Aktori Russell Crowe jep mesazh për klimën në ceremoninë e Globeve të Artë.
Aktori Russell Crowe ka përfituar nga fjalimi i tij në ceremoninë e ndarjes së çmimeve të Globeve të Artë për të rritur ndërgjegjësimin mbi krizën vdekjeprurëse të zjarreve në Australi.
"Mos bëni më gabime. Tragjedia në Australi po ndodh prej ndryshimeve klimatike," tha ai në një mesazh të lexuar përpara të gjithë pjesëmarrësve në sallë nga prezantuesja e shfaqjes, aktorja Jennifer Aniston.
Komentet e tij i bashkohen një numri mbështetësish të famshëm për fatkeqësinë e zjarreve në Australi.
Zjarret janë një pjesë e natyrshme e ciklit të motit Australian, por janë përkeqësuar këtë vit nga temperaturat më të nxehta se mesatare dhe një thatësirë të vazhdueshme në shumë zona.
Crowe është një nga mijëra banorë Australianë, shtëpitë e të cilëve janë dëmtuar nga zjarret, të cilat po prekin çdo shtet dhe territor.
"Ne duhet të veprojmë bazuar në shkencë, të përqëndrojmë fuqinë tonë botërore drejt energjisë së rinovueshme dhe të respektojmë planetin tonë për veçantitë dhe mrekullinë që ai përfaqëson," tha ai në mesazhin e tij.
Crowe nuk mori pjesë në ceremoninë e Globeve të Artë në Hollivud - Aniston tha se ai kishte qëndruar në shtëpi në Australi për të mbrojtur familjen e tij.
Ai ka postuar rregullisht në mediat sociale që prej fillimit të zjarreve, në lidhje me dëmtimin e shtëpisë së tij, por edhe duke inkurajuar donacione për zonat e prekura.
Aktorja Cate Blanchett gjithashtu shprehi mirënjohje në ceremoni për punën e vullnetarëve dhe zjarrfikësve, duke thënë: "Kur një vend po përballet me një katastrofë klimatike, atëherë ne të gjithë po përballemi me një katastrofë klimatike."
Dhe Joaquin Phoenix, i cili fitoi aktorin më të mirë për një film dramë për filmin The Joker, i bëri thirrje Hollivud-it që të "unifikohet dhe të bëjë disa ndryshime" për ndryshimin e klimës.
