Semani i Detit të Vdekur

Ai quhet Petraq Trifka. Është i zoti i tavernës më të mirë në Seman. Gjithmonë i qeshur, dhe me fytyrën e skuqur nga zjarri i kuzhinës. Kur pyet çfarë ka, ai përgjigjet gjithmonë njësoj: “Çfarë nuk ka. Ka iriq që ta dish ti me sa zor e zëmë, kërmij të mbledhur kur ka rënë vesa, bretkosa që të lëpish gishtat, peshk e ngjala të sapodala nga rrjeta, tavë bibe që e ka traditë zona. “Çfarë do ti, thotë dhe ta mbush tavolinën, që të rrish tre ditë duke ngrënë. Sapo ka hapur një tavernë të re, ngjitur me të vjetrën. “E bëra për 25 ditë -tregon, se erdhën këta të TAP, e donin kushte të mira për të ngrënë drekën, përditë.” Dhe Petraqi nuk e mendoi dy herë. Ndërtoi brenda muajit një tavernë moderne, ku tavolinat janë përditë të zëna.

Vijo leximin

Print

Diskutimet për projektligjin e ri “Për menaxhimin e integruar të mbetjeve”

Projektligji i ri “Për menaxhimin e integruar të mbetjeve”, u diskutua sot në Komisionin për Veprimtaritë Prodhuese, Tregtinë dhe Mjedisin, ku përfaqësues të Shoqërisë Civile dhe ekspertë të Mjedisit u shprehen rreth projektligjit. Gjatë diskutimit të projektligjit për importin e mbetjeve urbane në komisionin parlamentar të Veprimtarive Prodhuese, deputeti socialist dhe njëherazi nismëtari i ligjit, Eduard Shalsi tha se në import përfshihen mbetjet e riciklueshme. "Ne duam që të kuptohet qëllimi i mirë për importin e mbetjeve. Jemi të hapur të marrim sugjerime. Nuk duam që kjo çështje të politizohet", u shpreh Shalsi.

Vijo leximin

Print

Lezhë, qyteti mes mbetjeve, Frrokaj: Ka përfunduar kontrata me firmën

Disa zona të Lezhës, kryesisht bregdeti i Shëngjinit, është tej mbushur nga mbetjet urbane duke shkaktuar një panoramë të shëmtuar për turistët. Kontenier të dëmtuar apo dhe mungesë totale e tyre konstatohen lehtësisht, ndërsa mbeturinat vijojnë të hidhen nëpër rrugët e qytetit. Sipas kryetarit të Bashkisë së Lezhës, Fran Frrokaj, kjo situatë është shkaktuar pasi ka përfunduar kontrata e firmës kontraktuese për pastrimin e qytetit, dhe se po merren masa provizore deri në një zgjidhje përfundimtare. Sipas Frrokaj tenderi i ri i pastrimit do të bëhet në muajin shtator dhe situata do të marrë menjëherë zgjidhje për pastrimin e qytetit.

Print

Protagonizëm për kauzën e paqenë të importit të “plehrave”

Nga Mentor Kikia

Një grup aktivistësh të shoqërisë civile, jo aq të shumtë sa tre vjet më parë, u shfaqën sërish për të kundërshtuar ndryshimin në ligjin për ndalimin e importit të mbetjeve të riciklueshme. Unë personalisht, me gjithë ndjeshmërinë e madhe që kam ndaj mjedisit, nuk iu bashkova protestave të këtij grupimi atëherë dhe nuk e mbështes as tani reagimin e tyre, për shumë arsye: Sepse “plehrat” që ata pretendonin se do të ndalonin të vinin në Shqipëri, në fakt ishin thjesht lëndë e parë për industrinë e riciklimit.

Vijo leximin

Print

AKIP kundërshton ligjin e ri për importin e mbetjeve

Aleanca Kundër Importit të Plehrave, grupimi i shoqërisë civile që tre vjet më parë arriti të ndalojë me ligj importin e mbetjeve në Shqipëri, deklaroi sot se do të kundërshtojë edhe propozimin e fundit të tre deputetëve të së majtës, të cilët kanë propozuar në Kuvendin e Shqipërisë rikthimin e importeve. Jemi të “neveritur nga përpjekjet e vazhdueshme të një pjese të politikës shqiptare për të thyer ndalimin e importit të mbetjeve, i cili u realizua me ligj në vitin 2013 pas një beteje shumëvjeçare të shoqërisë civile,” tha AKIP në  një konferencë për shtyp.

Vijo leximin

Print