Kalendari Mjedisor

Vlora ‘nën pushtetin’ e ujit

Edhe reshjet e pranverës e kanë vënë Vlorën nën pushtetin e ujit. Qytetit bregdetar u përmbyt këtë të dielë, duke shkaktuar vështirësi në qarkullimin e mjeteve e këmbësorëve. Banorët e cilësuan skandal që kjo situatë përsëritet sa herë ka reshje shiu. Qyteti Vlorës u zgjua i përmbytur pas reshjeve të shiut të nisura mbrëmjen e së shtunës.

By admin

Edhe reshjet e pranverës e kanë vënë Vlorën nën pushtetin e ujit. Qytetit bregdetar u përmbyt këtë të dielë, duke shkaktuar vështirësi në qarkullimin e mjeteve e këmbësorëve. Banorët e cilësuan skandal që kjo situatë përsëritet sa herë ka reshje shiu.

Qyteti Vlorës u zgjua i përmbytur pas reshjeve të shiut të nisura mbrëmjen e së shtunës.

Disa lagje thuajse u izoluan ndërsa në rrugë qarkullimi i mjeteve dhe këmbësorëve ishte i vështirë për deri në mesditë.

Shumica e bizneseve në këto zona ishin të mbyllura për shkak të nivelit të ujit, ndërsa banorët e cilësuan skandal faktin që kjo situatë përsëritet sa herë ka reshje shiu.

Banor: “Situata është shumë keq, duhe të vërë dorë bashkia.”

Pasi inspektoi situatën kryebashkiaku i Vlorës, Dritan Leli tha shkak për përmbytjet është fakti se linjat e shkarkimit të bulevardit ende nuk janë lidhur me pjesën tjetër të qytetit

Dritan Leli: “Do ketë problematika deri në përfundimin e këtij projekti. Sot kemi diskuatuar me arkitektin që të gjejmë zgjidhjet përfundimtare në mënyrë që të arrijmë që të bashkojmë të gjitha pikat më problematike.”

Bashkia e Vlorës tha se punonjësit e Ujësjellësit po punojnë për normalizimin e situatës, por për banorët mbetet shqetësim fakti se ata mund të zgjohen sërish të përmbytur nesër pasi parashikimi i motit tregon se reshjet do të vijojnë.

Zonat e përmbytura në Vlorë:

-Zona e Skelës

-Zona “Albano dhe Romina”

-Lagjja “28 Nëntori”

-Lagjja “Pavarësia”