Kalendari Mjedisor

12 mijë fidanë të rinj mbillen tek Parku i Vaqarrit

Rreth 12 mijë fidanë të rinj u mbollën gjatë ditëve të fundit në Parkun e Vaqarrit, në Tiranë. Pjesë e Pyllit Orbital në këtë park Agjencia e Parqeve dhe Rekreacionit së bashku me donatorë e vullnetarë, mbështetës së nismës “Dhuro pemë për Tiranën”, mbollën pemë në të gjithë hapësirën e tij.

By admin

Rreth 12 mijë fidanë të rinj u mbollën gjatë ditëve të fundit në Parkun e Vaqarrit, në Tiranë.

Pjesë e Pyllit Orbital në këtë park Agjencia e Parqeve dhe Rekreacionit së bashku me donatorë e vullnetarë, mbështetës së nismës “Dhuro pemë për Tiranën”, mbollën pemë në të gjithë hapësirën e tij.

Kryetari i bashkisë së Tiranës, Erion Veliaj, shprehet se po shtohet gjelbërimi kudo në Tiranë.

“Jam kaq i lumtur që jo vetëm po shtojmë çdo ditë gjelbërimin kudo në Tiranë, qendër a periferi, por po tejkalojmë parashikimet për mbjelljet e këtij viti. Faleminderit Këshillit të Qarkut dhe çdo donatori që u bashkuat me nismën tonë “Dhuro një Pemë””, theksoi Veliaj.

Pemët ulin efektet nga ndryshimet klimatike, freskojnë temperaturën me 8 gradë dhe reduktojnë me 30 për qind përdorimin e kondicionerit. Ato shërbejnë si pastrues të shkëlqyer të ajrit, reduktojnë ndotjen akustike dhe janë burim ushqimi për komunitetin. Po ashtu, pemët pastrojnë ujërat dhe gjenerojnë turizmin.

Mbjellja e pemëve ka gjithashtu impakt edhe në shtimin e punësimit, përmirësimin e shëndetit mendor dhe fizik, si dhe socializimin e njerëzve.

Në kuadër të planit kombëtar të gjelbërimit të territorit, synohet mbjellja e 20 milionë e 200 mijë pemëve deri në vitin 2020.