Shqipëria është përshkruar nga zjarret mbi 5 mijë hektarë por e djegur është 1 mijë 162 hektarë në zonat e mbrojtura.

Reshjet e shiut  këtë të enjte shuan për fat vatrat e mbetura aktive, por cilat janë masat që duhet të ndërmerren për të parandaluar zjarret në vijim?

Zamir Dedej thotë për Top Channel se: Shumica janë zjarre të qëllimshme, ndaj po shikojmë mundësinë për të vendosur kamera për të monitoruar dhe gjurmuar autorin e zjarrvënieve sepse është e vështirë ti gjesh sepse janë zona të largëta malore.

Nga ana tjetër, kreu i zonave të mbrojtura Zamir Dedej shpalosi një plan rehabilitimi për sipërfaqen e dëmtuar, por theksoi rëndësinë e ndërgjegjësimit të shoqërisë shqiptarë për ruajtjen e pyjeve.

Por cilat janë sipërfaqet e përshkruara dhe të djegura nga zjarret në Zonat e mbrojtura

Vlora në Rezervatin Natyror të menaxhuar “Karaburun”  sipërfaqe e përshkruar 4831.8 Ha  sip. e djegur 1100 Ha

Berati  në parkun Kombëtar “Mali i Tomorit”  sipërfaqe e përshkruar 480 Ha  sip. e djegur 51 Ha

Durrësi në Peizazhin e “Mbrojtur Krastë-Vrion”  sipërfaqe e përshkruar 4.3 Ha  sip. e djegur 0.7 Ha

Dibër në Parkun Kombëtar “Lurë-Mali i dejës”   sipërfaqe e përshkruar 3.7 Ha  sip. e djegur 0.3 Ha

Gjirokastër në Parkun Kombëtar “Bredhi i Hotovës” sipërfaqe e përshkruar 2.7 Ha sip. e djegur 1.5 Ha

Korçë në Zonën e Mbrojtur e burimeve Natyrore  “Guri i Nikës”,  sipërfaqe e përshkruar 20.5 Ha  sip. e djegur 3  Ha

Kukës në Parkun Kombëtar “Valbonë”   sipërfaqe e përshkruar 13.8 Ha  sip. e djegur 1 Ha

Elbasan në Parkun Kombëtar “Shebenik Jabllanicë”, sipërfaqe e përshkruar 27.8 Ha sip. e djegur 4 Ha / Top Channel