8 MAJ- DITA BOTËRORE E SHPENDËVE MIGRATORE

“Dita Botërore e Shpendëve Migratorë “ WMBD tani do të ketë dy ditë përkujtimi gjatë vitit,  të shtunën e dytë të majit dhe tetorit.

Dita Botërore e Shpendëve Migratorë e ka zanafillën e saj që nga viti 2006 ku sjell në vëmëndje të popullatës njerore dhe shërben si një ditë ndërgjegjësimi për mbrojtjen e shpendëve migrator dhe habitatet e tyre. Kjo ditë organizohet nga Sekretariati i Konventës për Ruajtjen e Specieve Migruese të Kafshëve të Egra (Konventa e Bonit) dhe Marrëveshja për Ruajtjen e Shpendëve Ujorë Shtegtar Afrikano-Euroziatik, dy marreveshje ndërkombëtare për mbrojtjen e jetës së egër që administrohen nga Programi i Kombeve të Bashkuara për Mjedisin (UNEP).

Më 26 Tetor 2017, në kuadër të CMS COP12 në Manila, Mjedisi për Amerikat (EFTA), Konventës për Ruajtjen e Specieve Migruese të Kafshëve të Egra dhe Marrëveshja për Ruajtjen e Shpendëve Ujor Shtegtar Afrikano-Euroziatik, u proklamua një partneritet inovativ për rritjen e ndërgjegjësimit të gjëndjes së shpendëve migrues në mbarë botën. Partneriteti i ri zyrtar bashkon dy nga fushatat më të mëdha të edukimit të shpendëve në botë, Ditën Ndërkombëtare të Shpendëve Migratorë (IMBD) dhe Ditën Botërore të Shpendëve Migratorë (WMBD) në një përpjekje për të përforcuar njohjen dhe vlerësimin global të zogjve migrues, si dhe thekson nevojën urgjente për ruajtjen e tyre.

Nga viti 2018 dhe aktualisht, fushata e re e përbashkët miratoi emrin e vetëm të "Dita Botërore e Zogjve Migratorë", ndërsa ngjarjet kryesore për të përkujtuar këtë ditë do të organizohen dy herë në vit, të shtunën e dytë të majit dhe tetorit.

 Viti 2018 ishtë një fillim I ri I cili shenjoi ruajtjen e shpendëve dhe habitatet e tyre në Ditën Botërore të Zogjve Migratorë, duke bashkuar korridoret kryesore të fluturimit të zogjve të planetit, ose fluturimet, përkatësisht fluturimet afrikano-euroaziatike, aziatikoaustraliane dhe amerikane. Përveç kësaj, për të festuar  ruajtjen e shpendëve bashkë me habitatet e tyre duke krijuar fushata dhe aktivitete nga përkrahësit e zogjve anembanë botës.

Dita Botërore e Shpendëve Migratorë 2021 është një ftesë për njerëzit kudo që ndodhen për të qënë më afër  me natyrën duke dëgjuar me vëmendje thirrjen që natyra na fton për t’u kujdesur dhe për t’a ruajtur çdo ditë e më shumë. Sidomos në këtë ditë kaq të vecantë, për të dëgjuar melodinë më të bukur që natyra na server, atë të shpendëve migratorë dhe vendas.

Le të bëjmë bashkë flladin e freskët, aromën e luleve dhe bimëve që natyra na sjell në këtë stinë dhe ardhjen e shpendëve e zerin e tyre që të kumbon “Natyra është jeta”!