Emerging-Europe: Shqipëria ndalon me ligj përdorimin e qeseve plastike

“Shqipëria ka marrë masa për të reduktuar mbeturinat plastike dhe ndotjen duke vendosur me ligj një kufizim në importimin, prodhimin, përdorimin dhe shitjen e qeseve plastike të lehta”, shkruan Emerging-Europe. Zëvendësministrja e Mjedisit dhe Turizmit, Ornela Çuçi tha se qeset e lehta plastike nuk janë të riciklueshme. “Ata duhet të kenë një trashësi minimale prej 35 mikronësh në mënyrë që të jenë të ripërdorshme dhe të kenë vlerë riciklimi”, tha ajo. Vendimi ka për qëllim inkurajimin e prodhimit të qeseve të biodegradueshme me shumë qëllime që mund të shpërbëhen në 36 muaj. Prodhuesit dhe importuesit që nuk zbatojnë ligjin në Shqipëri do të gjobiten 100,000-150,000 lekë (700-1186 euro).

Vijo leximin

Print

Banorët e Sheqit dhe qendra mjedisore EDEN padisin Bashkinë e Fierit për vendgrumbullimin e mbetjeve në Sheq.

Qendra mjedisore EDEN prej më shumë se 8 muaj ka ndjekur në terren rastin për vendgrumbullimin e mbetjeve në Sheq, Fier. Ka zhvilluar takime dhe ka mbajtur korrespondencë shkresore për marrje informacioni me institucionet vendore. Në datën 27 qershor 2018, është zhvilluar në Fier konferenca “Dialog për mbylljen dhe rehabilitimin e vend-depozitimit ekzistues të mbetjeve urbane në Sheq” në vijim të letër kërkesës dërguar Bashkisë Fier, 15.05.2018, për mbylljen dhe rehabilitimin e vendgrumbullimit të mbetjeve në Sheq. Bashkia e Fierit nuk ka mbajtur një qëndrim zyrtar për kërkesat e paraqitura në letrën drejtuar saj.

Vijo leximin

Print

Kroacia ndihmon Shqipërinë për të trajtuar problemin e mbetjeve të hedhura në Adriatik

Kroacia, me dëshirën për të mbrojtur plazhet e saj të detit Adriatik, të cilët joshin miliona turistë çdo vit, ka filluar të ndihmojë fqinjen e saj Shqipërinë për të pastruar ujërat e saj territoriale dhe për të përmirësuar aftësinë e saj për t'u përgjigjur shpejt ndaj derdhjeve të naftës dhe rreziqeve të tjera. Shqipëria ka bërë disa përparime në trajtimin e ndotjes detare, me ushtrinë dhe vullnetarët që ndihmojnë për pastrimin e plazheve në fillim të çdo sezoni turistik, por mbeturinat e hedhura në lumenj përgjithësisht përfundojnë në Adriatik.

Vijo leximin

Print

Skautistët Belgë vizitojnë Devolli-n. Rritja e ndërgjegjësimit mjedisor dhe promovimi i turizmit në fokus!

Përfundon vizita studimore mbi rritjen e ndërgjegjësimit mjedisor dhe promovimin e turizmit midis Grupi të Pionier-ve Skautist nga Belgjika dhe Qendrës Shqiptare për Qeverisje Mjedisore ACEG. Në fshatin Zicisht të Bashkisë Devoll u zhvillua një vizitë studimore, data 26-30 korrik 2018 organizuar nga Qendra ACEG në kuadër të projektit “Ndërtimi i një ure bashkëpunimi midis bashkisë, shoqërisë civile dhe qytetarëve për menaxhimin e mbetjeve në Bashkinë Devoll”.

Vijo leximin

Print

Ku janë koshat e mbeturinave në Sarandë?

Ky reportazh fokusohet në një problem që ekziston në Sarandë, në rrugën mbi port dhe rrugët e tjera në brendësi të lagjes Nr.4, (mbi Port). Duke iu afruar Portit te Sarandes, mund të sodisësh me admirim relievin dhe pamjen e bukur të qytetit. Por nëse gjatë një xhiroje në këtë zone të duhet të hedhesh mbeturinat diku, duhet të mendohesh dy here. Kosha të vegjël për mbeturina nuk ka. Në të kundërt, në shëtitoren kryesore buzë detit në distanca të shkurtra gjen plot kosha mbeturinash. Në rrugët e lagjes nr.4 nuk ka pothuajse asnjë kosh të vogël. Qytetarët e kësaj rruge detyrohen të ecin me qindra metra për të hedhur një qeskë me mbeturina në vendgrumbullime kontenieresh që nuk dihet përse i kanë distancuar aq larg nga blloqet e banimit.

Vijo leximin

Print