Ballkan

Megashtegu rigjallëron shtigjet e lashta të komunikimit në Ballkan

Entuziastët e ecjes në mal, organizatat dhe kompanitë private nga Ballkani Perëndimor po zhvillojnë një shteg të gjatë të quajtur Via Dinarica për të lidhur rajonin nga Sllovenia deri në Shqipëri përmes një serie shtigjesh për ecje në mal në këmbë apo me biçikleta, shteg që do të vijojë për rreth 2 mijë kilometra gjatë alpeve dinarike. “Ky është një projekt shumë sfidues,” thotë Olja Latinovic, koordinatore e projektit nga organizata jofitimprurëse Terra Dinarica – e cila po udhëheq zhvillimin e shtegut Via Dinarica në Bosnjë dhe Hercegovinë. Ideja origjinale lindi në vitin 2006 kur Gordan Papac, një ekspert për turizmin malor nga Kroacia zbuloi mundësinë për të lidhur shtigjet ekzistuese përgjatë alpeve dinarike në një shteg të vetëm duken ndjekur

A ka lindur paranjeriu në Ballkan?

Shumë ekspertë mendojnë se ndarja e njeriut nga majmuni ka ndodhur në Afrikë. Por djepi i njerëzimit mund të ketë qenë edhe Ballkani. Lidhjet mes shimpanzeve të sotme dhe njerëzve me sa duket janë ndarë në Evropë dhe jo - sikurse supozohet shpesh - në Afrikë. Këtë ide prezantoi në revistën "PLoS One" një ekip studiesish nga Qendra Senckenberg për Evolucionin e Njeriut dhe Paleomjedisin (HEP) në Tybingen (Tübingen). Po ashtu ky hap evolucioni mund të ketë ndodhur disa qindra mijëra vjet më parë se sa mendohej deri tani.

Aktivistët e mjedisit vozitin për mbrojtjen e lumenjve të Ballkanit

Rreth 150 kajakistë nga e gjithë Europa çelën më 16 prill “turin e lumenjve të Ballkanit”, një fushatë sensibilizuese për të ndërgjegjësuar qeveritë e shteteve të Ballkanit të ndalojnë shkatërrimin e lumenjve, duke iu bashkuar kështu protestave të vendasve. Nën sloganin “Të shpëtojmë lumenjtë tanë – të ndalojmë digat”, kajakistët e nisën vozitjen e tyre nga lumi Sava i Sllovenisë dhe do të vazhdojnë lundrimin për 35 ditë në 18 lumenj nga Sllovenia në Kroaci, Bosnje-Hercegovinë, Mal të Zi, Maqedoni dhe Shqipëri.

Ballkanasit ndihmojnë kafshët e egra gjatë dimrit të acartë

Me temperatura të akullta, nën zero që kanë përfshirë Ballkanin dhe që po vënë në rrezik shumë shpendë dhe kafshë, organizatat e mbrojtjes së tyre dhe vullnetarë të ndryshëm po përpiqen t’i ndihmojnë gjallesat për t’i mbijetuar motit të egër. Media në Serbi dhe Kroaci po inkurajon qytetarët të krijojnë kasolle për qentë me kartonë, plastmasë dhe sfungjer. Në kryeqytetin serb, Beograd, lagjja Stari Grad e qytetit ndërkohë ka krijuar shtëpi të veçanta për qentë me batanije dhe ushqim brenda, për të ndihmuar qentë e pastrehë të qytetit të mbrohen nga temperaturat e acarta.

Ballkani do përfitojë nga krijimi i vendeve të punës në zhvillimin e erës dhe hidrocentraleve

Në raportin e fundit të Kombeve të Bashkuara dhe Organizatës Botërore të Punës, “Ujë dhe punë 2016”, tregohet se punësimi në sektorin e shërbimeve (që kanë lidhje të drejtpërdrejtë me ujin) u rrit me 50% në mes të 2000 dhe 2014. Punët e varura nga prania e ujit i referohen vendeve të punës direkte në sektorë ekonomik që kanë një varësi mesatare nga uji. Sipas raportit, Shqipëria, sikurse edhe shtetet e tjera të Europës Juglindore dhe asaj Perëndimore, kanë parë një trend në rritje sa i përket investimeve në funksion të menaxhimit të ujit dhe të shërbimeve infrastrukturore.

Ballkani i bashkuar kundër luftës me mbetjet

Vendet e Ballkanit dikur të ndarë nga lufta, nacionalizmi dhe feja janë bashkuar për t'u përballur me një armik të përbashkët: mbetjet. Nën moton e fushatës “Let’s Do It”, aktivistët shqiptarë dhe kosovarë prillin e kaluar pastruan bashkërisht zonën e tyre kufitare dhe liqenin e ndotur Vërmicë, në një fushatë alla Wombles që ka përfshirë më shumë se 5% të popullsisë së Shqipërisë, dhe 7% të Kosovës. Akoma më mbresëlënës është fakti se katër vite më pare, pothuajse 14% e popullsisë së Sllovenisë u mobilizua për të pastruar deponitë e paligjshme, aksioni më i madh në botë i këtij lloji.

Ballkanin e pret vera më e nxehtë në 200 vite, rreziqet që kanosen

Kompania e njohur amerikane për parashikimin meteorologjik AccuWeather parashikon se për zonat në Evropën Jugore dhe Lindore kjo do të jetë një verë e gjatë e ngrohtë me temperatura të larta të rrezikshme dhe thatësirë. Sipas parashikimeve të AccuWeather në këtë zonë pritet një periudhë e gjatë me temperatura mbi mesataren e zakonshme, veçanërisht në Itali dhe në Gadishullin Ballkanik. Veçanërisht temperatura të larta do të jenë të pranishme gjatë korrikut dhe gushtit.

Banka Botërore e gatshme t’i financojë projektet në Ballkan

Banka Botërore është e gatshme t’i ndajë deri në 200 milionë dollarë për projektet me të cilat do të zhvillohej transporti dhe lidhjet tregtare ndërmjet vendeve të Ballkanit Perëndimor, tha sot zyrtarja e lartë e kësaj banke, Christina Georgieva. “Ne jemi të gatshëm t’i financojmë projektet e tregtisë dhe transportit për t’i ndihmuar vendet e rajonit t’i largojnë pengesat që ekzistojnë tash”, tha Georgieva në tubimin ekonomik të nivelit të lartë në Sofje të Bullgarisë.

Bujqësia e qëndrueshme për Ballkanin e qëndrueshëm

Koncepti i prodhimit të qëndrueshëm bujqësor është shfaqur si nevojë e vazhdueshme për një prodhim bujqësor me rendiment dhe cilësi të lartë për prodhuesit, por pa dëmtuar resurset natyrore. Të gjithë përfitojnë nga bujqësia e qëndrueshme – prodhuesit të cilët kanë përfitime të drejtpërdrejta ekonomike dhe qasje më të mira në treg; ekonomia dhe fitimet në rritje nga prodhimi i produkteve me cilësi më të mirë dhe konsumatorët që mund të zgjedhin ushqim cilësor, të sigurt dhe të shëndetshëm në treg.

Konventa e Bernës: Qeveria maqedonase të ndalojë ndërtimin e hidrocentraleve në parkun kombëtar

Komiteti i Përhershëm i Konventës së Bernës në mbledhjen e vet vjetore javën e kaluar, vendosi që planet për 17 hidrocentrale në të gjithë Parkun Kombëtar të Maqedonisë në Mavrovë duhet të pezullohen menjëherë. Komiteti thekson shqetësimet e tij të veçanta lidhur me zhvillimet e vazhdueshme të hidrocentraleve të vogla brenda parkut. Organi qeverisës i traktatit të kafshëve të egra evropiane ka shprehur tashmë shqetësime për ndikimin e pakthyeshëm të hidrocentraleve në ekosistemin unik të parkut, dy vjet më parë.

Mbetjet elektronike, Ballkani prodhon më pak në Europë – Probleme madhore në menaxhimin e tyre

Rajoni i Ballkanit është një nga ndotësit më të vegjël në Europë, sa u takon mbetjeve elektronike. Këtë e pohon raporti i fundit vjetor i Shoqatës Ndërkombëtare të Mbetjeve të Ngurta, në bashkëpunim me Kombet e Bashkuara. Në kontinent, gjatë vitit 2016 u prodhuan rreth 16.6 kilogramë mbetje për banor, ndërsa shumica e vendeve të BE kishin një mesatare prej 15-25 kilogramësh për frymë. Në Ballkan ndërkohë, kjo normë varionte nga 5-15 kilogramë për frymë.

Mot i keq në Ballkan, reshje dëborë e probleme në qarkullim

Reshjet e dëborës dhe moti i keq kanë shkaktuar probleme serioze të qarkullimit në Sllovenia, Kroaci e Bosnje-Hercegovinë. Kroacia u përball që në fillim të javës me një stuhi bore, e cila i detyroi autoritetet të ndalonin lëvizjen e trageteve e mbolli kaos nëpër rrugë. Zonat më të prekura ishin ato përreth Capella-s, Slim-it dhe Gorski Kotarit. Zyrtarët vendas kanë lëshuar paralajmërime për rrëshqitje dheu e kanë kërkuar të mos lëvizet me kamionë me rimorkio.

Përmes nënprodukteve të mishit dhe bulmetit, ekonomitë e Ballkanit mund të bëhen më të gjelbra

Një element kyç për një ekonomi të qëndrueshme është mënyra se si një shoqëria përballet me resurset e limituara. Vende të ndryshme vuajnë nga një trashëgimi e shpërdorimit të aseteve natyrore, që nga komoditetet e deri tek ajri. Banka Europiane për Rindërtim dhe Zhvillim ka dhënë disa këshilla mbi mënyrën se si vendet e Ballkanit Perëndimor mund të përmirësohen në këtë aspekt. Në një seminar të zhvilluar në Beograd, zbulimet e një studimi treguan potencialin e madh që ka për të ulur mbetjet në industrinë ushqimore.

Projektet për Ballkanin Perëndimor, nis sesioni i dytë i Ministerialit në Durrës

Takimi i ministrave të Jashtëm të Ballkanit Perëndimor ka nisur punimet në ditën e tij të dytë në qytetin e Durrësit. Në përfundim të tryezës së përbashkët, ministri i Jashtëm, Ditmir Bushati dhe Komisioneri i Zgjerimit, Johannes Hahn do të dalin në një konferencë të përbashkët për shtyp. Në orët e pasdites, Bushati do të rikthehet në Tiranë për të zhvilluar një takim pune me ministrin e Jashtëm çek, Lubomir Zaoralek. Temë diskutimi në këtë takim të kryediplomatëve të rajonit do të diskutohen projektet rajonale sidomos ato në infrastrukturë dhe në energji.

Qymyri po helmon Ballkanin. Shkak për 60 mijë vdekje të parakohshme

Më shumë se 60 mijë vdekje të parakohshme në Europë mund të parandalohen gjatë dekadës së ardhshme, nëse merren masa urgjente ndaj ndotjes së ajrit nga centralet më të pista të qymyrgurit në Europë. Në artikullin e tyre të përbashkët, Dragana Mileusniç, koordinatorja e politikës energjetike për Europën Juglindore te “CAN Europe”, koalicioni më i madh i klimës në Europë, dhe Ioana Ciuta, e grupit “CEE Bankëatch”, thonë se përdorimi i qymyrit në Ballkan për qëllime energjetike po kushton jetë njerëzish.

Rriten reshjet ekstreme në Ballkan

Shkencëtarët shprehen se përmbytjet katastrofike të dy viteve më parë me shumë gjasa lidhen me ngadalësimin e përkohshëm të rrymave ajrore gjigante. Këto struktura ajrore, rrotullohen përqark globit në formën e valëve të mëdha në mes të Ekuatorit dhe Polit të Veriut, dhe zakonisht lëvizin në drejtim të lindjes. Por kur këto struktura ajrore kanë ndaluar qarkullimin për disa ditë, në të njëjten kohë, moti i keq ka mbërthyer Bosnje Hercegovinën, Serbinë dhe Kroacinë me sasi rekord të reshjeve të shiut.

Studim i përditësuar mbi HEC-et: Cunami i HEC-eve në Ballkan po përshpejtohet

Cunami i HEC-eve ka filluar të vijë rrotull, në studimin e përditësuar të fushatës “Të shpëtojmë zemrën blu të Evropës” vihet në dukje shtrirja e kërcënimit për zemrën blu të Evropës. Aktualisht nga Sllovenia në Greqi janë të planifikuar rreth 2800 HEC-e dhe 187 janë në ndërtim, ku më shumë se 1,000 (ose rreth 37%) prej tyre brenda Zonave të Mbrojtura të kategorive të ndryshme (118 brenda Parqeve Kombëtare, 547 brenda zonave Natura 2000 dhe pjesa tjetër në zonat e kategorive të tjera të mbrojtjes). Që nga viti 2015 janë ndërtuar rreth 160-180 HEC-e në gjithë rajonin.

Stuhitë e dëborës dhe epidemia e gripit përfshijnë Ballkanin

Dëbora e dendur në Shqipëri ka shkaktuar vështirësi në shumë rrugë ndërsa disa kompani private janë paditur për mosmirëmbajtjen e tyre. Mungesa e ujit është gjithashtu një problem i zakonshëm për shqiptarët për shkak se uji ka ngrirë në depozita. Mungesa e energjisë elektrike në disa zona e ka bërë situatën më të vështirë për shumë komunitete. Qeveria të shtunën tha se shkollat dhe kopshtet do të qëndrojnë të mbyllura deri më 14 janar për të parandaluar përhapjen e një epidemie gripi, që ka përfshirë vendin gjatë temperaturave shumë të ulëta.

TEC-et e reja në Ballkan “do të ndotin mjedisin”

Pothuajse asnjë nga termocentralet e reja të qymyrit të planifikuara në Ballkanin Perëndimor nuk do të përmbushë standardet e fundit dhe më të ashpërsuara të ndotjes në Bashkimin Europian, sipas një analize të re nga Rrjeti CEE Bankwatch, publikuar të martën. “Natyrisht që hartuesit e projektit hezitojnë të vonojnë projektet e tyre duke bërë rishikime dhe duke marrë masa për t’i përshtatur ata me standardet e reja, por duke mos e bërë këtë tani, ata do të duhet të paguajnë më vonë,” tha Pippa Gallop, koordinator i kërkimit të Bankwatch.

Thatësira “Luçifer” dëmton rëndë bujqësinë në Ballkan

Ndërsa shumica e popullsisë së Ballkanit vazhdon pushimet e verës, zyrtarët në rajon kanë filluar të llogarisin dëmin që vala e tejzgjatur e të nxehtit, të cilit i kanë vënë nofkën Luçifer ka shkaktuar në bujqësi. Rajoni përjetoi një nxehtësi të jashtëzakonshme për pothuajse dy muaj, me temperaturat që i kaluan 35 gradë Celsius, me thatësira, si stuhi të shpeshta dhe madje edhe breshër. Ekspertët paralajmërojnë se moti ekstrem ka shkatërruar drithërat, si dhe prodhimin e frutave dhe perimeve në të gjithë Ballkanin, gjë që gjithashtu ka një efekt negativ për blegtorinë dhe bulmetin.

  • 1
  • 2