Dritat LED, ndikojnë në zhdukjen e insekteve
Në një studim në Mbretërinë e Bashkuar, u
zbulua se dritat artificiale të rrugës prishnin sjelljen e fluturave të natës,
duke reduktuar numrin e larvave të tyre. Dritat e rrugëve moderne LED duket se
kanë ndikimin më të madh.
Ka dëshmi në rritje se popullatat e insekteve
po zvogëlohen për shkak të ndryshimeve klimatike, humbjes së habitatit dhe
pesticideve. Por, faktorët që ndikojnë janë komplekse dhe të ndryshme, duke
përfshirë humbjen e vazhdueshme të pyjeve, livadheve dhe kënetave, mbi
përdorimin e pesticideve, ndryshimet klimatike dhe ndotjen e lumenjve dhe liqeneve.
Përdorimi i dritave artificiale gjatë natës
është propozuar si një faktor tjetër i rënies së insekteve, edhe pse shkalla e
ndikimit të tyre mbetet e paqartë.
Një studim i fundit tregon, se ndotja e dritës
mund të ketë ndikime të dëmshme mbi popullsinë vendase të insekteve, dhe për
rrjedhojë, tek zogjtë dhe kafshët e tjera të egra që mbështeten në larvat për
ushqim.
Studiuesit mendojnë se dritat e rrugës mund
t'i pengojnë fluturat e natës të lëshojnë vezë ose i vendosin në rrezik
insektet duke i bërë më të dukshëm, për t'u konsumuar nga grabitqarë të tillë
si lakuriqët e natës. Nga ana tjetër, larvat që lindin nën dritën e rrugës,
sidomos LED, ndryshojnë zakonet e tyre
të të ushqyerit.
Megjithatë, ekzistojnë zgjidhjet praktike që
nuk komprometojnë sigurinë publike, shprehen studiuesit.
Këto
zgjidhje përfshijnë, zbehjen e dritave të rrugëve në orët e para,
përshtatjen e sensorëve të lëvizjes ose përdorimin e filtrave të ngjyrave për
të prerë gjatësitë valore më të dëmshme./ BBC NEWS
