bicikleta

“Bëhu zgjidhja, jo problemi”

Në Qytetin e Pogradecit shoqata “Unë, Gruaja” e ka bërë traditë organizimin e ditëve mjedisore. Për të realizuar projektet e saj shoqata bashkëpunon me shumë institucione lokale, shoqërinë civile në Pogradec, median lokale dhe komunitetin e gjerë, si në qytet ashtu edhe në zonat rurale. Gratë dhe të rinjtë janë protagonistët kryesorë të aktiviteteve të shoqatës, sidomos ato në fushën e mjedisit, duke siguruar kështu përfshirjen e tyre në jetën sociale, ekonomike, si dhe duke u bërë faktor ndryshimi për mjedisin.

“Një ditë në Kavajë” - Në mbrojtje të mjedisit dhe personave me aftësi ndryshe

Një mjedis i pastër dhe krijimi i kushteve për personat me aftësi ndryshe ishin në qendër të aktivitetit të organizuar ditën e djeshme në qytetin e Kavajës në kuadër të lëvizjes mbarëkombëtare “Për sot dhe nesër”, që “Albanian Exellence” në bashkëpunim me Agjencinë Telegrafike Shqiptare kanë nisur prej mëse tre vitesh. Me mbështetjen e bashkisë së qytetit të Kavajës, kjo iniciativë qytetare mblodhi në qendër të qytetit me tradita të Kavajës, qytetarë, nxënës të shkollave dhe autoritete lokale.

Ambasadori i Suedisë në një tur me biçikletë nëpër Shqipëri

Ambasadori i Suedisë në Shqipëri, Z. Johan Ndisi, gjatë vitit do të udhëtojë nëpër Shqipëri me biçikletë. Gjatë këtyre udhëtimeve, ai do të vizitojë projektet që mbështeten nga Suedia si dhe do të informohet mbi progresin në lidhje me reformën administrative dhe atë territoriale. Gjithashtu, do të vizitojë shkolla për të diskutuar me nxënësit dhe për t’u takuar me njerëz nga zona të ndryshme të Shqipërisë. Duke folur për turin me biçikletë i cili po afron, Ambasadori Ndisi nënvizoi mundësinë për të mësuar më shumë për Shqipërinë.

Bashkia e Tiranës në ditën pa makina dhuron biçikleta

Në Ditën Ndërkombëtare pa Makina, kryetari i Bashkisë së Tiranës, Erion Veliaj ka dhënë një lajm të mirë që në bashkëpunim dhe me biznese do të dhurojnë për përdoruesit e biçikletave në kryeqytet 1 mijë të tilla. Edhe pse në rrugët tona nuk është se ishte respektuar kjo ditë Veliaj bëri apel që të përdoren sa më pak makinat, pasi ajri do të jetë më i pastër dhe banorët më të shëndetëshëm. “Trendi në Tiranë për ndotjen është në rënie me 15%. Po të vijojmë kështu, në 5 vite do kemi një ajër më të pastër. Tirana ende mbetet qytet i ndotur, por do të punojmë për uljen e mëtejshme të ndotjes.

Biçikleta inteligjente, shpikja e madhe e Kinës

Rrugët e Pekinit janë mbushur me biçikletat shumëngjyrëshe, që me nisjen e pranverës. Të parkuara në trotuare, kryesisht në udhëkryqe, pranë stacioneve të metrove dhe të autobusëve këto biçikleta mund të përdorë kushdo, në sajë të një aplikacioni online. Kinezët gjithmonë janë shquar për pasionin e tyre ndaj biçikletave, por kjo ka ndryshuar me kalimin e viteve dhe modernizimin e vendit. Por ky pushtim i metropoleve kineze nga biçikletat këtë vit me sa duket ka rikthyer nostalgjinë e qytetarëve për to.

Biçikleta mbush 200 vjet – Statistikat e tregut brenda Bashkimit Europian

Këtë muaj, biçikleta feston ditëlindjen e saj të 200-të. Ndonëse origjina e saj ekzakte nuk dihet, dimë që në Qershor 1817, baroni gjerman Karl von Drais testoi “die Laufmaschine”, të njohur edhe si makina e vrapit, velocipedi dhe Draisienne. Kjo shpikje e von Drais, e cila kishte një rrotë të parme të manovrueshme u bë paraardhësja e biçikletës së sotme. 200 vjet më vonë, Portugalia është eksportuesi kryesor i biçikletave në Bashkimin Europian, me rreth 15% të të gjitha biçikletave të eksportuara në 2016-ën. Ajo ndiqet nga Italia dhe Hollanda me 14 dhe 13 për qind.

Bosnja dhe Kroacia e kthejnë hekurudhën e vjetër në shteg biçikletash

Një projekt ndërkufitar mes Kroacisë dhe Bosnjes po i jep një jetë të re ish-hekurudhës së perandorisë austro-hungareze, duke iu përgjigjur kështu bumit të kërkesave për eksplorim të Ballkanit me biçikletë. Një projekt i përbashkët mes Kroacisë dhe Bosnjes synon të rigjallërojë hekurudhat e vjetra të ndërtuara nga perandoria Austro-Hungareze duke krijuar një rrjet shtigjesh biçikletash, që gjithashtu do të zhbllokojnë potencialin turistik në rajon. “Synimi i projektit është të rregullohet shtegu që dikur përdorej nga trenat,” tha për BIRN Ana Soldo, drejtoreshë e kompanisë publike Vjetrenica, organizata e zbatimit të projektit.

Bulevardi i Ri, Tiranës i shtohet një tjetër korsi biçikletash

Surpriza e radhës e Bashkisë së Tiranës për të gjithë qytetarët do të jetë hapja e segmentit të parë të Bulevardit të ri. Përmes një postimi në profilin e tij në Facebook, Kryebashkiaku Erion Veliaj fton të gjithë qytetarët që të marrin pjesë në hapjen e Bulevardit të Ri, ndërsa ka zbuluar detaje, sikurse janë korsitë e biçikletave. "Tiranës i shtohet një tjetër korsi biçikletash. Shihemi në datë 20, ora 20:00 te #BulevardiRI”, shkruan Veliaj.

Çiklistët rrezikojnë kokën pa helmetë në trafikun e kryeqytetit

Rei ka zgjedhur biçikletën si mjet transporti për të lëvizur nëpër rrugët e Tiranës. Që nga dita kur doli për herë të parë me të për të shkuar në shkollë kanë kaluar 20 vjet, por ai e mban mend mirë atë moment, sepse të gjithë e shihnin me habi për shkak të kaskës mbrojtëse, që mbante mbi krye. Në atë kohë ajo ishte thuajse e panjohur për përdoruesit e biçikletave. Sot e njohin, por sërish nuk e përdorin. “Është shumë e rrezikshme për drejtuesit e biçikletave të dalin pa kokore.

Çiklisti britanik thyen rekordin Guinness. Përshkon botën në 78 ditë

Një çiklist britanik ka thyer Rekordin Botëror Guinness për udhëtimin më të shpejtë rreth e qark botës mbi një biçikletë, duke përshkuar 18.000 milje (29 mijë kilometra) në më pak se 80 ditë. Mark Beaumont ka pedaluar për 18 orë në ditë, duke djegur më shumë se 9 mijë kalori çdo 24 orë, duke përshkuar Poloninë, Rusinë, Mongolinë, Kinën, Australinë dhe Shtetet e Bashkuara. “Fjalë për fjalë, do të thotë të shkosh drejt horizontit tjetër”, tha Mark Beaumont të hënën, pasi përfundoi maratonën e tij poshtë Harkut të Triumfit në Paris.

Guidë: Përqark liqenit më të thellë të Ballkanit mbi biçikletë

Duke vrojtuar hartën e Shqipërisë në kërkim të një destinacioni të ri, tërheqës dhe sfidues (brenda kufijve të entuziazmit), sytë m’u zhytën në liqenin më të thellë të Ballkanit, atë të Ohrit. Meqenëse liqeni ndahet mes Maqedonisë dhe Shqipërisë, ideja e kalimit për herë të parë të kufirit mbi biçikletë e bëri atë skenën ideale për aventurën time të radhës. 128 kilometra larg nga Tirana, liqeni i Ohrit është pika më tërheqëse e qytetit të Pogradecit në lindje të Shqipërisë, por gjithashtu edhe magneti sekret i turistëve në qytetet jugperëndimore të Maqedonisë si Struga dhe Ohri.

Inaugurohet në Paris rruga për biçikleta që sfidon trafikun

Në Paris sapo është inauguruar ‘autostrada për biçikleta’, që përfshin rrugët nga Quai de la Rapee tek Place de la Bastille. Është një nga qëllimet e kryebashkiakes Anne Hidaldo, që dëshiron ta bëjë kryeqytetin francez një nga kryeqendrat botërore të çiklizmit urban. Një sfidë e vërtetë kjo për Barcelonën, Copenhagenin dhe Amsterdamin. Plani parashikon që brenda 2020 pistat për biçikleta të kalojnë nga 700 që janë sot në 1400 km. Investimi për këtë projekt i kalon 150 milion euro.

Këmbësorët në korsitë e biçikletave bëjnë një vesh shurdh ndaj zileve të çiklistëve

Ndërsa Tirana përpiqet të nxisë mënyrat e gjelbra të transportit duke shtuar korsitë e biçikletave, qarkullimi për të gjithë përdoruesit e dyrrotakëve në kryeqytet mbetet një sfidë. Ndarja e rrugës me makinat përbën një rrezik më vete për shkak të pakujdesisë së shpeshtë të shoferëve, parkimit buzë rrugës ku kalojnë biçikletat dhe hapjes së papritur të dyerve. Po aq pengesë për çiklistët në Tiranë janë këmbësorët të cilët ndonëse e dinë se korsia me tulla të kuqe i takon biçikletave, vendosin të ecin në të si alternativë ndaj trotuarit të populluar.

Korsitë e biçikletave në Bulevardin “Dëshmorët e Kombit” dhe “Zogu i Parë” – Bashkia hap garën për ndërtimin e 1.5 kilometrave

Tiranës do të shtohen së shpejti edhe 1.5 kilometra korsi biçikletash përgjatë dy bulevardeve kryesore të qytetit, atij “Zogu i Parë” dhe “Dëshmorët e Kombit”. Bashkia e Tiranës ka hapur tashmë garën për subjektet që do të realizojnë këto projekte dhe afati për propozimin e ofertave është data 24 Gusht. Korsitë e dedikuara të Biçikletave në Bulevardin “Dëshmorët e Kombit” do të ndërtohen në të dy anët e tij, aty ku aktualisht pjesa e rrugës është e vijëzuar dhe e përcaktuar si rrugë për çiklistë.

Lëvizja me biçikletë në rrugët e Tiranës ‘sport’ i rrezikshëm që mund të të marrë jetën

“Më ka ndodhur shpesh të bëj aksident me biçikletë. Hera e fundit ishte në 31 tetor kur një makinë ndaloi papritur dhe pasagjerja hapi menjeherë derën. Në ato momente nuk pata asnjë mundësi të mbrohesha kështu që rashë dhe theva dorën”, shprehet Astrit Allushi. Dora e djathtë e Astritit ëshë ende në allçi, por sërish ai nuk e lëshon nga dora. “Janë të shumta arsyet që më çojnë në përdorimin e biçikletës dhe pavarësisht vështirësive nuk besoj se do heq ndonjëherë dorë prej saj”, shprehet ai për Citizens Channel.

Lezhë: Infrastrukturë mbështetëse për favorizimin e lëvizjes me biçikleta

Biçikleta nuk është një mjet lëvizës që përdoret gjerësisht në qytetin e Lezhës, por nuk mungojnë qytetarët që kanë zgjedhur këtë mënyrë për të lëvizur në qytet. Për shkak se është një qytet i vogël edhe përdorimi i biçikletës konsiderohet si më praktik. Biçikletat i sheh të lidhura nëpër totuare apo pemë, kryesisht në qendër të Lezhës. Kjo situatë ka tërhequr edhe vëmendjen e drejtorisë së shërbimeve në bashkinë Lezhë.

Liqene dhe pedalim, aventurë me biçikletë në pllajën e Dumresë

Shiu i vjeshtës gjatë muajit tetor shpesh ia ndërlikon kalendarin aventurierëve të natyrës, por e shtuna e kaluar pati veçse një vrenjtje të lehtë të motit dhe si pasojë qe ideale për një udhëtim të gjatë me biçikletë në pllajën e Dumresë. Pllaja e Dumresë e cila shtrihet nga lumi Devoll në jug deri në lumin Shkumbin në veri dhe që përkufizohet nga fusha e Pazhokut në lindje dhe ajo e Myzeqesë në perëndim, është e njohur për liqenet e shumta karstike të cilat mendohet se të shpërndara nëpër zonë arrijnë në 85.

Maqedoni, Shkupi do të subvencionojë blerjen e biçikletave të reja

Qyteti i Shkupit këtë vit do të ndajë 10 milionë denarë për subvencionimin e qytetarëve të Shkupit për blerje të biçikletave të reja. Kryetrari i komunës, Koce Trajanovski informoi se në seancën e nesërme të Këshillit të Qytetit të Shkupit në rend dite do të jetë vendimi me të cilin parashikohet subvencionim deri 4.000 denarë për blerjen e biçikletave. Nga këto subvencione do të ndahen të paktën 2,500 biçikleta. Sipas Trajanovskit, kjo është një nga masat e drejtpërdrejta për avancimin e qarkullimit të çiklizmit në qytet dhe të stimulohen qytetarët në numër gjithnjë e më të madh të shfrytëzojnë biçikletat si mjet transportues.

Me biçikletë për në punë: Qytetet e bukura të cilat po e shmangin transportin me veturë

Njerëzit kanë qenë duke i përdorur veturat për transport për më shumë se 100 vite, dhe tani veturat konsiderohen si forma kryesore e transportit. Por fatkeqësisht, transporti me veturë përveçse shkakton dëme në mjedis dhe ju zvogëlon financat, gjithashtu edhe bëhet pengesë për aktivitetin fizik. Në Londër, më shpejt arrini diku me biçikletë sesa me një veturë, pasi çdo shtet ka qytete ku trafiku është i jashtëzakonshëm. Duke marrë parasysh këtë, tani shumë qytete të njohura ndërkombëtare kanë filluar të krijojnë zona për këmbësorë ku trafiku automobilistik është i ndaluar.

Mençuria jonë për të lëvizur, do mund të zvogëlojë ndotjen

Për lëvizshmërinë e përbashkët, Milieukontakt Albania, Qendra EDEN, Eco Albania, dhe Lex Ferenda organizuan së bashku aktivitete ndërgjegjësuese, për një mjedis pa ndotje dhe lëvizje të zgjuar, në kuadër të Javës Evropiane të Lëvizshmërisë. Thuajsee  gjithë dita e 22 shtatorit ishte e zënë nga aktivitetet ndërgjegjësuese dhe informuese për mjedisin tonë të pëbashkët. Aktivitetet filluan me marshimin paqësor ndërgjegjësues, për të nxitur kështu të lëvizurit në këmbë. Me zhvillimet e saja të hërë pas hershme urbanisitke, Tirana ka nevojë për tortuare në zona të ndryshme të saja, si edhe përmirësim të mëtejshëm të sinjalistikës së qytetit.

  • 1
  • 2