• Kreu
  • Mbetjet
  • Djegia e mbetjeve në Fushë-Krujë, kryeplaku Halili: Ndotje alarmante, shkak i sëmundjeve tumoriale

Djegia e mbetjeve në Fushë-Krujë, kryeplaku Halili: Ndotje alarmante, shkak i sëmundjeve tumoriale

Djegia e mbetjeve urbane pa kriter në Fushë- Krujë, ka bërë që tymrat dhe gazrat helmuese të pushtojnë të gjithë qytetin dhe fshatrat. Djegia e mbeturinave urbane pa kriter në Fushë- Krujë, ka bërë që tymrat dhe gazrat helmuese të pushtojnë të gjithë qytetin dhe fshatrat.

E gjithë kjo situatë është krijuar për të mos lejuar rritjen e pirgjeve të mbetjeve, ndërsa përgjegjësinë për këtë e ka firma e pastrimit.

Bashkia e këtij qyteti jashtë kamerës shprehet se duhet një ndërhyrje nga qeveria për krijimin e një landfilli të mirëfilltë dhe larg zonave te banuara. Ndërsa kryeplaku i fshatit Halil, shprehet se nga kjo ndotje alarmante vetëm në këtë fshat kanë vdekur rreth 15 persona me sëmundje tumoriale.

Mbi 70 mijë banorë vazhdojnë të thithin gazrat helmuese me veti të lartëkoncerogjene. Po ashtu edhe liqeni i Bacungut në të cilin laheshin dikur banorët e zonës, është tërësisht i ndotur nga mbetjet që derdhen në të.

Problemi mbetën edhe furrat e gëlqeres dhe fabrikat e çimentos. Në këtë mënyrë nuk po shkatërrohet vetëm pasuria mjedisore, por edhe ajo ujore.

Print