Kalendari Mjedisor

Punimet në aksin Tepelenë-Progonat po e shkatërrojnë e ndotin mjedisin

Punimet që po kryhen në aksin Tepelenë-Progonat kanë ngritur në protestë banorët e fshatit Bënçë para dy javësh.

By admin

Sipas banorëve të zonës,  punimet jo vetëm po shkatërrojnë mjedisin, por gjithashtu mbeten një kërcenim edhe për sektorin në të cilin punojnë 

Fshati  Bënçë është një  ndër  fshatrat  ku  prodhohet  mjalti, por  këtë  sezon  bletët sipas banorëve  po  dëmtohen për shkak të ndotjes se krijuar nga punimet për ndërtimin e rrugës.

Në raportimet e mediave të ndryshme lokale,  në  mbështetje  të  banorëve  të Bënçës ishte dhe  ambientalisti Sazan  Guri  i cili  ngriti  alarmin për  shfarosjen  e  florës  dhe  faunës  në  këtë  zonë.

Gjithashtu dhe sektori i peshkimit ka pësuar dëme të mëdha.

“Sot jemi mbledhur për një shqetësim që kemi me një firmë që ka ardhur në zonën e Bënçës për ndërtimin e rrugës Tepelenë- Progonat. Ujërat që derdhen nga kantieri zbresin në lumë, lumi turbullohet dhe zhduket trofta sepse lumi jonë është i pasur me troftë,” thotë një banor i zonës.

Thonë se për këto shqetësime, banorët u janë drejtuar dhe autoriteteve por pa marrë asnjë përgjigje.

Ndonëse janë realizuar dëgjesa publike, mendimi i banorëve akoma nuk është marrë në konsideratë, ndaj ata morën një vendim për të dalë në protestë dhe për të kundërshtuar vazhdimin e punimeve me ndotje katastrofike për mjedisin e zonës.

“Zumë zotin Çuçi këtu bashkë me kryetarin e bashkisë, bashkë me kryetarin e partinë nuk na dhanë asnjë shpjegim. Do ta gjejmë, do ta gjejmë kanë një vit e gjysmë që na thonë kështu. Hajde, nëse ne jemi gabim të na thoni ju zotëri,” thotë një tjetër banor për Ora News.