Kalendari Mjedisor

Tre persona nën hetim për krime mjedisore

Tre persona janë proceduar penalisht në Berat.

By admin

Një 53-vjeçar u procedua penalisht pasi u konstatua duke hedhur inerte me një fadromë në shtratin e lumit Osum.

Ndërsa, një 38-vjeçar u procedua pasi gjatë kontrollit të ushtruar në fshatin Bogovë ka rezultuar se ky person kishte poshtuar një sipërfaqe toke dhe ushtronte aktivitet tregtar duke mos paguar tatimet, taksat, dispononte mall pa faturë dhe kishte dy punonjës të pasiguruar.

Ndërkaq, një 30-vjeçar kishte pushtuar një sipërfaqe toke publike dhe tregtonte pa faturë tatimore pllaka guri dekorative, të cilët dyshohet të jenë nxjerrë në Malin e Tomorit.

Top Channel raporton se vijon zbatimi i planit të masave për parandalimin dhe goditjen e krimeve mjedisore, si dhe të paligjshmërisë në fushën e mbrojtjes së territorit. Në kuadër të zbatimit të planit të masave për parandalimin dhe goditjen e krimeve mjedisore, si dhe në vijim të kontrollit të ushtruar për mbrojtjen e territorit, shërbimet e Policisë, në bashkëpunim me IMT Berat dhe Skrapar, kanë proceduar penalisht shtetasit:

M. Sh., 53 vjeç, banues në fshatin Selan, Skrapar, pasi u konstatua në vendin e quajtur “Teteren”, duke hedhur inerte me një mjet fadromë në shtratin e lumit Osum.

F. D., 38 vjeç, banues në Poliçan, pasi gjatë kontrollit të ushtruar në fshatin Bogovë, Skrapar, ka rezultuar se kishte pushtuar një sipërfaqe toke dhe ushtronte aktivitetin tregtar duke mos paguar tatimet, taksat, dispononte mall pa faturë, si dhe kishte dy punonjës të pasiguruar.

S. L., 30 vjeç, pasi gjatë kontrollit u konstatua se kishte pushtuar një sipërfaqe toke publike dhe tregtonte pa faturë tatimore pllaka guri dekorativ, të cilët dyshohet të jenë nxjerrë në Malin e Tomorit.

Për më tepër Top Channel raporton se policia e Shtetit do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Digjital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.