2 SHKURT - DITA BOTËRORE E LIGATINAVE

Kjo ditë përkon me ditën e miratimit të Konventës për Ligatinat (Tokave të Lagura), quajtur ndryshe dhe Konventa Ramsar, në 2 Shkurt 1971, në qytetin iranian të Ramsarit. Kjo konventë siguron kuadrin për veprime kombëtare dhe bashkëpunim ndërkombëtar për ruajtjen dhe përdorimin e ligatinave dhe të burimeve të tyre.

Shqipëria ka miratuar Konventën Ramsar në 29 Shkurt 1996. Vendi ynë ka 4 zona të përcaktuara si Ligatina të Rëndësisë Ndërkombëtare (Zona Ramsar), me një sipërfaqe prej 98,181 ha.