Vlora nuk gjen qetësi, sërish e përmbytur pas shirave
Vjeshta dhe dimri do të jenë të vështira për vlonjatët, të cilët duhet të përballen me përmbytjet sa herë që ka reshje shiu. Reshjet e shiut qe kanë rënë gjatë mbrëmjes dhe me intensitet të lartë kanë sjellë sërish përmbytje në disa rrugë. Situata paraqitet e rënduar duke vështirësuar edhe qarkullimin e automjeteve.
Lumi Ishëm del nga shtrati duke shkaktuar përmbytje në Krujë
Përmbytje e probleme nga reshjet në rrethin e Krujës. Si pasojë e reshjeve të dendura të shiut të rëna gjatë pasdites së djeshme por edhe gjatë natës në të gjithë rrethin e Krujës, lumi Ishëm ka dalë nga shtrati në fshatin Murqinë duke përmbytur disa hektarë tokë bujqësore të mbjellë.Gjithashtu rruga e lagjes fundore të këtij fshati është totalisht e mbuluar nga uji siç duket dhe në pamje. Fatmirësisht niveli i ujit nuk është i lartë që të shkaktojë dëme në banesa.