22 MAJ - DITA BOTËRORE E BIODIVERSITETIT

Kjo ditë është shpallur nga Kombet e Bashkuara me qëllim njohjen dhe ndërgjegjësimin më të madh lidhur me çështjet e shumëllojshmërisë biologjike.

Fillimisht, si Dita Ndërkombëtare e Shumëllojshmërisë Biologjike është caktuar data 29 Dhjetor (1993) kur ka hyrë në fuqi Konventa për Shumëllojshmërinë Biologjike.

Në Dhjetor 2000, Asambleja e Përgjithshme e Kombeve të Bashkuara miratoi datën 22 Maj si Ditë Ndërkombëtare të Biodiversitetit, për të kujtuar datën e hyrjes në fuqi të tekstit të Konventës në vitin 1992.