kazanet e plehrave

20% e kazanëve të plehrave nuk dezinfektohen, burim sëmundjesh

Në rreth 20% të rasteve, kontenierët e mbetjeve nuk dezinfektohen, duke u kthyer në burim sëmundjesh për banorët përreth”. Ky është një prej përfundimeve në të cilin ka arritur studimi i realizuar nga Instituti i Shëndetit Publik në lidhje me situatën higjienosanitare të sistemit të grumbullimit të mbetjeve të ngurta urbane në vend. ISHP, përmes një formulari kërkoi informacione nga inspektimet shëndetësore në lidhje me numrin dhe gjendjen fizike të kontenierëve publikë të vendosur, pastrimin, dezinfektimin e tyre, frekuencën e mbledhjes së mbetjeve, etj.

Durrësi, qyteti kryesor i turizmit, me kazanë plehrash të tejmbushur

Durrësi, qyteti kryesor i turizmit, me kazanë plehrash te tejmbushur në qytet dhe ne plazhe. Menaxhimi i mbetjeve urbane në qytetin e Durrësit vazhdon të bëhet me një metodë “shumë ekonomike” – djegia e lirë në natyrë. Banorët e qytetit por edhe qindra e mijëra turistë thithin çdo ditë tymërat e djegies së mbeturinave urbane shumë të dëmshëm për mushkëritë. Qyteti mbulohet nga re tymi. Në momentin kur bie shi ndodh fikja e zjarrit, i cili rindizet përsëri nga persona të papërgjegjshëm për këtë risk.