pastrim

“TA PASTROJMË KOSOVËN” BËN BASHKË MË SHUMË SE 109 MIJË VULLNETARË, LARGOHEN 316 TON MBETURINA

Mbi 316 Ton dhe 46 mijë thasë me mbeturina kanë arritur të largohen brenda dy ditëve nga më shumë se 109 mijë vullnetarë falë aksionit të madh “Ta Pastrojmë Kosovën”, i cili filloi edhe zyrtarisht të shtunën, më 15 shtator, për të vazhduar deri më 15 dhjetor të këtij viti. Aksioni i nisur me iniciativë të Let’s Do It Kosova dhe i mbështetur nga Qeveria e Republikës së Kosovës, arriti një mobilizim të jashtëzakonshëm të mijëra vullnetarëve, institucioneve qendrore e komunale, organizatave e qytetarëve të shumtë. Let’s Do It Kosova ju njofton se tani dy prej fokuseve kryesore të fazës së parë të fushatës “Ta Pastrojmë Kosovën” janë deponitë më të mëdha ilegale nëpër komuna dhe brezi rrugor.

Aksioni: #SuperShkumbini, 50 të rinj pastrojnë lumin Shkumbin në Librazhd.

Panvarësisht se janë gjatë ditëve të pushimit dhe motit të keq e të paqendrueshëm, Aktivistët e Lumit Shkumbin (grup vullnetarësh ambienti) nuk u stepën për pastruar një segment të lumit Shkumbin në Librazhd. 50 të rinj u bënë bashkë për të pastruar lumin e qytetit të tyre.

Ditën Botërore e Pastrimit, qytetarët e Sarandës në aksion

Në Ditën Botërore të Pastrimit, bashkia Sarandë së bashku me administratën dhe institucionet në varësi të saj, ka filluar aksionin e pastrimit të këtij qyteti duke larguar mbetjet në plazhe dhe në qytet. Bashkia e Sarandë u ka bërë thirrje qytetarëve që ti bashkohen kësaj të fundit në këtë ditë pastrimi. “Ftoheni edhe ju të bëheni pjesë e lëvizjes botërore “Let’s Do It World”.

Fier: Lumi Gjanica pastrohet, t’i paraprihet përmbytjeve

Nisja e reshjeve ka detyruar bashkinë e Fierit të rifillojë me urgjencë punën për pastrimin e lumit Gjanicë në pjesën pranë ish Azotikut deri tek nyja ku bashkohet me lumin Seman. Shkak është bërë mbushja e shtratit të lumit në disa pika, inertet, por edhe nga dëmtimi e argjinaturës. Bordi i kullimit pohon se me këtë ndërhyrje i paraprihet ndonjë situatë të mundshme përmbytjesh.

Entela Kola: Po pastrohen nyjet ku ka pasur mbushje dhe shkarje gjatë kësaj kohe.

Ligatinat shqiptare: pasuri natyrore në fokusin e të rinjve

Në kuadër të Ditës Botërore të Ligatinave, me moton "Ekosistemet ligatinore për një të ardhme të qëndrueshme urbane", Qendra Rajonale e Mjedisit (REC) Shqipëri, në bashkëpunim me Administratën e Zonave të Mbrojtura Fier dhe Lezhë, organizoi disa aktivitete me studentë dhe të rinj aktivistë të shoqërisë civile. Aktivitetet u zhvilluan në dy prej ekosistemeve më të rëndësishme ligatinore të vendit: në Lagunën Divjakë-Karavasta dhe në Lagunën Kune-Vain.

Ndotja nga mbetjet në Fierzë, nis nga Kukësi fushata për pastrimin

Në brigjet e liqenit të Fierzës në Kukës ka nisur fushata një javore "Ta pastrojmë Drinin që na bashkon në Kukës”. Kukësi është zgjedhur për fillimin e fushatës, sepse është qyteti ku bashkohet Drini i Bardhë me Drinin e Zi, aty ku grumbullohen mbetjet urbane të sjella nga vendbanimet përgjatë dy Drinave. “Është një nismë që do të pasohet me aktivitete të tjera në dobi të menaxhimit të qëndrueshëm të vlerave natyrore të basenit të Drinit dhe zhvillimit të turizmit” thonë kështu ekspertët e përfshirë në këtë fushatë.

Nis pastrimi i Gjanicës

Bashkia e Fierit po ndërhyn në pastrimin e shtratit të lumit Gjanica, përgjegjës për përmbytjet e vazhdueshme në këtë qytet ku qindra banesa dhe biznese përmbyten duke pësuar dëme të konsiderueshme sa herë që ka reshje.

Pastrimi i plazheve, aksion në gadishullin e Karaburunit

Pas përfundimit të sezonit veror, Bashkia e Vlorës, e mbështetur nga ambientalistët, disa peshkatarë dhe zhytës, kanë ndërmarrë nismën për pastrimin e plazheve në gadishullin e Karaburunit. Vetëm në plazhin e Shën Janit dhe në plazhin e Shën Vasilit janë mbledhur gati 30 thasë me mbeturina. Në këtë aksion ka marrë pjesë edhe kryetari i Bashkisë së Vlorës, Dritan Leli, i cili është bashkuar me zhytësit për të pastruar hapësirën nënujore në shpellën e Haxhi Aliut.

Politikë më agresive dhe e financuar për pastrimin e mbetjeve

Një politikë më agresive dhe e financuar nevojitet për pastrimin e mbetjeve urbane në bashkitë bregdetare të vendit. Kështu deklaroi sot ministri i Turizmit dhe Mjedisit, Blendi Klosi, i cili nga një studio televizive, nënvizoi masat e marra për pastrimin e territorit nga mbetjet urbane. “Ne bëmë disa operacione pastrimi. Një operacion pastrimi zgjati 6 muaj (24 nëntor-24 maj). Kemi akoma shumë probleme, por nuk mund të rri pa vlerësuar superpastrimin në bregdet apo shtratet e lumenjve”, tha Klosi.

Pukë, nis puna për pastrimin e rrugës në fshatin Dedaj

Banorët e fshatit Dedaj në njësinë administrative Qelëz, kanë kërkuar ndihmën e bashkisë së Pukës, për pastrimin e rrugës. Vetëm tre ditë pasi banorët iu drejtuan kryetarit të bashkisë Gjon Gjonaj me një kërkesë për pastrimin e rrugës, bashkia ka mbërritur në zonë ku po i vjen në ndihmë banorëve për pastrimin tërësor të rrugës. Punonjësit e bashkisë po punojnë në heqjen e dherave dhe gurëve, në mënyrë që rruga të jetë e kalueshme për banorët, në prag edhe të stinës së vjeshtës dhe dimrit.

Sezoni i shirave, pastrohet nga mbetjet shtrati i Lanës

Stina e vjeshtës sjell dhe sezonin e shirave dhe për këtë bashkia e Tiranës i ka paraprirë me pastrimin e Lanës nga mbetjet, për të parandaluar daljen nga shtrati të lumit. Prej dy javësh ndërmarrja e punëtorëve të qytetit ka punuar intensivisht për të pastruar shtratin e Lanës, nga mbetjet e hedhura në mënyrë të papërgjegjshme nga qytetarët, të cilat rrisnin mundësinë e daljes së tij dhe të përmbytjes së zonave përreth.

Shqipëria kundër plastikës

Në aksionin kombëtar SEEP është organizator i aktivitetit për qarkun e jugut. Siç dihet ky aktivitet i iniciuar nga shoqëria civile ka gjetur partneritetin e fortë të qeverisë Rama nën thirrjen “Të pastrojmë Shqipërinë që duam”.

Tiranë, rehabilitohet moli i Parkut të Liqenit

Në një kohe të shkurtër Parku i Liqenit Artificial është kthyer në një nga destinacionet më të preferuara për qytetarët e Tiranës, jo vetëm për të kaluar kohën e lirë, por edhe për të zhvilluar aktivitete të ndryshme sportive. Bashkia e Tiranës, me mbështetjen e Kryqit të Kuq Shqiptar, përfundoi rikualifikimin e molit të liqenit, një vepër kushtuar Henry Dunant, themelues i kësaj organizate dhe fituesi i parë i çmimit Nobel.

Uji, pastrimi, … Tirana dhe Budapesti rritin bashkëpunimin

Tirana dhe Budapesti do të thellojnë bashkëpunimin mes tyre në zbatimin e projekteve me rëndësi të përbashkët, veçanërisht në fushën e furnizimit me ujë të pijshëm, pastrimit, transportit publik, kulturës dhe turizmit. Së shpejti, në Budapest do të vendoset monumenti i Heroit tonë Kombëtar, Gjergj Kastrioti Skënderbeu, në vendin ku sot ngrihet edhe monumenti i Janosh Huniadit, heroit kombëtar të Hungarisë.