Pekin, për herë të parë në 9 vjet temperaturat shkojnë mbi 40°C
Përgjatë muajit qershor në Pekin u regjistrua një rekord temperaturash. Për herë të parë në 9 vjet, temperaturat arritën deri në 41.1 °C. Sipas sinoptikanëve temperaturat pritet të qëndrojnë të larta deri të shtunën, më 24 qershor, para se të zbresin në 37 °C.
Temperatura kaq të larta u regjistruan në qytet për herë të dytë në historinë e vëzhgimeve dhe është gjithashtu temperatura maksimale e regjistruar në kryeqytetin kinez në muajin qershor. Temperaturat në Pekin janë rritur mbi 41°C tre herë në rekord, sipas analistit meteorologjik të Rrjetit të Motit të Kinës, Ming Youqiu. Maksimumi u regjistrua më 24 korrik 1999 dhe arriti në 41.9°C. Mes vapës ekstreme, në Pekin po zhvillohet Festivali i Varkave të Dragoit, ndërsa në jug të vendit po bien rrebeshe.
