himare

Himara, Vunoi dhe Dhërmiu shpallen qendra historike

Fshatrat turistik Himarë, Vuno dhe Dhërmi janë shpallur Qendra Historike nga Këshilli i Ministrave që ka miratuar edhe vendimet përkatëse, për miratimin e rregullores për administrimin e tyre dhe zonave të mbrojtura përrreth. Fshatrat kanë marrë këtë status pas kërkesës që Ministria e Kulturës kishte bërë prej kohësh, në mënyrë që këto zona të marrin një tjetër vëmendje, duke qenë se edhe turizmi në këtë zonë është shumë i zhvilluar. Ky vendim do të vihet në zbatim nga Ministria e Kulturës dhe ajo e Zhvillimit Urban dhe kjo do të bëhet në bazë të ligjit ‘'Për trashëgiminë kulturore”.

ISHM gjobit me 5 mln lekë kryebashkiakun e Himarës për mosmenaxhim të mbetjeve urbane

Ministria e Turizmit dhe Mjedisit ka gjobitur kryetarin e Bashkisë së Himarës, Jorgo Goro, me 5 milionë lekë për shkelje të standardëve dhe kushteve të menaxhimit të mbetjeve urbane. Gjatë monitorimit të situatës nga Inspektorët Shtetërorë të Mjedisit, në Bashkinë Himarë është konstatuar se prej disa ditësh, firma e pastrimit, ka lënë pa hequr mbetjet urbane në shëtitoren e plazhit në Dhërmi.