shperthim

Indonezi, kolona me hirin e vullkanit shkon deri në 5 km

Vullkani Sinabung në ishullin indonezian të Sumatras, ka shpërthyer një kolonë hiri që është rritur deri në 5 mijë metra në atmosferë, ndërsa retë e nxehta të shkaktuara kanë zbritur përgjatë shpateve të saj. Për fat të mirë, nuk ka pasur viktima apo të plagosur.

Vullkani, një nga tre më aktivët aktualisht në Indonezi, kishte mbetur i heshtur për katër shekuj para se të kthehej në shpërthim në vitin 2010, duke vrarë dy vetë. Një shpërthim tjetër në 2014 kishte shkaktuar vdekjen e 16 personave, ndërsa shtatë të tjerë vdiqën në një shpërthim të vitit 2016. Në vitet e fundit rreth 30,000 njerëz janë detyruar të lënë shtëpitë rreth malit.

Aeroportet kryesore në Bali kanë bllokuar rreth 7 mijë pasagjerë vendas dhe ndërkombëtarë, ndërsa qeveria ka dhënë paralajmërimin e kuq. Hiri i cili doli nga mali Agung në lindje të Balit, ka shpërthyer tri herë gjatë ditës së shtunë dhe ka arrtiur lartësinë e 5 kilometrave.

Për më shumë lexoni në... http://gazeta-shqip.com/lajme/2018/02/19/indonezi-kolona-me-hirin-e-vullkanit-shkon-deri-ne-5-km-foto/

Shpërthim në dy impiante kimike në Gjermani, dy të vdekur

Gjermania kaloi një ditë frike për shkak të disa shpërthimeve në dy impiante kimike, duke detyruar mbi 20 mijë persona që të mbyllen në shtëpi. Dy të vdekur, dy të zhdukur dhe gjashtë të plagosur, është bilanci i ngjarjes së ndodhur pasditen e djeshme, e hënë, në zonën e kolosit kimik Basf, në portin e Ludwigshafen. Vetë kompania deklaroi se numri i viktimave mund të rritet për shkak se nuk dihet fati i dy të zhdukurve, të cilët thuhet se janë dy zjarrfikës të cilët ndërhynë për të vënë zjarrin nën kontroll, transmeton Noa.al.