ndotje

‘Rafineri jo parfumeri’, banorët rreth Metalurgjikut ngrejnë zërin kundër ndotjes

Të toksikuar prej dy dekadash nga tymi i zi që del prej oxhaqeve të industrisë së rëndë që kryen aktivitetin rreth skeletit gjigand të ish-Metalurgjikut në Elbasan, banorët e fshatrave Balldren dhe Vidhas u përballën në fillim të verës me probleme të reja. Era e rëndë e naftës u shpërnda në ajrin e mbingopur nga metalet e rënda në këtë zonë, ndërkohë që mbetje të hidrokarbureve u shfaqën gjithashtu në kanalet e tyre të ujërave vaditëse. Banorët u zunë në befasi nga ndotjet e shkaktuara nga nafta dhe fajësuan për to rafinerinë e sapovënë në punë të bitumit.

“Bomba me sahat” e mbetjeve në Porto-Romano

“Problemi më urgjent mjedisor në Bashkinë e Durrësit është depozitimi dhe trajtimi i mbetjeve të ngurta. Depozita e Porto‑Romanos është kthyer në një bombë me sahat. Në këtë kontekst zgjidhja e depozitës së re të mbetjeve të ngurta është urgjente dhe strategjike”, ishte ky konkulzioni që nxorri në muajin shkurt 2016, Bashkia Durrës dhe Instituti për Bashkëpunim dhe Zhvillim, në “Analizën dhe Vlerësimin e Territorit”. “Boma me sahat” është vendosur rreth 3-4 kilometra në veri të qytetit të Durrësit. Ajo zë një sipërfaqe prej 80.000 m2 me mbeturina urbane, inerte, mbetje të rrezikshme dhe kafshë të ngordhura.

“Dieselgate” ka shkaktuar vdekjen e 5,000 personave në vit

Skandali ”Dieselgate”, ku u përfshinë rreth 100 milionë automjete në Evropë, ka shkaktuar vdekjen e 5 000 personave në vit. Sipas një hulumtimi të realizuar nga Instituti Norvegjez i Meteorologjisë dhe i Analizës së Sistemeve të Aplikuara (IIASA), theksohet se për shkak të skandalit “Dieselgate” është vërejtur një rritje e konsiderueshme në normat e vdekshmërisë në Evropë. ”Të paktën 10 mijë vdekje të parakohshme të foshnjave në Evropë kanë lidhje drejtpërdrejtë me ‘Dieselgate”, thotë IIASA.

“Është Gjanica”, ekspozita ‘e çuditshme’ sjell kavanozë me ujë të ndotur e veshje me naftë

Një reagim për të mbrojtur natyrën, e sidomos lumenjtë, vjen nga Xhentiana Muskaj, një aktiviste e cila përmes 40 fotografive sjell shqetësimin e saj si qytetare për ndotjen e lumit Gjanica. Përveç imazheve dhe videove pasqyruese të realizuara, janë ekspozuar edhe disa kavanozë qelqi me ujë të mbledhur përgjatë 42 km të lumit Gjanica. Por, nuk mjaftojnë vetëm disa minuta, për t’u ambientuar me erën mbytëse të mbetjeve që ndodhen brenda ujit. Lumi i Gjanicës është lumi me ndotjen më të rëndë në Shqipëri. Si pasojë, Gjanica është e ndotur me mbetje, me origjinë nafte dhe nënprodukte të saj.

10 qytetet më të ndotura në botë

Ndërsa teknologjia dhe industria ka avancuar gjithmonë e më shumë, duke e bërë jetën tonë më të lehtë, nga ana tjetër këto inovacione gjigande kanë shkaktuar një problem të madh, ndotjen. Duke përjashtuar zonat e pazhvilluara dhe më të largëta, pothuajse e gjithë bota po përballet me problemin e ndotjes. Megjithatë, ka ende qytete që i kanë “shpëtuar” ndotjes në këtë shkallë, por njëkohësisht ka edhe qytete ku ndotja ka arritur shkallën më të lartë të mundshme, duke u kthyer në rrezik për qytetarët. Më poshtë, ju sjellim një listë me 10 qytetet më të ndotura në botë:

21-vjeçari që arriti të mbledhë fondet për të pastruar oqeanet

Në vitin 2013 ai ishte vetëm 18 vjeç, por e habiti botën me një ide gjeniale për pastrimin e oqeaneve nga miliona tonelata plastikë që po vënë në rrezik habitatin detar. Tashmë Boyan Slat ka arritur të mbledhë paratë e nevojshme për të vënë në zbatim projektin ambientalist më të arrirë e ambicioz në planetin Tokë. Në oqeane po vërehen gjithnjë e më shumë objekte plastike që qeniet njerëzore i hedhin pa asnjë lloj hezitimi në dete. Në sajë të rrymave, janë pesë ishujt e mëdhenj të mbeturinave që kanë grumbulluar ujërat oqeanike.

Agjencia Kombëtare e Bregdetit apel: Ndal ndotjes së vijës bregdetare!

Agjencia Kombëtare e Bregdetit, në fillimin e sezonit veror turistik, ka shprehur shqetësimin për ambientin dhe higjienën në vijën bregdetare ku shtrihen plazhet private dhe ato publike. “Kjo Agjenci merr përsipër që të bëjë publike të gjitha rastet e subjekteve apo bashkive që veprojnë në kundërshtim me VKM e Sigurisë në Plazhe apo të legjislacionit në fuqi për mbrojtjen e vijës bregdetare”, tha për ATSH-në Drejtori i Përgjithshëm i AKB-së, Auron Tare. Ndërkohë, ai fton të gjithë qytetarët që të dërgojnë informacione nga terreni mbi të gjithë ata që ndotin mjedisin, thyejnë rregullat apo ligjet në fuqi për mbrojtjen e plazheve apo të mjedisit.

Ajri i ndotur i shkakton probleme serioze shëndetësore bebeve të palindura

Ajri i ndotur e rrit dukshëm rrezikun e lindjes së bebeve me peshë të vogël, që e cila mund të shpie në dëme të përjetshme shëndetësore. Hulumtimet e kryera në Londër, por që kanë përfshirë miliona gra në qytete të ndryshme të botës, ka treguar se ajri i ndotur mund të jetë katastrofë e shëndetit publik, transmeton Telegrafi. Në botë, dy miliardë fëmijë janë të ekspozuar në ajër të ndotur, ndërsa një studim i UNICEF-it ka zbuluar se 17 milionë bebe thithin ajër gjashtëfish më të ndotur sesa që rekomandohet.

AKM publikon rezultatet e monitorimit të ndotësve të ajrit në Berat

Ka shumë burime të ndotjes së ajrit në Shqipëri dhe sektorët kryesorë kontribues janë ai i transportit, industria, bujqësia, përdorimi shtëpiak i produkteve, si dhe ngrohja. Të gjithë këta sektorë çlirojnë një shumëllojshmëri ndotësish, si: lëndë e ngurtë e grimcuar, gaze, metale të rënda, si dhe substancë organike volatile. Ndotja e ajrit është një përzierje komplekse me shumë komponentë toksikë që rrjedhin nga djegia e lëndëve djegëse fosile për transportin, prodhimin e energjisë, dhe aktivitete të tjera njerëzore.

Aksidentet bërthamore dërgojnë re radioaktive “të padëmshme” mbi Evropë

Instituti francez thotë se ndotja vjen nga çlirimi i materialit bërthamor në Rusi ose Kazakistan në shtator. Një re ndotje radioaktive në Evropë tregon se ka ndodhur një aksident në një strukturë bërthamore në Rusi ose Kazakistan, në javën e fundit të shtatorit, tha instituti francez i sigurisë bërthamore IRSN. IRSN-ja të enjten përjashtoi një aksident në një reaktor bërthamor, duke thënë se ka të ngjarë të ishte në një vend për trajtimin e karburantit bërthamor ose në qendrën për mjekësinë bërthamore. Nuk ka pasur ndonjë ndikim në shëndetin e njeriut apo mjedisin në Evropë, tha ai.

Aksioni i pastrimit, Bashkia e Tiranës i fton të gjithë për kryeqytetin

Më datë 13 nëntor Tirana do të përfshihet në një aksion masiv pastrimi në çdo lagje të saj. Me iniciativë të Bashkisë së kryeqytetit janë konstatuar edhe zonat më të ndotura, ku do të përqendrohet një pjesë e mirë e vullnetarëve. “Bashkia bën thirrje për të gjithë banorët e Tiranës që më 13 nëntor të bashkohen në pastrimin e shtëpisë sonë të madhe. Synojmë pastrimin e rrugëve, koshave të mbeturinave, etj. Ne kemi evidentuar edhe disa pika të nxehta që janë njësia administrative numër 4, ajo numër 8 në Laprakë dhe 11”, ka deklaruar Julinda Dhame, drejtoreshë e Promovimit të Qytetit.

Akullore me shije uji të ndotur - Shijoni çfarë i shkaktojmë mjedisit çdo ditë

Studentët Hung I-chen, Guo Yi-hui dhe Cheng Yu-ti nga Universiteti Kombëtar i Arteve të Tajvanit, të fokusuar në ndryshimet në mjedis dhe jo në shijen e tyre, përgatitën një linjë me përmbajtje uji të ndotur të cilën e kanë titulluar “Akullore me shije të ujit të ndotur” (Polluted Water Popsicles). Grupi grumbulloi mostra uji të ndotura nga 100 pika në Tajvan, në fillim i ngrinë mostrat e marra e më pas i ruajtën ato në resinë poliestre. Në shikim të parë mostrat duken të këndshme vizualisht duke dashur të imitojnë estetikën e trendeve të fundit të përgatitjes së ushqimit artizanal.

Alarm në Florida, 980 mln litra lëng radioaktiv në burimin e ujit të pijshëm

Një gropë e madhe është hapur në një fushë pranë një fabrike mbetjesh në SHBA dhe kjo ka shkaktuar rrjedhjen e 980 milionë litrave lëng radioaktiv në një burim të ujit të pijshëm në Florida. Gropa ka një diametër prej 14 metrash u hap poshtë një impianti lëndësh kimike mes tyre dhe lëndë radioktaive që rridhnin nga prodhimi i fosfatit. Kjo gropë arrin në një prej burimeve më të mëdha të nëndheshme të ujit të pijshëm në Florida.

Alarm për ujin e pijshëm, ja sa pacientë shtrohen çdo ditë nga helmimi

Mjekët në urgjencën e Kurbinit ngrenë alarmin, pasi prej së premtes së kaluar janë shtuar pacientët që paraqiten në spital me simptoma të helmimit. Dyshimet e para janë për një helmim masiv nga uji i pijshëm, nisur edhe nga deklarimet e pacientëve. Shtimi i rasteve dhe simptomat e rënduara që ata shfaqnin, bënë që spitali të jepte alarmin tek instancat përkatëse. Nga mbledhja e të dhënave rezultoi se pacientët banonin në të njëjtën lagje, ndërsa pjesa më e madhe e tyre ishin banore të të njëjtit pallat.

Alarmi: Drini po kthehet ne lum të vdekur

Prurjet në Lumin Drin kanë rënë kaq shumë sa tashmë ai po kthehet në një lumë të vdekur. Alarmi jepet nga eksperti i mjedisit, Jak Gjini, sipas të cilit sipërfaqja e ujëmbledhësit të këtij lumi është zvogëluar nga ndërprerja e prurjeve që janë devijuar në Lumin Buna që në vitet 50-të. HEC-i i Ashtës i ndërtuar kohët e fundit e ka përkeqësuar më shumë situatën aq sa të duket se Drini është kthyer në një kanal të madh kullues. Sipas Jak Gjinit projekti për evitimin e përmbytjeve ka rezultuar fatal për Drinin.

Bali, “alarm i kuq” pas shpërthimit të vullkanit

Paralajmërimi për shpërthimin e një vullkani në malin Agung në Bali ishte dhënë prej kohësh, ndërkohë që tani, linjave të transportit ajror u është dhënë “alarmi i kuq” për shkak të rrezikut që shfaq hiri vullkanik, pas lëshimit të një reje të dendur tymi që arriti deri në 4.000 m lartësi. Ky është shpërthimi i dytë më i madh nga ishulli-vullkan i Indonezisë brenda kësaj jave, ndaj dhe shumë fluturime janë ndalur, shtyrë ose devijuar. Bali është një destinacion tepër i rëndësishëm turistik, edhe pse vendet më të frekuentuara nga turistët e huaj janë Kuta dhe Seminiak, që ndodhen rreth 70 km larg vullkanit.

Bashkia e Elbasanit shpall gjendjen e emergjencës mjedisore

Ndotja vazhdon të jetë e pranishme ne ish-kombninatin metalurgjik. Ndryshe nga vite më parë ku mbartësi i vetëm i ndotjes ishte vetëm kompania Kurum ,tani ndotja vjen dhe nga bizneset e tjera në ish-kombinat. Sipas banorëve, ndotja është tepër e madhe, veçanërisht në orët e para të mëngjesit e deri në mesditë, oxhaqet e firmave private nxjerrin veçse pluhura dhe gazra në atmosferë. Edhe pse është dhënë urdhër që në oxhaqet e këtyre fabrikave të vendosen filtra pastrimi, përsëri firmat nuk i kanë vendosur.

Bashkimi Evropian: Shpërthimi i ujërave të zeza në Ksamil përgjegjësi e Bashkisë Sarandë

Një javë pasi në Ksamil shpërthyen ujërat e zeza dhe u derdhën në det, Bashkimi Evropian i është përgjigjur kërkesës së redaksisë së Exit lidhur me përgjegjësinë mbi rrjetin e kanalizimeve në Bashkinë Sarandë. Pas shpërthimit që largoi turistët nga plazhet e Ksamilit, Bashkia Sarandë dhe Drejtori i Ndërmarrjes së Ujësjellës Kanalizimeve të Sarandës (UKS) pohuan se ndërtimi i kanalizimeve ishte një projekt i BE dhe se BE ishte përgjegjëse për tenderimin, zbatimin dhe mbikëqyrjen e tij.

Berat, ndotja në lumin Osum objekt fotografish për turistët

Lumi Osum në Berat vazhdon të jetë i ndotur. Pavarësisht se në Ditën e Tokës disa vullnetarë tentuan të sensibilizonin banorët e zonës, gjendja e lumit vazhdon të jetë e njëjtë. Bashkia e Beratit çdo ditë bën reklama duke treguar në lidhje me investimet në fasada. Por pamja që të ofron lumi Osum është e trishtë, pasi deri tani asnjë institucion nuk po merr masa për pastrimin e tij. Ndërkohë që pak kohë më parë ministri i Mjedisit, Lefter Koka bëri thirrje për pastrimin e brigjeve të lumenjve ose në të kundërt do të përballeshin me gjoba.

Bota në alarm, bletët po zhduken! Rrezikohet njerëzimi…

Albert Ajnshtajn ka thënë se kur të zhduken bletët, njerëzimit do t’i vijë fundi katër vjet më pas. Dhe është pikërisht ky fakt që ka trembur studiuesit, pasi bletët janë me të vërtetë duke u zhdukur. Bletët nuk ngjizin vetëm lulet dhe prodhojnë mjaltë, por janë edhe pikënisja e një sërë ushqimesh për njerëzit. Nëse ato zhduken, me shumë mundësi që edhe shëndeti i njerëzve mund të jetë në rrezik. Cilët janë faktorët që çojnë drejt zhdukjes së këtyre insekteve. Janë të shumtë, mes së cilëve sëmundjet e ndryshme, ndotja e ambientit, ndryshimet e shpejta dhe të frikshme të klimës, zhdukja e disa bimëve etj.