energji e rinovueshme

“Energji e rinovueshme në 300 ditë!” – Vendi që po mahnit botën, vendos një rekord të ri në prodhimin e energjisë

Përveç se është një parajsë e mrekullueshme tropikale dhe destinacion turistik i dashur, Kosta Rika vendoset në hartë për hapat e mëdha që po ndjek në lidhje me energjinë e rinovueshme. Kohët e fundit, vendi ka ndërmarrë disa masa si shtimin e hapësirave të gjelbëruara, ndalimi i përdorimit të plastikës dhe që tani është një ndër vendet që po përdor në 300 ditë energjinë e rinovueshme. “EcoWatch” raporton se Instituti kostarikan i Energjisë Elektrike (ICE) po feston arritjen e radhës, duke cituar të dhënat nga Qendra Kombëtare për Kontrollin e Energjisë ku thotë se gjërat tashmë kanë funksionuar, vendi është furnizuar 100 për qind me energji të rinovueshme!

“Energjia e rinovueshme” – Mbahet Forumi Ballkanik i Energjisë dhe Financave në datat 4-5 Dhjetor

Më datat 4-5 Dhjetor do të mbahet Forumi Ballkanik i Energjisë dhe Financave në kryeqytetin serb Beograd, ku pjesëmarrës do të jenë të gjitha shtetet e Ballkanin Perëndimor. Një nga temat e nxehta është energjia; energji e rinovueshme, energji e qëndrueshme, zgjidhje më të lira të energjisë, energji miqësore ndaj mjedisit, energji që do të prodhohet me efektet minimale në mjedis. Ky forum synon të diskutojë se si do të mund të reduktohen termocentralet me qymyr në rajon dhe çfarë duhet bërë në mënyrë që Ballkani Perëndimor të bëhet më tërheqës për investimet”, thuhet në përshkrimin e forumit.

“Energy Talk” mes EcoAlbania, ekspertëve të çështjeve së efiçencës së energjisë dhe të rinjve të qytetit të Tiranës

Në një takim të hapur të organizuar nga EcoAlbania në Tiranë, ditën e djeshme më 28 shtator, Z. Gjergji Simaku, Drejtor në sektorin e Burimeve Energjitike të Rinovueshme dhe Efiçencës Energjetike, Z. Erjon Tase, Drejtor Ekzekutiv i Akademisë së Studimeve Politike, si dhe përfaqësues të stafit të EcoAlbania dhe Qendrës EDEN prezantuan problematikat dhe punën që po realizohet në lidhje me përdorimin efiçent të energjisë. “Deri në vitin 2013, në asnjë nga ligjet shqiptare dhe as në Strategjinë Kombëtare nuk përmendej fjala “energji e rinovueshme”.

15 qershor - Dita Botërore e Erës

Dita Botërore e Erës është një ngjarje mbarëbotërore që ndodh çdo vit më 15 qershor. Është një ditë për të zbuluar erën, fuqinë e saj dhe mundësitë që ajo ka për të ndryshuar botën tonë. Në më shumë se 80 vende në botë, fermat e erës janë në veprim, duke gjeneruar energji nga një burim i pastër dhe i rinovueshëm. Mijëra individë janë të përfshirë në prodhimin e energjisë nga era, por për shumë njerëz, energjia e erës është një mister.

AKBN promovon burimet natyrore në “Energy Expo e Forum 2017”

Agjencia Kombëtare e Burimeve Natyrore u bë pjesë e Panairit të organizuar nga Expocity Albania me titull “ Energy Expo e Forum 2017”, i cili hapi dyert për vizitorët dhe të interesuarit në 14 nëntor. AKBN u paraqit me stendën e saj të posaçme, duke i dhënë një rëndësi të veçantë promovimit të burimeve natyrore si energjia e diellit dhe e erës, hidrokarburet, minierat dhe hidroenergjitika. Vlen të theksohet se që në ditën e parë të këtij panairi, kjo stendë pati një numër të madh vizitorësh dhe grupe të interesuarish, të cilët u informuan rreth burimeve natyrore në Shqipëri, mundësive të shfrytëzimit të tyre dhe legjislacionin në fuqi.

Arritjet e Kinës eklipsojnë Europën – Objektivi i energjisë diellore për vitin 2020 realizohet para kohe

Kina ka realizuar objektivin e saj të vitit 2020 për energjinë diellore tre vite para kohës së planifikuar. Kapaciteti i instaluar i tejkaloi 105 GW, sipas të dhënave të publikuara nga AECEA, një kompani në industrinë e energjisë diellore. Ndërtimet e reja në qershor dhe korrik e shtynë kapacitetin përtej 112 GW, ndërsa rritja është mundësuar edhe nga ditët me diell që kanë shoqëruar Kinën në gjysmën e parë të këtij viti. Kjo arritje e shpejtë e Kinës forcon pozitat e saj si kombi lider në energjinë diellore dhe lë në hije përpjekjet e Europës.

Dielli shqiptar, biznesi 500 mln euro i dekadës

Çdo hektar tokë në Shqipëri mund të prodhojë në kufijtë e 250-320 mijë euro të ardhura nga energjia diellore. Në Ministrinë e Energjisë dhe Industrisë qëndrojnë aktualisht 9 projekte me një vlerë investimi prej 85 milionë eurosh dhe një sipërfaqe që i kalon 174 hektarët. Gjasat janë që me potencialet që ka Shqipëria dhe çmimi 100 euro/MW që caktoi qeveria, dielli të kthehet në biznesin e dekadës. Rastet e suksesit me sipërmarrjet dhe frika nga precedenti i HEC-eve.

Dubai ofron parkim falas për makinat elektrike – Strategjia për të kaluar drejt burimeve të rinovueshme

Synimi për Dubain, edhe pse është një vend i ngritur falë parave të naftës, është të kalojë drejt makinave elektrike që janë më miqësore për natyrën. Autoriteti i Elektricitetit dhe Ujit në këtë shtet synon që të ketë 32 mijë makina elektrike në rrugët e saj deri në vitin 2020 dhe për këtë arsye, kjo kompani ka hartuar një strategji për të nxitur kalimin në motorë elektrikë që funksionojnë me bateri. Dubai ka instaluar 100 stacione karikimi në qytet dhe pret të instalojë edhe 100 të tjera deri në fund të vitit tjetër.

Energjia diellore, përcaktohet çmimi i blerjes nga shteti

Energjia e prodhuar nga impiantet diellore me fuqi deri në 2 mega do të blihet nga shteti me çmimin 100 euro për megavat. Enti Rregullator ka miratuar tarifat, me të cilat shteti është i detyruar të blejë energjinë e prodhuesve privatë, jo vetëm për panelet diellore, por edhe për parqet eolike. Sipas vendimit, për energjinë e erës çmimi i blerjes është 76 euro për megavat dhe do të zbatohet për të gjitha parqet eolike me kapacitet deri në 3 megavatë. Përgjatë 10 viteve të fundit, thuajse të gjitha investimet private në burimet janë kanalizuar në ndërtimin e hidrocentraleve.

Energjia e rinovueshme, Shqipëria vlerësohet për ligjin, por kërkohet nxitje për investimet e huaja

Shqipëria ka arritur të marrë nota pozitive sa i përket hartimit të kuadrit ligjor për nxitjen e përdorimit të burimeve të energjisë së rinovueshme. Në raportin e fundit të hartuar nga Sekretariati i Komitetit të Energjisë mbi masat e marra (Akti i Qëndrueshmërisë) ,vendi ynë është vlerësuar pozitivisht, ndërsa Serbia ka bërë progresin më të madh. Në këtë dokument thuhet se Serbia tashmë ka avancuar duke miratuar aktet nënligjore, si dhe duke shpallur tenderin për ndërtesat publike dhe ndriçimin e rrugëve. Sekretariati ka vlerësuar punën e bërë nga Shqipëria dhe Kosova për hartimin e kuadrit ligjor për përdorimin e burimeve të rinovueshme, por theksohet se ka ende shumë punë për të zbatuar të gjitha rekomandimet.

Energjia nga era, Parku i Parë në Tepelenë

Rasti i parë i prodhimit të energjive të rinovueshme nga era në Shqipëri, do të jetë në Tepelenë. Janë rreth 15 milion euro që do të investohen në Tepelenë në zonën Majkoshit, duke krijuar kështu edhe mundësinë e 70 vendeve të reja pune.

Fjalimi i Sekretarit të Përgjithshëm në Samitin Botëror të Austrisë

 

Jam shumë i kënaqur dhe shumë i nderuar që jam me ju të gjithë sot. Falënderoj qeverinë e Austrisë dhe R20 për promovimin e infrastrukturës së karbonit të ulët. Ne kemi nevojë për të arritur objektivat e Zhvillimit të Qëndrueshëm dhe për të zbatuar Marrëveshjen e Parisit dhe me ambicie të madhe, pasi objektivat që u vendosën në Paris, të gjithë e dimë, nuk do të jenë mjaft. Ne duhet të kemi një ambicie më të madhe për këtë zbatim.

Harta interaktive e energjisë në Shqipëri – Perëndimi drejt energjisë diellore, Lindja shfrytëzon burimet hidrike

Muajt e fundit sektori i energjisë në vend ka patur një gjallërim për shkak të skemës së subvencioneve për burimet alternative, çka ka sjellë një interes të jashtëzakonshëm për ndërtimin e parqeve fotovoltaike. Nga muaji Korrik e në vijim, pranë Ministrisë së Infrastrukturës dhe Energjisë kanë mbërritur 18 kërkesa për ndërtimin e impianteve të tilla, por nuk kanë ngelur pas as aplikimet për ndërtimin e hidrocentraleve të vogla, vetëm dy më pak, me 16 aplikime (nga ku 2 janë tendera të hapur nga MIE).

Impiantet e reja fotovoltaike me ankand

Tashmë, zhvillimi i fotovoltaikës në Shqipëri nuk është më një risi! Madje, vetëm pak kohë më parë qeveria ka rritur kapacitetin e ofruar për investimet fotovoltaike për një total prej 120 megavat. Për impiantet deri në 2 MW, çmimi aktual i blerjes bazohet në një formulë, e cila llogaritet mbi kthimin e investimeve dhe të gjitha parametrat në afatgjatë, duke garantuar kështu 100 euro për MWh për 15 vjet, siç sjelle se fundmi edhe në një intervistë për mediat nga Entela Çipa, këshilltare e ministrit të energjisë.

Kina dhe India kalojnë SHBA, si vende më atraktive për energjinë e rinovueshme

Kina dhe India kanë tejkaluar Shtetet e Bashkuara për t’u bërë dy vendet më tërheqëse për investimet e energjisë së rinovueshme, njoftoi të martën një raport nga firma britanike e kontabilitetit Ernst & Young. Në një renditje vjetore të 40 tregjeve të energjisë së rinovueshme në mbarë botën në aspektin e tërheqjes, Kina ishte vendi më i lartë, pasuar nga India. Shtetet e Bashkuara, që kryesonin listën vitin e kaluar, kanë rënë në vend të tretë, për shkak të një ndryshimi në politikën e energjisë të SHBA në drejtimin e presidentit Trump.

Mblidhen në Bukuresht ministrat e Energjisë të Evropës Qendrore, Lindore dhe Kinës

Qendra rumune e Energjisë në bashkëpunim me Qendrën për Dialog dhe Bashkëpunim do të mbajnë një Konferencë Ministrore në Bukuresht. Konferenca do të zhvillohet nga data 8 deri në 10 nëntor, ku do të marrin pjesë ministrat e Energjisë nga shtetet e Evropës Qendrore, Lindore dhe Kinës. Nëpërmjet kësaj konference synohet të arrihen strategji dhe bashkëpunim mes Evropës dhe Kinës në fushën e energjisë, duke zgjeruar praktikat rregullatorë, tregtinë dhe teknologjinë në një sërë fushash, si energjia e rinovueshme, energjinë bërthamore apo në qymyrin e pastër.

MEI-BERZH, memorandum per zhvillimin e energjise diellore

Ministri i Energjisë dhe Industrisë Damian Gjiknuri dhe Drejtori i BERZH në Shqipëri Matteo Colangeli nënshkruan sot në Tiranë një Memorandum Mirëkuptimi për nxitjen e investimeve të qëndrueshme për gjenerimin e energjisë diellore. Memorandumi parashikon zhvillimin e projekteve në Shqipëri përmes një sistemi me ankand, në përputhje me praktikat më të mira ndërkombëtare. Implementimi i planit të përcaktuar në Memorandum do të rrisë ndjeshëm interesin ndaj investimeve për gjenerimin e energjisë diellore në vend dhe si rrjedhojë do të reduktojë varësinë e Shqiperisë nga importi i energjisë dhe energjia hidrike.

Monitorimi i zhvillimit të sektorit të transportit në Evropë drejt objektivave të mjedisit, shëndetit dhe klimës

“Mekanizmi Raportues i Transportit dhe Mjedisit” (TERM) përfshin një numër treguesish për ndjekjen e performancës mjedisore afatshkurtër dhe afatgjatë të sektorit të transportit në 28 shtetet anëtare të Bashkimit Evropian (EU-28). Ky monitorim paraqet vlerësimin më të fundit të bazuar në tregues për progresin në drejtim të qëllimeve dhe objektivave kryesore të politikave lidhur me transportin.
Sektori i transportit në BE po bën përparim drejt përmbushjes së objektivave të saj në politikat mjedisore, shëndetësore dhe të klimës.

Ngritja Komuniteteve Energjitike të Qëndrueshme të Biogazit përmes Inovacionit Social

Nxitja për krijimin e Komuniteteve Energjitike të qëndrueshme të Biogazit përmes Inovacionit Social është nisma me fundit e ndërmarrë nga Qendra Shqiptare për Qeverisje Mjedisore (ACEG) në Bashkinë Devoll. Kjo nisëm u prezantua nga stafi i projektit ISABEL dhe Qendra ACEG në datë 25 maj 2018 pranë ambienteve të Bashkisë Devoll me pjesëmarrjen e autoriteteve lokale, shoqërisë civile dhe komunitetit.

  • 1
  • 2