Kalendari Mjedisor

Ndryshon ligji, qeveria vë nën monitorim ministrinë për garat e HEC-ve

Zhvillimi i procesit konkurrues për miratimin e ndërtimit të kapaciteteve prodhuese të energjisë nga hidrocentralet do të kalojë nga Këshilli i Ministrave, i cili do të shërbejë si arbitër për mosdiskriminimin dhe transparencën e procesit. Bëhet fjalë për ato hidrocentrale që janë deri në 2 megavat dhe që sipas një vendimi më të hershëm nuk klasifikohen si konceisone dhe mund të kalojnë vetëm me firmën e ministrit. 

“Nuk zbatojmë dot direktivat e BE”! Kapitulli i Mjedisit për integrimin, Klosi: Kemi kërkuar ekip ndërkombëtar

Ministria e Turizmit dhe Mjedisit pranon se Shqipëria ka një sërë problemesh me implementimin e direktivave të Bashkimit Evropian në fushën e mjedisit, ndërkohë që zbatimi i tyre është një nga kushtet për anëtarësimin e vendit tonë në BE. Gjatë një tryeze me ambasadorë të Bashkimit Evropian, ministri Blendi Klosi tha se për shkak të kësaj situate i është kërkuar asistencë ambasadorit të BE-së në vebndin tonë caktimin e një ekipi permanent ndërkombëtar.

Tabela ndërgjegjësuese kundër zjarreve në zonat e mbrojtura në Elbasan

Zonat e mbrojtura në Shqipëri janë kthyer në të preferuarat e turistëve vendas dhe të huaj pasi vendi ynë ka një turizëm gjithëvjetor ku përveç bukurive bregdetare ka një peizazh dhe klimë mjaft të mirë e cila i ofron vizitorëve komoditetin e eksplorimit të vendeve të ndryshme.

4.5 milionë euro për projektin e mbetjeve të riciklueshme nga qeveria gjermane. Marrëveshja në Kuvend

Qeveria gjermane do të vërë 4.5 milionë euro në dispozicion të Ministrisë së Turizmit dhe Mjedisit për vazhdimin e mbështetjes teknike në projektin “Menaxhimi i modernizuar i mbetjeve dhe ekonomia ricikluese në respekt të mjedisit (DKTI)”. Projektligji është hartuar nga Ministria e Turizmit dhe Mjedisit dhe ka nisur që në vitin 2016. Objektivi i përgjithshëm i projektit është të përmirësojë sistemin e menaxhimit të mbetjeve të ngurta, kryesisht duke pasur në konsideratë aspektet klimatike.

Rrogozhinë, shirat rrezikojnë përmbytjen e disa fshatrave dhe tokave bujqësore

Banorët e disa fshatrave në Bashkinë e Rrogozhinës rrezikojnë të përmbyten. Shiu i ditëve të fundit ka rritur ndjeshëm prurjet e lumit shkumbin duke kërcënuar edhe dhjetra hektarë tokë bujqësore një pjesë e të cilave janë nën ujë. Në hyrje të stinës së dimrit dhe dëmtimet e argjinaturës ekzistuese të lumit Shkumbin kanë sjellë frikë tek banorët se ata do të përmbyten sërish, ashtu si edhe në vitet e kaluara.

Shqipëria, vendi i parë evropian pa qese plastike më 1 qershor 2020

Shqipëria, vendi i parë evropian pa qese plastike më 1 qershor 2020 është direktiva për të shkuar drejt standardeve europiane. Nga tryeza ku ambasadorë të BE-së, ekspertë ndërkombëtarë dhe drejtues të institucioneve shqiptarë analizuan arritjet e detyrave të kapitullit 27 për mjedisin, ministri i Turizmit dhe Mjedisit, Blendi Klosi tha se ka ardhur koha për aksione konkrete për ta bërë Shqipërinë të pastër dhe për të goditur ata që ndotin më shumë.