Karaburun

AdZM Vlorë, praktikë me studentët mbi peshkimin në Gjirin e Vlorës

Në Ditën Botërore të Oqeaneve, janë zhvilluar disa aktivitete mjedisore në zonat e bregdetit të Vlorës. AdZM Vlorë në bashkëpunim me UNDP zhvilloi një ditë praktike mësimore me studentët e Universitetit të Vlorës, Dega Biologji mjedisi dhe Peshkim. Tema e praktikës ishte Peshkimi në Gjirin e Vlorës dhe përfshinte takime dhe vizita me peshkatarë artizanal, tregëtar të peshkut dhe biznese të akuakulturës. Pjesë e programit ishte dhe vizita në parkun detar Karaburun-Sazan dhe diskutim mbi format e peshkimit të lejuara në përputhje me statusin e zonës.

Dita Europiane e Deteve: Studentët, aksion pastrimi në Parkun Detar "Karaburun-Sazan"

Në kuadër të Ditës Europiane së Deteve, Administrata Rajonale e Zonave të Mbrojtura Vlorë mirëpriti në Parkun Detar "Karaburun-Sazan" një grup studentësh të organizuar nga Organizata SEEP, me qëllim pastrimin e plazheve dhe detit nga mbetjet plastike. Detet dhe oqeanet janë resurse të rëndësishme të planetit dhe të ekonomisë në Europë. Dhjetë vite më parë, BE lançoi një përqasje të integruar të çështjeve detare të cilat u reflektuan në një sërë politikash të suksesshme.

Ekosistemet detare dhe vlera e tyre ekonomike për komunitetin që jeton në afërsi

Në rrethin e Vlorës gjendet i vetmi Park Kombëtar Detar, ai i “Karaburun Sazani-it”, i cili ofron vlera të jashtëzakonshme natyrore por edhe turistike. Një ndër pasuritë më të mëdha të këtij parku janë ekosistemet e livadheve të Posidonia-s (Posidonia oceanica), të cilat shërbejnë si strehë e shumë gjallesave detare, pjesë e listës së kuqe apo specieve të rrezikuara me interes ndërkombëtar. Nga ana tjetër ky park ofron mundësi për zhvillim turistik të qëndrueshëm duke mundësuar aktivitete turistike, të cilat nuk kanë ndikim negativ në mjedis.

Ende nuk e keni vizituar Qendrën e Informacionit, Radhimë?

Në kuadër të Ditës Botërore të Turizmit dhe Vitit Ndërkombëtar të Zhvillimit të Turizmit të Qëndrueshëm 2017, Ministri i Turizmit dhe Mjedisit, Blendi Klosi inaguroi Qendrën e Informacionit, Radhimë, e cila do t’i shërbejë turistëve që duan të vizitojnë Parkun Kombëtar Detar Karaburun Sazan. Në ceremoni ishin të pranishëm dhe Z. Nino Merola, Drejtor i Agjencisë Italiane për Bashkëpunim dhe Zhvillim, Z. Brian J. Williams, Koordinator i Përhershëm i OKB dhe Përfaqësues i Përhershëm i UNDP, Drejtori i Agjencisë Kombëtare e Zonave të Mbrojtura, Zamir Dedej, përfaqësues i Delegacionit të Bashkimit Evropian në Shqipëri, përfaqësues të sektorit të turizmit të Rajonit të Vlorës, të Projektit NaturAL, PNUD-it, AdZM, Vlorë, AKZM.

Prezantohet shtegu turistik në “shpinë” të Llogarasë

Administrata e Zonave të Mbrojtura Vlorë ka prezantuar shtegun turistik -PK Llogora-Qafa e Thellë-Burimi i Dedehilës. Ky shteg ka si qëllim hartëzimin dhe markimin e tij. Shtegu nga Llogoraja deri në vendin me emertim popullor Qafa e Thellë, afërsisht 3,5 km, është shteg i dukshëm dhe shumë i përdorur nga turistët. Ky segment përshkohet në brendësi të pyllit dhe ofron një pamje të mrekullueshme me florën e saj të pasur në drurë, pyjet halorë të bredhit dhe pishës dhe shkurre. Shtegu është në ngjitje nga Parku Kombëtar Llogora 820 m. mbi nivelin e detit deri në Qafën e thellë afersisht 1200 m mbi nivelin e detit.

Shënjohen shtigjet orientues për turistët në Parkun Natyror të Karaburunit

Protection and Preservation of Natural Environment in Albania (PPNEA), në bashkëpunim me AdZM Vlorë, bënë të mundur shënjimin e shtegut turistik Rrugët e Bardha- Gjiri i Shën Andreut, në bregdetin e Gadishullit të Karaburunit, që krijon një lehtësi për turistët që vizitojnë këtë zonë, dashamirës të natyrës dhe të detit. Gadishulli i Karaburunit është një nga elementët kryesorë dhe një thesar i pazbuluar i bregdetit shqiptar. Tashmë rruga për të zbuluar këtë thesar është e hapur dhe kjo falë shënjimit të shtigjeve orientues për në pikat e monumenteve të natyrës dhe të atyre të historisë, kultit dhe të kulturës.

Vlorë, Banorët e Orikumit dhe Radhimës në protestë, kundër ndërtimit të një rezervuari

Banorët e Orikumit dhe të Radhimës kanë dalë në protestë për të kundërshtuar ndërtimin e një rezervuari në Karaburun dhe ndërtimin e disa vaskave peshkimi. Sipas banorëve të zonës ata nuk janë kundër projekteve madhore, por duhet kërkuar mendimi edhe i banorëve të zonës, pasi konsultimi publik me këta të fundit nuk është bërë. Ne jemi pronar të ligjshëm të këtyre tokave kanë vijuar ata. Banorët janë shprehur që qeveria mos t’i detyrojë të marrin protesta ekstreme. Në mbështetje të banorëve janë edhe struktura lokale të PD.