Ministria e Bujqesise

"Siguria ushqimore, ka mungesë të laboratorëve të certifikuar në vend"

Një nga kapitujt që do të duhet të negociohet për zgjidhje në këto kohë është edhe siguria ushqimore. Ekspertët thonë se kjo është një çështje e rëndësishme, pasi mund të çojë deri në mbylljen e aktiviteteve. Për qeverinë, qëllimi është sigurimi i monitorimit të plotë të zinxhirit nga ferma në tavolinë. Siguria ushqimore është një nga barrierat më të mëdha tregtare për eksportet shqiptare. Nëse ajo do të arrihet të pranohet nga BE-ja, atëherë janë të gjitha shanset për të diversifikuar dhe për të rritur eksportet, si dhe do të ndihmonte ekonominë të orientohej nga përpunimi.

“Të rikthejmë jetën në malet tona!” - Federata Kombëtare e Pyjeve dhe Kullotave Komunale i drejton letër të hapur Qeverisë

Pyjet dhe kullotat janë djepi i jetës në malet tona pasi përbëjnë mbi 50% të tokës shqiptare. Ato kontribuojnë për ajrin e ujin, ruajnë tokën e japin prodhime drusore e jodrusore, si dhe ofrojnë mjaft shërbime me vlerë për mjedisin e shoqërinë. Prej shekujsh nga pyjet shqiptare janë siguruar drutë për ngrohjen e popullsisë (mbi 80% e energjisë totale të nevojshme për ngrohje). Çdo produkt e shërbim që vjen nga pylli, është dhuratë e natyrës, nuk kërkon kthim e kompensim por vetëm kujdes e mirëtrajtim.

16 Milionë dollarë mbështetje për fermerët - Prioritet produktet autoktone

Së shpejti nisin aplikimet për skemat e reja financiare në mbështetje të fermerëve shqiptarë. Në fillim të muajit maj do të nisin aplikimet për fermerët që duan të përfitojnë nga subvencionet kombëtare në bujqësi që këtë vit kapin shifrën e 16 milionë dollarëve. Ministria e Bujqësisë thotë se prioritet do të kenë fermerët të cilët kultivojnë produkte autoktone shqiptare. “Në qoftë se ti do të mbjellësh kultivarë autoktonë atëherë ti do të marrësh 600 mijë lekë në krahasim me 500 mijë që ti merr kur ti mbjell kultivarë të tjerë. Autoktonë kemi starkingët për shembull”, shprehet përfaqësuesja e Minitrisë së Bujqësisë, Barie Rexha në një intervistë në media.

Abuzimi me mishin, AKU ndëshkon subjektet

Edhe pse në tregje, apo pikat e shitjes së mishit zhvillohen kontrolle të vazhdueshme për kushtet ku tregtohet apo cilësine e tij, disa subjekte abuzojnë në periudha të ndryshme. Autoriteti Kombëtar i Ushqimit në Qarkun e Tiranës thotë se deri në këtë periudhë të vitit janë marrë masa për disa subjekte, ndërsa abuzimet më të mëdha bëhen në rastet e festave, kur mishi përdoret në masë nga konsumatorët. “Kemi konfiskuar rreth 281 kilogramë mish që është asgjësuar në landfill. Janë penalizuar rreth 12 subjekte dhe janë mbyllur 19 të tilla për mungesën e kushteve.

AKU mbyll 28 thertore në 3 ditë: Ndëshkim abuzuesve

Pas paralajmërimit të kryeministrit Rama për organizimin e theroreve, AKU ka marrë masa duke mbyllu 28 thertore në 3 ditë. Shkak për masat e bllokimit mosplotësimi i kushteve higjeno-sanitare. Prej tre ditësh, drejtoritë rajonale kanë përqendruar punën e tyre në kontrollin e pikave të therjes, si dhe njësitë e tregtimit të mishit. Si rezultat, nga 29 inspektime të kryera për këtë qëllim, janë mbyllur 28 pika therjeje në të gjithë vendin, ndërsa për një subjekt, është lënë detyra për plotësimin e disa kushteve.

Alarmi për rezervuarët dhe digat, Shqipëria ka mbi 600 ‘mina me sahat’

Përmbytja e autostradës Tiranë-Durrës dhe vërshimi i menjëhershëm i ujit në disa biznese, për të cilat u fajësua hapja e digës së Kasharit, ka risjellë edhe njëherë në vëmendje problemet me menaxhimin e digave pas kalimit të tyre në administrimin e Bashkive. Reforma territoriale u kaloi më shumë kompetenca vendorëve dhe mes të tjerave, me një vendim të Këshillit të Ministrave të datës 30 dhjetor 2015, është urdhëruar transferimi nga Ministria e Bujqësisë, Zhvillimit Rural dhe Administrimit të Ujërave tek Bashkitë, e infrastrukturës së ujitjes dhe kullimit, të personelit dhe të aseteve të luajtshme e të paluajtshme të bordeve rajonale të kullimit.

Bujqësia në Shqipëri

Toka Bujqësore me vlera të larta natyrore në Shqipëri. Në Shqipëri ka rreth 400,000 hektarë kullota natyrore. Fushat më të mëdha të kullotave verore gjenden në rrethet Tropojë, Dibër, Kukës, Korçë, Gjirokastër dhe Kolonjë. Kullotat verore përdoren për rreth 150 ditë në vit, nga 15 maj deri më 15 tetor.

Bursa e parë bujqësore në Shqipëri hapet brenda këtij viti

Ministri i Bujqësisë, Edmond Panariti u shpreh të hënën se, “bursa e parë shqiptare bujqësore, do të hapet brenda këtij viti në Lushnje, si platforma që do të vendosë Shqipërinë në pozita të favorshme për rritjen e eksporteve dhe perspektivën e zhvillimit”.Gjatë një konference për mediat, ministri Panariti tha se, bursa do të jetë një pikë reference për blerjet e produkteve bujqësore me shumicë, pakicë por edhe eksportet e tyre.“Shumë shpejt do marrim hap pionier në bujqësi, do krijojmë bursën bujqësore shqiptare në Lushnjë.

Çaj mali, në vend të kanabisit

Në këtë shkrim, nuk e kam fjalën për zëvndësimin e pirjes së çajit me atë të kanabisit. Gjetkë dua të dal. E kam fjalën për mbjelljen e çajit nga fshatari Ferit Hysolli e famija e tij, në fshatin Sinicë të Devollit. Njeriu punëtor që është mësuar të rrojë me djersën e ballit e në mënyrë të ligjshme, e gjen rrugën. Kështu e gjeti para dy vjetësh Feriti dhe bashkëshortja e tij, Liria, të ndihmuar edhe nga djali i tyre, Klodjan Hysolli. Ata nuk u morën si shumë fshatarë shqiptarë me kultivimin e kanabisit, por me atë të çajit, pasi deshën ta bëjnë gjumin të qetë.

Certifikimi i prodhimeve bio, ligj i ri për krijimin e markave të produkteve bujqësore

Fermat bujqësore që duan të prodhojnë produkte bio do i nënshtrohen kontrollit të shtetit. Qeveria ka dërguar një projektligj në parlament, i cili do të përcaktojë se si do të prodhohen dhe certifikohen produktet biologjike. “Ligji krijon kuadrin e qartë se pari se çfarë quhet prodhim bio dhe së dyti si shkohet tek prodhimi bio, që nga fidanët që nuk duhet të jenë omgj, inputet që nuk duhet të jenë kimike, por vetëm plehu organik e deri tek ambalazhimi”, shprehet ministri Panariti. Ligji është kërkesë e bashkimit europian. Por sipas Panaritit, ai synon ti orientojë fermerët drejt prodhimeve bio.

Dëme të mëdha nga thatësira, 125 milionë euro kostoja për energjinë dhe bujqësinë

Dëmet e shkaktuara nga thatësira këtë sezon veror llogariten në mbi 125 milion euro, nga të cilat 90 i përkasin energjisë elektrike ndërsa 35 prej tyre janë dëme në bujqësi. Por kësaj shifre, po t’i shtojmë edhe dëmet nga zjarri, atëherë bilanci rëndohet edhe më shumë. Nëse do t’u referohemi të dhënave nga Ministria e Bujqësisë, për 6 muaj rresht vendi nuk ka patur reshje dhe sipas Ministrisë, një situatë e tillë, ka ndodhur për herë të fundit në vitin 1954. Dëmet në çdo kulturë llogariten në 25-30% të prodhimit.

Dëmet nga të nxehtit, gjysma e bujqësisë u tha

Thatësira e tejzgjatur e këtij viti ka shkatërruar plotësisht 50 % të sipërfaqeve të mbjella në ara dhe drufrutorë. Një raport i Ministrisë së Bujqësisë tregon se kulturat më të prekura nga moti me temperatura ekstremisht të larta dhe mungesë reshjesh për më shumë se 70 ditë janë misri, perimet, jonxha dhe dëme të tjera në pemëtari, vreshta, ullinj dhe agrume. Në kulturën e misrit këtë vit pritet rreth 22 % prodhim më pak se sa ishte parashikuar. Kurse në sipërfaqet e mbjella me jonxhë rezulton rreth 30 % e prodhimit e dëmtuar. Prodhime të tjera të verës të dëmtuara janë perimet dhe patatja.

Dëmtime masive në serrat e Lushnjes

Dëmtimet në serrat diellore zgjerojnë hartën e tyre në zonën e Lushnjes. Pas zonës së Këmishtajt infeksioni që po dëmton bimët preku edhe Bubullimën. Në pikun e prodhimeve në serra, bimët po thahen, janë me dhjetëra hektarë serra diellore, kryesisht me kulturen e trangullit, domates dhe bostanit, që po shkulen. Sëmundja kalb bimën nga rrënja tek fruti. Fermerët, të cilët po përgatiteshin për nxjerrjen në treg të prodhimit, fajësojnë tregtarët. Ata thonë se pikat që tregtojnë farërat dhe pesticidet, janë jashtë kontrollit.

Fatura për t'i dhënë fund përmbytjeve, 717 mln $

Rreth 717 milionë dollarë është kosto që shteti duhet të paguajë për rehabilitimin dhe modernizimin e infrastrukturës së ujitjes, kullimit, mbrojtjes nga përmbytjet dhe siguria e digave. E përkthyer në përqindje do të duhej që 17% nga 474.1 miliard lekë e buxhetit të shtetit për shpenzime të kalonte për të rikonstruktuar dhe ndërtuar një infrastrukturë ujitje dhe kullimi të sigurt. Sipas Raportit ekskluziv të siguruar nga Report TV, raport të cilin bordi i ujitjes dhe kullimit e ka vënë në dispozicion të Ministrisë së Bujqësisë prej majit 2017 për t'u mbrojtur nga përmbytjet si fazë emergjente duhet një investim prej 166 milionë dollarë.

Fermerët në alarm: Ngrica thau 200 mijë rrënjë ullinj

Fermerët e Beratit japin alarmin e një fenomeni të panjohur më parë për ta, ku rreth 50 për qind e rrënjëve të ullinjve janë tharë. Sipas tyre, shkak janë bërë temperaturat disa gradë nën zero për më shumë se një javë. Por ata kërkojnë që në vend të mbërrijnë specialistët për të përcaktuar më saktë shkakun dhe dëmin. Zona më e prekur nga fenomeni i tharjes së mijëra rrënjë ullinjve është fshati Bilcë në Berat, resurs i cili i ka dhënë dhe emrin ullirit të famshëm kokërrmadh të Beratit. Tharjen e plantacioneve të tëra me pemë e bëjnë me dije banorët e kësaj zone, të cilët kultivimin e ullinjve e kanë të vetmen mundësi mbijetese.

ISHU penalizon tri kompani për shkelje të ligjit

Inpektoriati Shtetëror i Ujërave, pjesë e Ministrisë së Bujqësisë, Zhvillimit Rural dhe Administrimit të Ujërave, ka vazhduar aksionin për kontrollin e të gjitha brigjeve dhe zonave ku mund të ketë probleme nga shfrytëzimi i inerteve, veprimtarive në brigje apo edhe ndotjet e mundshme. Për këto arsye, inspektorët e ISHU-së kanë marrë masa administrative me gjoBë ndaj 3 subjekteve në Vlorë, Durrës dhe Vorë (Tiranë), duke i penalizuar me gjoBa nga 1 deri në 2 milionë lekë.

Kalben mijëra tonë me shalqi në Lushnje, shkak mungesa e tregut

Tonelata të tëra me shalqi po shkojnë dëm në zonën e Lushnjes. Mungesa e tregut dhe çmimi i ulët ka bërë që sasi të tëra me shalqi të kalben akoma pa u shkulur. Fermerët e fshatit Imshtë thonë se kanë investuar miliona lekë për të mbjellë prodhimet e tyre ndërkohë që nuk kanë se ku ta tregtojnë. Prodhuesit e shalqirit në Lushnje dhe fermerët e fshatit Imshtë në njësinë administrative Bubullimë po përballen me vështirësitë e tregut. Kostoja e tyre këtë verë për këtë produkt është tepër e lartë pasi është mbjellë afërsisht 400 hektarë, ndërkohë që çmimi nuk shkon as 3 lekë për kilogram. P

Kanalet kulluese dhe ujitëse do të kalojnë në varësi të bashkive

Komisioni i Veprimtarive Prodhuese ka nisur diskutimin e projektligjit që parashikon kalimin e kanaleve kulluese dhe ujitëse në varësi të njësive vendore. Drejtori i Administrimit të Ujërave në Ministrinë e Bujqësisë bëri me dije se në bazë të draftit parashikohet edhe dhënia me koncesion e mirëmbajtjes së sektorit të kullimit dhe ujitjes. Komisionet u përfshinë në debat në lidhje me sipërfaqen e tokës bujqësore që ujitet. Sistemi ujitës dhe kullues tashmë do të kalojë nën varësi të njësive vendore.

Kontroll më i shtuar për prezencën e hekurit dhe acidit folik në miellin e prodhuar dhe importuar

Ministri i Bujqësisë, Pylltarisë dhe Zhvillimit Rural, Memli Krasniqi ka takuar sot shefen e UNICEF-it në Kosovë, znj.Laila Omar Gad me të cilën ka biseduar rreth pasurimin të miellit me acid folik dhe hekur, një projekt që UNICEF dhe MBPZHR-ja e implementojnë që nga viti 2012. Në takim kanë marrë pjesë edhe kryeshefi i Agjencisë së Ushqimit dhe Veterinarisë, Valdet Gjinovci, zyrtarë nga Ministria e Shëndetësisë, Instituti Kombëtar i Shëndetit Publik dhe përfaqësues nga Shoqata e Mullisëve të Kosovës.

Kryeministri Rama inspekton punimet në kanalin vaditës dhe ujësjellësin në Malësinë e Madhe

Kryeministri Edi Rama, i shoqëruar nga ministri i Bujqësisë, Edmond Panariti dhe përfaqësues të pushtetit lokal të zonës, ishte sot në Malësinë e Madhe për të parë nga afër punimet e realizuara në nje projekt madhor. Drejtues të pushtetit lokal të zonës e informuan kryeministrin mbi ecurinë e punimeve për pjesën e mbetur të investimit, i cili përfshin rehabilitimin e kanaleve dytësore, të cilët do të rrisin sipërfaqen e ujitur të tokës. “Ky është kanali i Shtodrit, i cili është investuar nga qeveria shqiptare, rreth 14 km, që përfshin Malësinë e Madhe.