Lezhë, anija “fantazmë” kërcënon ekosistemin në plazhin e Shëngjinit

Një anije mallrash prej disa kohësh është ankoruar në portin e Shëngjinit. Anija disa tonësh është tërësisht e rrënuar dhe e ndryshkur. Pritet që brenda pak ditësh të fillojë edhe prerja e saj që do të shkojë për skrap. I kontaktuar me telefon, drejtori i Portit, Gjovalin Tusha shprehet se janë edhe tre anije te tjera te cilat kanë bllokuar një pjesë të portit të Shëngjinit dhe pritet të shkatërrohen. Tusha gjithashtu thotë se, për anijen e mallrave ka një leje nga Ministria e Transporteve e cila i ka dhënë të drejtë pronarit të saj të bëjë ankorimin në këtë port. Por shkatërrimi i një anije të tillë në një port si ai i Shëngjinit, ku kryesisht përdoret për peshkim do të shkaktonte një katastrofë ekologjike.

Vijo leximin

Print

Në kërkim të Shapkës së Madhe të Ujit

Javën e kaluar, më 23 Prill 2017, në fushat në veri të Tiranës nisi ekspedita e një gjuetari, një ornitologu, dhe Lusi dhe Maja, dy qenë gjuetie në kërkim të shapkës së madhe të ujit (Gallinago media), të njohur ndryshe si Shapka e Lëndinës. Qëllimi i kësaj vizite ishte kuptimi për shpërndarjen e saj në Shqipëri. Përpara kësaj vizite, ornitologët dinin vetëm se kjo Shapkë ishte një shpend shtegtar në Shqipëri, por ata nuk kishin të dhëna të tjera mbi kohën e kalimit, habitatet e përdorura prej tyre, apo shpërndarjen në vendin tonë. Duke qenë se ky shpend ishte pikasur më parë nga gjuetarët, ekipi u nis drejt fushave në veri të Tiranës për t‘iu përgjigjur këtyre pyetjeve.

Vijo leximin

Print

Tomorr: Kamerat kurth filmojnë kafshët e rralla në Malin e Tomorrit

Administrata e Zonave të Mbrojtura Berat, bën me dije se tri kamera kurth të vendosura në Parkun Kombëtar të Malit të Tomorrit kanë regjistruar filmimet e kafshëve të egra si ariu i murrmë dhe macja e egër. “Nga kontrolli i 3 kamerave kurth në Parkun Kombëtar Mali i Tomorit, rezultojnë kafshë të rralla si ariu i murrmë 2 copë, mace e egër. Gjithashtu ka prezencë të madhe të kafshëve si dhelpra, baldosa, lepur i egër, iriqi etj. Monitorimi vazhdon!”, – shkruan Administrata e Zonave të Mbrojtura Berat në faqen e saj zyrtare në Facebook.

Print

Ekspeditë e shkencëtarëve evropianë për të shpëtuar Vjosën

Shumë pak shqiptarë janë të vetëdijshem se Vjosa, lumi me i madh i Shqipërisë jugore është lumi i fundit në Evropë, i cili, deri tani, nuk e ka ndërruar rrjedhën e tij”, – thotë profesor Fridrich Shiemer, ekologjist i famshëm nga Universiteti i Vjenës, që sapo ka mbërritur në Aeroportin e Rinasit. Së bashku me Olsi Nikën, biolog mjedisi dhe aktivist i çështjeve mjedisore në Shqipëri, ata po presin në sallën e mbërritjeve tridhjetë shkencëtarë dhe ekspertë të tjerë të fushës, të mbledhur nga vende të ndryshme të Evropës.

Vijo leximin

Print

Shkatërrimi i pyjeve në Shqipëri, mendime për përmirësimin

Pyjet janë pasuri kombëtare që japin frymëmarrje (oksigjen), ushqim dhe strehë për të gjitha gjallesat, përfshirë dhe njeriun. Pyjet dhe mbulesa bimore në përgjithësi janë barriera kryesore e mbrojtjes së tokës nga erozioni dhe rezerva kryesore ujore e saj. Ato mbajnë klimën të mos trazohet, mbrojnë tokat të mos shkojnë në det, mbrojnë ujërat etj. Stërgjyshërit tanë janë strehuar dhe kanë mbijetuar në shekuj falë maleve dhe pyjeve tona; edhe në të ardhmen ne apo stërnipërit tanë do të gjejmë strehë po në këto pyje në rast nevoje nga ndryshimet e klimës apo tallazet e tjera të jetës.

Vijo leximin

Print