Kalendari Mjedisor

Mbeturinat “mbulojnë” Fierzën

Reshjet e javës së kaluar kanë rritur në kuotën 274 metra nivelin e liqenit të Fierzës, por kanë rikthyer fenomenin e ndotjes.  Plastikë, qelq e materiale të tjera janë grumbulluar në basen.

By admin

Reshjet e javës së kaluar kanë rritur në kuotën 274 metra nivelin e liqenit të Fierzës, por kanë rikthyer fenomenin e ndotjes.  Plastikë, qelq e materiale të tjera janë grumbulluar në basen.

Kjo është pamja e Fierzës këtë javë të fundit të vitit 2019.

Liqeni është shndërruar sërish në basenin grumbullues të mbetjeve urbane të verilindjes së vendit, Kosovës e Maqedonisë.

Reshjet e shiut kanë rikthyer problematikën pa zgjidhje të ndotjes.

Plastikë, qelq e materiale të tjera janë grumbulluar në Liqen.

Këto pamje nga ajri tregojnë sipërfaqen e konsiderueshme që kanë mbuluar mbeturinat dhe nivelin alarmant të ndotjes

Ndërsa autoritetet shtetërore dhe lokale janë të dorëzuar përballë këtij fenomeni.  Ata nuk kanë kapacitete dhe mjete për të ndërhyrë.

Ndotja e liqenit të Fierzës është një problematikë e vjetër që mbetet pa zgjidhje. Disa vite më parë për shkak të këtij fenomeni aty u shpall gjendja e emergjencës lokale.