Lajme nga bota


Ndotja e ajrit në situatë kritike, OBSh: Po i vret afro 7 milionë njerëz çdo vit

Ndotja e ajrit është një nga kërcënimet më të mëdha mjedisore që kanosin jetën e miliona njerëzve. Së fundmi, OBSH deklaroi se të paktën 7 milionë njerëz vdesin thuajse çdo vit si pasojë e ndotjes së ajrit.

Ndryshe nga të rritur, OBSH thekson se vdekjet e tilla te fëmijët janë më të pakta, sikurse edhe shfaqja e sëmundjeve të tilla si: zvogëlimi i rritjes, probleme me mushkëritë, infeksionet e frymëmarrjes dhe astma e rënduar.

Njëkohësisht OBSH ka dhënë edhe udhëzime të cilat duhet të ndiqen nga të gjitha vendet e botës për të rritur cilësinë e ajrit.

“Udhëzimet Globale të Cilësisë së Ajrit të Organizatës Botërore të Shëndetësisë ofrojnë dëshmi të qarta të dëmit që ndotja e ajrit shkakton në shëndetin e njeriut, në përqendrime edhe më të ulëta nga sa ishte kuptuar më parë,” tha OBSH në një deklaratë.

Që nga përditësimi i fundit global i OBSH -së në 2005, ka pasur një rritje të dukshme të provave që tregojnë se si ndotja e ajrit ndikon në aspekte të ndryshme të shëndetit. Për këtë arsye, dhe pas një rishikimi sistematik të provave të grumbulluara, OBSH ka paralajmëruar se tejkalimi i niveleve të reja udhëzuese të cilësisë së ajrit shoqërohet me rreziqe të konsiderueshme për shëndetin.

Qëndroni më të informuar për mjedisin

Regjistrohuni për të marrë përmbledhjen ditore të lajmeve mjedisore në e-mailin tuaj.