Kalendari Mjedisor

Ministria e Mjedisit/ 282 zona mjedisore janë dëmtuar seriozisht dhe rigjenerimi i tyre kërkon 150 vite

Mehmet Metaj që ka punuar e sektorin e pyjeve prej shumë vitesh, mendon se Lura ende mund të rehabilitohet duke marrë fara të bimëve të pakta që kanë mbetur dhe të kultivohen po në Lurë. Por, ka edhe nga ata ekspertë që janë mjaft skeptikë për rekuperimin e mrekullisë së Lurës.

By admin

Mehmet Metaj që ka punuar e sektorin e pyjeve prej shumë vitesh, mendon se Lura ende mund të rehabilitohet duke marrë fara të bimëve të pakta që kanë mbetur dhe të kultivohen po në Lurë. Por, ka edhe nga ata ekspertë që janë mjaft skeptikë për rekuperimin e mrekullisë së Lurës.

“Lura rigjenerohet nëse do të rrethohet me tela me gjemba. Pra nëse ndalojmë cdokënd që shkatërron, nëse heqim të gjithë ndërhyrjen e njeriut dhe nëse presim 150 vite të tjera” u shpreh Genti Kromidha, nga Instituti për ruajtjen e natyrës.

Duket se ky parashikim është shumë afër së vërtetës. Aktualisht Agjencia e zonave të Mbrojtura në Dibër ka vetëm 6 roje mjedisore për të gjithë zonat e mbrojtura të qarkut, nga të cilët dy prej tyre mbrojnë parkun Lurë – Mali i Dejës. Për shkak të terrenit të thyer një roje mjedisore nuk mund të mbulojë më shumë se dy hektarë, ndërkohë që sipërfaqja e kësaj zone është 20 mijë hektarë. Pra për ta mbrojtur këtë zonë do të duheshin së paku 10 roje mjedisore, që mund të konsiderohen luks. Por parku kombëtar i Lurës nuk është e vetmja që është degraduar.

Kemi 80 vjet që kemi shpallur zona të mbrojtura e parqe kombëtare dhe përveç atij të Butrintit, ato mbeten të tilla vetëm në letër. Disa prej tyre nuk janë më të tilla nga shkatërrimi barbar, si Qafë-Shtama, Bredhi i Drenovës, Krastat në Krujë dhe Krasta në Elbasan, Dajti, Tomorri, Divjakë-Karavastaja, Kune-Vaini, Velipoja, Llogaraja etj. Mali i Skëndërbeut është një tjetër pyll natyror që u pre barbarisht.

Ministria e Mjedisit thotë se në total janë 282 spote të tilla në rang kombëtar, me një sipërfaqe prej 8514 Ha, të gjitha të evidentuara dhe me projekte të gatshme rehabilitimi nëpërmjet pyllëzimeve artificiale.

Ministria shpjegon se konsiderohen “hot spote” ato zona të cilat janë dëmtuar duke humbur funksionalitetin e tyre “pa kthim” ose ku rigjenerimi kërkon një kohë shumë të gjatë deri në 150 vite./ Shqip