Menaxhimi i mbetjeve, në fokus të Bashkisë Finiq

Menaxhimi i mbetjeve urbane është një nga problematikat gjithëvjetore që preokupon Bashkitë e JP të Shqipërisë të cilat kanë jo pak asete turistike. Kjo u kostantua së fundi edhe në Bashkinë e Finiqit gjatë tryezës mjedisore organizuar së fundi nga AJMMI, pjesë e grupimit mjedisor ECIM në kuadër të projektit: “Monitorim i zbatimit të politikave mjedisore në bashkitë JP të Shqipërisë me fokus menaxhimin e mbetjeve në zonat rurale”, mbështetur nga REC Shqipëri si pjesë e programit SENiOR II, financuar nga qeveria Suedeze. Pavarësisht se mungojnë planet e mirëfillta të një zhvillimi të qëndrueshëm, duket se janë hedhur disa hapa për përpjekje të reja me synimin për përmirësimin e disa standardeve.

Vijo leximin

Print

Mbetjet në Tiranë, të hidhen me orar?!

Çdo ditë në rrugët periferike të Tiranës, por jo vetëm qytetasit shohin kontenierë të tejmbushur. Të gjithë e njohim këtë fakt, por jo të gjithë e dimë se ende në zona të caktuar mbeturinat shtëpiake apo edhe ato të bizneseve i nxjerrin me karroca dore, kova shumë litroshe. Në rastet se ti je një biznes dhe zbraz mbeturinat ku të mundesh, patjetër që do të gjobitesh për dëmin e kryer. Megjithatë vlera e gjobës prej 3000 lekësh, nuk justifikon vlerën që i duhet operatorit të pastrimit shtetëror apo privat për të pastruar zonën, vlerë cila shkon nga 15,000-30,000 lekë.

Vijo leximin

Print

Landfilli ilegal i Librazhdit. Bashkia bën padi për ndotje

Bashkia e Librazhdit ka denoncuar në polici djegien e mbetjeve urbane, të cilat për ditë me radhë helmuan të gjithë qytetin dhe fshatrat rrotull. Duke e cilësuar një akt të qëllimshëm, kryetari i bashkisë bëri thirrje për zbardhje të plotë. “Ne si bashki kemi bërë denoncim në polici dhe kërkojmë zbardhjen e kësaj ngjarjeje që për fat të keq është e përsëritur. Edhe herë të tjera persona të papërgjegjshëm kanë djegur mbeturinat në qytet”, tha kryebashkiaku Kastriot Gurra.

Vijo leximin

Print

Tirana bëhet gati për sezonin e ri, pastrim i përgjithshëm dhe evadim i mbetjeve

Ky sezon i ri e gjen qytetin më të pastër dhe më të rregullt. Bashkia Tiranë, po zhvillon një aksion të gjerë pastrimi në të 24 njësitë administrative të Tiranës si dhe në rrugët kryesore duke hequr inertet por edhe mbetjet e hedhura pa kujdes nga qytetarët që sjellin jo vetëm ndotje, por shkaktojnë edhe probleme. Të palodhur e të përkushtuar, punonjësit e ndërmarrjes Nr 1 të Bashkisë po vijojnë punën duke u kujdesur çdo ditë për imazhin e Tiranës përmes pastrimit dhe mirëmbajtjes.

Vijo leximin

Print

Përroi si landfill, mbetjet e Librazhdit derdhen akoma në Shkumbin

Landfilli i Bashkisë së Librazhdit është improvizuar në shtratin e një përroi. Aty grumbullohen mbetjet urbane të bashkisë jashtë çdo kriteri mjedisor dhe fare pranë qytetit. Sa herë ka reshje, këto mbetje shkojnë drejt Lumit Shkumbin, duke bërë që situata të përkeqësohet edhe më tej. Sikur të mos mjaftonte e gjithë kjo, prej disa ditësh mbetjeve u është vënë flaka, duke bërë që tymi dhe ndotja të përfshijnë të gjithë Librazhdin. “Ka 7 ditë që plehrat rrinë aty. U bë mjegull në lagje. U bënë fëmijët astmatikë”, thonë banorët.

Vijo leximin

Print