli i ardhshëm i zhvillimit të qëndrueshëm – hapat e mëtejshëm për një menaxhim më të mirë”. Ky forum mblodhi në një panel 4 Ministra të  Qeverisë Shqiptarë, z. Edmond Panariti, Ministër i Bujqësisë, Zj. Eglantina Gjermeni, Ministër i Zhvillimit Urban dhe Zj. Milva Ekonomi, Ministër i Ekonomisë, si dhe përfaqësuesit më të lartë të organizatave partnere e donatore UNDP, Delegacioni Evropian, GIZ etj.

80 % e makinave në Shqipëri, rrezikojnë të mos e kalojnë testin e kolaudimit

Rreth 80 % e makinave që qarkullojnë në Shqipëri rrezikojnë të mos e kalojnë testin e kolaudimit. Kjo, si pasojë e hyrjes në fuqi të normave të reja për shkarkimin e gazeve. Parlajmërimin e ka dhënë Përgjegjësja e Sektorit të Ajrit, Ndryshimeve Klimatike dhe Kimikateve në Ministrinë e Mjedisit, Laureta Dibra. “Nga komunikimi që ne kemi pasur me kompaninë SGS bëhet fjalë që sot rreth 80 % e automjeteve në treg nuk e kalojnë këtë test”, u shpreh ajo në komisionin e Jashtëm. Masat e reja të shkarkimit të gazrave janë vënë nga Ministria e Transporteve.

A po shkatërrohen zonat e mbrojtura me lejen e autoriteteve?

Në një prej ditëve të dhjetorit të shkuar, Presidenti i “Balfin Group” në cilësinë e ortakut të vetëm, depozitoi 500,000 euro, si zgjerim kapitali për “BFI Invest” sh.p.k., një prej kompanive të shumta të këtij grupi të fuqishëm financiar në Shqipëri. Me ç’dukej kompania, me një moshë relativisht të re, kishte ndezur motorrët. Krahas shtimit të kapitalit me para, objekti i veprimtarisë, gjithashtu ndryshoi. “Produktet bujqësore” u zëvendësuan me “investime mbi pasuritë e paluajtshme”. Dhe ende pa dalë dimri, një ekip specialistësh mjedisi zbarkoi në terren. Vendndodhja: Laguna e Nartës. Misioni: vlerësimi mbi mundësinë e një projekti të ardhshëm turistik.

AKZM prezanton analizën vjetore të vitit 2015 dhe objektivat e vitit 2016

Më datë 16 shkurt 2016 u prezantua analiza vjetore e vitit 2015 dhe objektivat e vitit 2016 të Agjencisë Kombëtare të Zonave të Mbrojtura (AKZM). I pranishëm në analizën e vitit të parë të punës për këtë agjenci ishte Ministri i Mjedisit Z. Lefter Koka dhe prezantimi u bë nga kreu i AKZM-së, Z. Zamir Dedej dhe drejtues të drejtorive rajonale të Agjencisë në mbarë vendin. Në fillim të takimit, Z. Dedej prezantoi punën e bërë gjatë një viti duke vënë theksin në ristrukturimin dhe organizimin e administratës së zonave të mbrojtura, forcimin e kapaciteteve menaxhuese, adminsitrimin dhe monitorimin e tyre.

Aleanca Mesdhetare e Ligatinave i kërkon Ramës dhe Kokës të mbrojnë Divjakën

Duke e konsideruar projektin për ndërtimin e blloqeve të apartamenteve, të hoteleve dhe të vilave në zonën e Parkut Kombëtar Divjakë-Karavasta, “jashtëzakonisht negativ” dhe “të papranueshëm”, një aleancë me 20 organizata mjedisore europiane e quajtur Aleanca Mesdhetare e Ligatinave, i bëri thirrje përmes një letre Kryeministrit dhe Ministrit të Mjedisit të anulojnë projektin e kompanisë Matebex. “Gjatë dekadave të fundit, qeveria shqiptare ka ndërmarrë hapa të rëndësishëm për konservimin më të mirë të trashëgimisë natyrore të Shqipërisë, në veçanti përmes kontributit në Administrimin e Zonave të Mbrojtura, në ruajtjen dhe fuqizimin e vlerave të Parkut Kombëtar Divjakë-Karavasta,” shkruhet në letrën dërguar Ramës dhe Kokës.

Ambasadori i Republikës së Austrisë në Shqipëri pritet në një takim nga Ministri i Mjedisit

Ministri i Mjedisit Z. Lefter Koka ka pritur në një takim Ambasadorin e Republikës së Austrisë në Shqipëri. Dr. Johann Sattler, të cilin e njohu me nismat, politikat e reja dhe arritjet e deritanishme në fushën e Mjedisit duke vënë theksin në prioritetet, objektivat dhe projektet konkrete në këtë sektor të qeverisë shqiptare dhe Ministrisë e Mjedisit, duke u ndalur në 2 moratoriumet atë të pyjeve dhe atë të gjuetisë. Ministri Koka theksoi se në moratoriumin 10 vjeçar të pyjeve, sfida kryesore është kontributi real për zhvillimin dhe shtimin e pyjeve, për një plan të zbatueshëm menaxhimi që ta çojë ekonominë pyjore drejt zhvillimit të qëndrueshëm dhe të jetë kontribues real në ekonominë e vendit, pas përfundimit të këtij moratoriumi.

Arinjtë Pashuku, Tomi e Xhina shpëtohen nga robëria

Tri arinj të mbajtur në robëri u transferuan sot drejt qendrës strehimore “Pylli i arinjve” në Prishtinë në bazë të marrëveshjes midis Ministrisë së Mjedisit dhe fondacionit “Four Paws”. Dy arinjtë të moshës rreth 5 vjeç, Tomi dhe Pashuku ishin dërguar një muaj më parë në Kopshtin Zoologjik në Tiranë pas sekuestrimit që inspektorë të ISHMP-së bënë në vendet ku ata mbaheshin. Xhina, ariu i tretë, u sekuestrua në fshatin Zerqan dhe pas plotësimit të të gjitha procedurave ligjore u nis drejt Kosovës së bashku me dy arinjtë e tjerë.

Ariu i murrmë Riku udhëton drejt shtëpisë të tij të përhershme në Bullgari

Pas qëndrimit të përkohshëm në Kopshtin Zoologjik, ariu i murrmë Riku ka udhëtuar mëngjesin e kësaj të mërkure drejt shtëpisë të tij të përhershme në Qendrën e Shpëtimit “Dancing Bear Park” në Bullgari. Riku ishte konfiskuar nga Inspektorati Shtetëror i Mjedisit dhe Pyjeve në gjendje robërie në fshatin Backë të Skraparit dhe u strehua në Kopshtin Zoologjik deri në gjetjen e strehës përfundimtare dhe përgatitjes së procedurave të nevojshme Transferimi i arinjve të mbajtur në robëri vjen në kuadër nismës së Ministrisë së Mjedisit për të adresuar njëherë e mirë këtë problematikë të faunës së egër në vendin tonë.

Bashkia jep pyjet e Petrelës me qira, të përdoren për agroturizëm

Bashkia e Tiranës planifikon që të japë për përdorim me qira një sipërfaqe pyjore në zonën e Petrelës për agroturizëm, sipas një projektvendimi për “Shprehjen e pëlqimit në parim për dhënien me qira të pasurisë me nr. 745 dhe 744/2 të llojit “Pyll” ndodhur në Njësinë Administrative, Petrelë”. Sipas relacionit, me ndryshimet e fundit ligjore, Bashkisë së Tiranës i është kaluar funksioni për administrimin, qeverisjen dhe mbrojtjen e fondit pyjor dhe kullosor brenda kufijve administrativo-territorial. Pyjet dhe kullotat publike janë transferuar në pronësi të Bashkisë së Tiranës.

Bashkitë kompetencë për prerjen e pyjeve për ngrohje

Vendimi i miratuar se fundi nga Qeveria i jep të drejtën bashkive, që pavarësisht moratoriumit, të shfrytëzojnë pyjet për të plotësuar nevojat e popullatës për ngrohje. Sipas vendimit, prerja e pyjeve për ngrohje do të realizohet nga kompani private të kontraktuara nga bashkitë ose edhe ndërmarrje publike që do të ngrihen posaçërisht për këtë qëllim nën administrimin e njësive të pushtetit vendor.

Berat, ndotja në lumin Osum objekt fotografish për turistët

Lumi Osum në Berat vazhdon të jetë i ndotur. Pavarësisht se në Ditën e Tokës disa vullnetarë tentuan të sensibilizonin banorët e zonës, gjendja e lumit vazhdon të jetë e njëjtë. Bashkia e Beratit çdo ditë bën reklama duke treguar në lidhje me investimet në fasada. Por pamja që të ofron lumi Osum është e trishtë, pasi deri tani asnjë institucion nuk po merr masa për pastrimin e tij. Ndërkohë që pak kohë më parë ministri i Mjedisit, Lefter Koka bëri thirrje për pastrimin e brigjeve të lumenjve ose në të kundërt do të përballeshin me gjoba.