Rreth 10 mije lodra fëmijësh janë bllokuar nga Inspektoriati Shtetëror i Mbikqyrjes së Tregut, për shkak se kanë rezultuar të dëmshme për fëmijët dhe me përmbajtje të lartë kimikatesh.

Inspektoriati Shtetëror i Mbikqyrjes së Tregut i bën apel biznesve që të mos importojnë lodra pa markimin e sigurisë CE, si dhe u bën apel prindërve të jenë të kujdesshëm që t’i kontrollojnë ato përpara se ti blejnë.

Thuajse çdo fund vit rezulton e njëjta situatë lidhur me lodrat që shiten në tregje, ndërsa mesa duket bllokimi i importit të tyre që në doganë, nuk ka funksionuar.