Ujërat e zeza pa kanalizim në Burrel, banorët: Rrezikohemi nga sëmundjet

Ujërat e zeza në Burrel, janë problemi më shqetësues për banorët në unazën e poshtme të qytetit. Prej vitesh thonë se u duhet të kalojnë pranë pellgjeve dhe rrjedhës së ujërave të zeza. Alarmin e japin jo vetëm për shkak të erës së keqe, por dhe rrezikut të sëmundjeve që vijnë nga derdhja e tyre në tokat bujqësore.

“Ujërat e zeza në kanë bllokuar si lagje. Nëse kryetari i bashkisë nuk merr masa, ne nuk votojmë më. Prej 20 vjetësh, ujërat e zeza kanë ndotur gjithçka”, shprehet një qytetar.

“Këto ujëra të zeza janë burim infeksioni, sëmundjesh, jo vetë për fëmijët”, thotë një tjetër qytetar.

Banorët kërkojnë ndërhyrjen e institucioneve, pasi sipas tyre, shkak i kësaj situate është bllokimi i kolektorëve.

Print