Më të fundit

  • Stuhi dhe erë e fortë në Kukës, furtuna lë pa energji elektrike disa fshatra, mbetjet urbane dalin në rrugë

    Pasditën e kësaj të hëne qyteti i Kukësit është përfshirë nga një stuhi e fortë e cila po shkakton mjaft probleme në qytetin verilindor. Era ka qenë aq e fortë sa ka rrezikuar pemët të cilat ndodhen përgjatë rrugëve të qytetit të Kukësit. Një stuhi e fortë ka përfshirë qytetin e Kukës mesditën e kësaj të hëne. Siç shikoni dhe nga pamjet ajo ka tronditur banorët të cilëve iu është shkëputur edhe energjia elektrike. Qyteti dhe fshatrat përreth kanë mbetur pa drita. Nga raportimet e deritanshme thuhet se janë shkaktuar shumë dëme materiale, janë thyer pemë, por janë dëmtuar edhe biznese apo banesa në zonat periferike.

    Lexo me shume
  • Raporti i UNECE, Shqipëria nuk vlerëson ndikimin shëndetësor të ndotjes së ajrit dhe nuk merr masa për uljen e vdekjeve

    Shqipëria nuk vlerëson ndikimin shëndetësor të ndotjes së ajrit, duke penguar matjen e saj të progresit drejt synimit të objektivave të mijëvjeçarit (SDG) të Kombeve të Bashkuara. Ky përfundim vjen nga Komisioni Ekonomik i Kombeve të Bashkuara për Europën (UNECE), i cili ka kryer rishikimin e tretë të ecurisë së mjedisit të Shqipërisë, duke analizuar progresin që nga shqyrtimi i dytë i Performancës Mjedisore (EPR) në vitin 2012. Ky EPR i tretë është i pari që integron SDG-të dhe ofron rekomandime për qeverinë për arritjen e Qëllimeve Globale dhe zbatimin e angazhimeve për ndryshimin e klimës.

    Lexo me shume
  • Jahti “gjigand” do të udhëtojë me energji diellore – Ja çfarë sjell e ardhmja

    Automjetet elektrike me siguri do të jenë e ardhmja, duke marrë parasysh se çdo markë e madhe po përqafon idenë e një të ardhmeje pa gaz, por a do të jetë e njëjta gjë edhe për anijet? Jahtet janë simbol i madh statusi për njerëzit e pasur, por gjithashtu ato harxhojnë sasi të mëdha gazi. Një kompani suedeze e quajtur Solar Impact shpreson ta ndryshojë këtë me një varkë të mrekullueshme që nuk do ketë nevojë as për një pikë karburanti.

    Lexo me shume

Pastrimi i kanaleve kulluese në Fier, fermerët shpresojnë mos përmbyten më

Mosfunksionimi i kanaleve kullues ka qenë shqetësim i vazhdueshëm për banorët e njësisë administrative Frakull në Fier. Nisja e pastrimit të kanaleve kulluese shihet me optimizëm nga fermerët, të cilët shpresojnë që dhe në rast përmbytjeje të mos u dëmtohen të mbjellat. Gjatë përmbytjeve të mëparshme kanë pësuar dëme të konsiderueshme në prodhimet bujqësore, por edhe në banesa e orendi shtëpiake.

Vijo leximin

Tërmeti në Dibër, Prefekti Shehu: Presim dosjet e banesave të dëmtuara

Të gjitha dëmet e shkaktuara nga tërmeti në Qarkun Dibër, po vlerësohen nga grupet e punës në terren. Bëhet fjalë për 70 familje të cilat janë pjesë e këtij vlerësimi. Sipas Prefektit të Qarkut Dibër dosjet po përpunohen nga të katër bashkitë të cilat më pas do t’i kalojnë këshillave bashkiakë respektiv. “Në dijeninë time janë 70 familje janë pjesë e këtij vlerësimi. Bazuar në ligjin e emergjencave civile si procedurë pas momentit të vlerësimit komisionet hartojnë dokumentacionin dhe ja paraqesin këshillit bashkiak. Pas miratimit të këshillit bashkiak dosjet kalojnë në prefekturë, momentalisht nuk kanë ardhur në prefekturë, është një punë voluminoze”, tha Shehu.

Vijo leximin

Evitimi i përmbytjeve, pastrohen 6500 ml kanale kulluese në Dajç

Janë rreth 6500 metër linear (ml) kanale kulluese që janë pastruar në Njësinë Administrative Dajç, një prej zonave më të rrezikuara nga përmbytjet në Shkodër. Bashkia e Shkodrës po vazhdon punën për pastrimin e kanaleve të dyta dhe të treta kulluese në Njësinë Administrative Dajç. Deri tani janë pastruar gjithsej 6500 ml kanale kullues me volum gërmimi prej 8440 m3, në fshatrat Rrushkull, Belaj dhe Samrisht. Ndërkohë është drejt përfundimit puna në pastrimin e kanalit kullues KK III 6012 me gjatësi 500 ml e volum 450 m3 si dhe kanalit kullues KK III 761 me gjatësi 600 ml e volum 430 m3.

Vijo leximin