Kalendari Mjedisor

Inerte dhe mbetje urbane në kodrat e Yzberishtit, autorët i djegin për të humbur gjurmët

Kodrat e Yzberishtit pak nga pak po pushtohen nga inertet. Larg vëmendjes së qytetarëve kjo zonë  po humbet bukurinë dhe ajrin e pastër.  Krahas inerteve aty gjen në masë edhe mbetje urbane.

By admin

Kodrat e Yzberishtit pak nga pak po pushtohen nga inertet. Larg vëmendjes së qytetarëve kjo zonë  po humbet bukurinë dhe ajrin e pastër.  Krahas inerteve aty gjen në masë edhe mbetje urbane.

Pas denoncimit të zëdhënëses së PD-së, Ina Zhupa, se inertet e Teatrit Kombëtar janë hedhur në kodrat e Yzberishtit, Ora News ka bërë një vëzhgim në këtë zonë dhe ka parë se ka një prani të konsiderueshem të inerteve por edhe të mbetjeve urbane.

Kodrat e Yzberishtit zgjidhen edhe nga shumë qytetarë për të kaluar kohën e lirë mes gjelbërimit. Por krah gjelbërimit janë grumbuj inertesh për të cilat nuk është kujdesur askush të mos jenë aty.

Pasi lajmi për grumbuj inertesh në Yzberisht duket se disa materiale janë djegur, sikur kanë dashur të fshehin këtë padrejtësi ndaj mjedisit. Ato që kanë mbetur janë vetëm gurë, tulla dhe beton.

Inertet dhe mbetjet e tjera urbane janë shumë pranë depos së ujit, por edhe Repartit të Forcave RENEA, por edhe shumë pranë zonave të banuara.

Kjo zonë e Tiranës tregon edhe një herë se periferia e kryeqytetit është ajo për të cilën Bashkia kujdeset pak ose aspak.